Rome 3:10 - Takarata pɛ Sɔ Mbombe Mbon

¹⁰ Yo gbesi tuka ɛ ngɛraka ha takarata pɛ Sɔ: «Ma *nzeng wi ndang ha li Sɔ bona, ndang bona.

Rome 3:10 ပူးပေါင်းရင်းမြစ်များ

Matthieu 15:19

Hazu hio gdanga takaramɔ gutɛ ha sila. Mɛgi hio wi gbɛa may, dea wanza, dea li bhoko, zuo mɔ, gɔna yɛlɛ ha tɛ may, nɛ fɛngsa may.

Marc 10:18

Jésus ana wɛnɛ: «Mɛ sa mi nde dedea hazu ge? Dede wi bona, kanɛ Sɔ ndang sɔna.

Rome 11:8

Yo gbesi tuka ɛ ngɛraka ha takarata pɛ Sɔ: «Sɔ gdɔka takaramɔ pɛ mbwa nde, ka mbwa aing mɔ na. A gdɔka li mbwa nde, ka mbwa azɔk mɔ na. A gdɔka zala mbwa nde, ka mbwa aze mɔ na. Nɛ gbo ha swe mɛsɛ, mbwa bhɔna ka mɛgi.»

Rome 3:11

Ma wi ndang ka dung nɛ mbaramɔ bona. Ma wi ndang ka ki wal mɛ ing Sɔ bona.

Rome 3:23

Wi fɛt dea gdangamɔ, mɛgi, mbwa lɛm fin nɛ *lɛkɛ-lɛkɛmɔ pɛ Sɔ na.

Rome 3:4

Way! Yo bo mɛgi na. Ɔ aing nde, Sɔ bhɔna ha tɔa tɛwen, ngase ka hio wi fɛt ha tɔa dalo. Yo gbesi tuka ɛ ngɛraka ha takarata pɛ Sɔ: «Hio wi being nde, mɛ nɛ nzeng nɛ wal wen nu mɛ. Nɛ ha li kita mɛ began zu hio wan-fundi mɛ.»

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Pierre 1:16

Sɔ batɔ ha zang takarata pɛa nde: «Ɛnɛ adung nɛ nzɔya, hazu mi nɛ nzɔya.»

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.