Rome 2:1 - Takarata pɛ Sɔ Mbombe Mbon

¹ Mɛ ka gɔn kita ha zu hio ma mɛ, ngase mɛ dung mɛng, mɛ bo nɛ ma wen hazu ngangi nɛ tɛ mɛ na. Hazu mɛ fɛt, mɛ ha dea ndangtɛ gdangamɔ tuka mbwa. Mɛgi, ka mɛ gɔn kita ha zu mbwa, mɛ gɔn nɛ kita ha zu mɛ nɛ pɛ mɛ tɛ.

Rome 2:1 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 12:14

Jésus tɔa ha wɛnɛ: «Dan mi, o ha gde mi tuka wan-gɔn kita nɛ wan-kapini mɔ ha soko ɛnɛ, o nde?»

Dede Wen hazu Jésus-Christ ka Luc ngɛraka 19:22

Nɛ a tɔa ha wɛnɛ: ‹Mɛ nê gdanga wan-tom, mi begɔn kita ha zu mɛ nɛ wal wen nu mɛ. Mɛ ingɔ fɛt nde, mi nɛ ngaya. Mi ku mɔ ka mi tɛ gde na, nɛ mi bhi kpalmɔ ka mi tɛ pɛ na.

Dede Wen hazu Jésus-Christ ka Luc ngɛraka 6:37

«Ɛnɛ agɔn kita ha zu ma wi na, mɛgi Sɔ lɛm gɔn kita ha zu ɛnɛ na. Ɛnɛ agɔn kita ba ma wi na, mɛgi Sɔ lɛm gɔn kita ba ɛnɛ na. Ɛnɛ bisi *sɛmbɔ pɛ may, mɛgi Sɔ bebisi sɛmbɔ pɛ ɛnɛ.

Rome 14:22

Mɔ ka mɛ nɛ pɛ mɛ tɛ mɛkiri ha wena, mɛ pam yo ha soko mɛ hinɛ Sɔ sɔna. Totɛ ha wi ka de mɔ ka wɛnɛ mɛkiri tuka dedemɔ, nɛ ka sila wa gɔn kita ba nɛ tɛ wa hazua na.

Rome 2:2

Ɔ fɛt, ɔ ingɔ nde, hio wi ndɔng ka de tili mɔ mɛgi, Sɔ begɔn kita ha zu mbwa lɛm nɛ tɛwen.

Rome 2:3

Mɛ ha gɔna kita ha zu hio wi ka de gdangamɔ, ma, mɛ ha dea ndangtɛ mɔ fin gbesi. Mɛgi, mɛ takiri pɛ mɛ nde, mɛ bekpɔy ha li kita pɛ Sɔ?

Rome 3:9

Mɛng? Ɔ, hio *zuife, ɔ nɛ dedea pen hio olo kandɔ nde? Way! Yo bo mɛgi na. Mi tɔa kari nde, hio zuife nɛ hio olo kandɔ, mbwa fɛt nê bala ha si gdangamɔ gbesi.

Rome 9:20

Woo, ya mi, mɛ ka kifiri wen ha Sɔ mɛgi, mɛ nê o? Kpana lɛm mɛ tɔ ndang na ha wan-bhu wɛnɛ nde, a bhuo wɛnɛ mɛgɛ hazu ge?

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

1 Korente 7:16

Pɛ mɛ, bhoko, mɛ being mɛng nde, mɛ bekpasisi wei pɛ mɛ? Nɛ pɛ mɛ, wei, mɛ being mɛng nde, mɛ bekpasisi ko pɛ mɛ?

Jacques 2:20

Mɛ nê tum wi! Tazu mɛ agba nde, ka mɛ mɛkara Sɔ nɛ deamɔ lɛm nɛ yo bona, ɛngɛ nɛ gbelea.

Jacques 4:11

Hio ya mi, ka ɛnɛ atɔ gdanga lingtɛ may na. Wi ka tɔ gdanga lingtɛ ya wa, nɛ ka gɔn kita ha zu wa, a tɔa gdanga lingtɛ *mbonga pɛ Sɔ, nɛ a gɔna kita ha zua. Ka mɛ gɔna kita ha zu mbonga ɛngɛ, yo tɔ nde, mɛ pam mbonga fin na, ma, mɛ tɛ bo nê wan-gɔn kita.