Rome 2:14 - Takarata pɛ Sɔ Mbombe Mbon

¹⁴ Hio olo kandɔ, mbwa ing mbonga pɛ Moïse na. Ngase ɛngi, hio ma ha soko mbwa ha dea mɔ lɛm nɛ wen mbonga. Ɛngi osi nde, mbwa nɛ tɛ mbwa ingɔ gbaa soko dedemɔ nɛ gdangamɔ.

Rome 2:14 ပူးပေါင်းရင်းမြစ်များ

Deamɔ 10:35

Mɛgi, ha soko kandɔ ndang ndang fɛt, Sɔ ngoy nɛ wi, ka yu ke wa, nɛ ka de mɔ ka dung nzeng ha li wa.

Deamɔ 14:16

Ha hio ngimɔ ka pena, Sɔ gdea hio kandɔ fɛt nde, mbwa aba wal, ka sila mbwa ngoya.

Deamɔ 17:30

Tazu Sɔ biso nɛ mɔ ndɔng ka hio wi bade ha ngimɔ ka mbwa tɛ ing wɛnɛ na. Ma, sising Sɔ ngoya nde, hio wi ha bhandi fɛt akifiri sila mbwa.

Rome 1:32

Hio wi ndɔng ki ingɔ *mbonga pɛ Sɔ, ka tɔ nde, hio wi ka de tili deamɔ mɛgi, mbwa lɛma nɛ kita fio. Ngase ɛngi, mbwa bhɔna ka ha dea mɔ ndɔng. Nɛ pen fɛt, ka mbwa zɔk hio ma wi ha dea gdangamɔ, mbwa ha lukoso hio wia.

Rome 2:12

Hio wi ang ka ing *mbonga pɛ Moïse na. Ngase ɛngi, ka mbwa de gdangamɔ, mbwa fɛt bebhondi. Ma, pɛ hio wi ka ing mbonga pɛ Moïse, nɛ ka de gdangamɔ, Sɔ begɔn kita ha zu mbwa lɛm nɛ wen mbonga ɛngɛ.

Rome 2:15

Deamɔ pɛ hio wi ndɔng gbasi nde, Sɔ ngɛraka mbonga pɛa gde ha zang sila mbwa. Ingɔmɔ sila nɛ takaramɔ pɛ mbwa gbasi mɛgi fin. Hazu, ma ngimɔ, mɔ ndɔng ha osa ha mbwa nde, mbwa dea dedemɔ, nɛ ma ngimɔ nde, mbwa dea gdangamɔ.

Rome 2:27

Kpasawen, mɛ ka dung nê zuife, Sɔ haa ɛnɛ takarata mbonga pɛa, nɛ mɛ gɔna sɔru mɛ. Ma, ngase ɛngi mɛ tukolo mbonga ɛngɛ. Yo nê hazu ɛngi ka hio wan-sɔru ndɔng, ka pam mbonga, begɔn kita ha zu mɛ.

1 Korente 11:14

Ndɔkitɛ mɔ fɛt ka Sɔ dea, osi nde, yo nê mɔ foy ka wei dung nɛ bɔya bumɔzu.

1 Korente 9:21

Nɛ ka mi dung ha soko wi ndɔng ka ing mbonga pɛ Moïse na, deamɔ pɔm ka fin tuka pɛ mbwa hazu nde, mbwa amɛkiri Christ. Ka mi de mɛgi, mi tukili mbonga pɛ Sɔ na, hazu mi dung ha si mbonga pɛ Christ.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Efeze 2:3

Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.

Filipe 4:8

Olo wen pɔm fin, hio ya mi, ɛnɛ gde sila ɛnɛ ha mɔ ndɔng fɛt ka dung nɛ kpasa, ka dung nɛ zioa ha li wi fɛt, ka dung nzeng, ka dung nɛ saa, ka ha totɛ, ka dung nɛ dede ling, ka dung nê dede deamɔ, nɛ ka lɛm nɛ lukosomɔ.