Rome 15:18 - Takarata pɛ Sɔ Mbombe Mbon

¹⁸ Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

Rome 15:18 ပူးပေါင်းရင်းမြစ်များ

Matthieu 25:16

Wi ka kpaa lafu mbɔli mɔrkɔ nɛa nɛ de tonga nɛ yo. Nɛ wɛnɛ kpaa ma mbinga mɔrkɔ gde ha zua.

Marc 16:20

Nɛ hio wan-yambimɔ pena nɛ bul *Dede Wen ha bhandi fɛt. Mɛgi, Kongawan dungɔ ha dea tom hinɛ mbwa. A dea hio *mɔweka nɛ wal mbwa hazu gbasi ha hio wi nde, Dede Wen ka hio wan-yambimɔ bul nê tɛwen.]

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Deamɔ 15:12

Nɛ wi fɛt ka wesara may haki kara selele. Mbwa fɛt lɛnga zala ha tɛ Barnabas hinɛ Paul ha tɔa wen *mɔweka nɛ *mɔkifi, ka Sɔ dea nɛ wal mbwa ha soko hio wi ndɔng, ka bo nê zuife na.

Deamɔ 15:4

Ka mbwa hɔa ha Jérusalem, *giliwi mɔ eglize, nɛ hio wan-nɛtom nɛ hio kotowi baa mbwa nɛ dede kɔ. Mbwa baa kasi mɔ fɛt, ka Sɔ dea nɛ wal mbwa.

Deamɔ 21:19

Paul fana mbwa, nɛ a baa kasi dedemɔ ndang ndang fɛt, ka Sɔ dea nɛ wal wɛnɛ ha soko hio wi ndɔng, ka bo nê *zuife na.

Deamɔ 26:20

Ma, ha bosia, mi bulo wen ha hio wi mɛ Damas nɛ hio wi mɛ Jérusalem. Hapata fin ha hio wi mɛ kandɔnu Judée nɛ hio wi mɔ hio olo kandɔ nde, mbwa akpali deamɔ pɛ mbwa nɛ kifiri tɛ ha pɛ Sɔ, nɛ mbwa ade mɔ, ka osi nde, mbwa kiforo sila nɛkpasa.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Rome 6:17

Sɔngsi, ɛnɛ badung nê hio bala ha si gdangamɔ. Ma, sising, ɔ tɔ oeba ha Sɔ hazu ɛnɛ tɛ bo ha pama nɛ sila ɛnɛ fɛt mbombe osamɔ, ka Sɔ osa ha ɛnɛ.

2 Korente 11:31

Sɔ, Bafa mɛ Kongawan Jésus, ka lukosomɔ nê pɛa kpoo nɛ kpoo, wɛnɛ ingɔ nde, mi tɔ dalo na.

2 Korente 12:6

Ka bo se nde, mi ngoya mɛ lukisi tɛ mi, ki mi de mɔ tuka wan-bili na, hazu mi lɛma tɔ nɛ tɛwen sɔna. Ma, mi kara sɛm, hazu mi tɛ ngoy ngoy nde, hio wi aba mi tuka gasa wi pentɛ na. Mbwa aba mi lɛm nɛ mɔ ka mbwa zɔk mi ha dea, nɛ ka mbwa ze mi ha tɔa.

2 Korente 3:5

Ɔ tɛ takiri nde, ɔ nɛ pɛ ɔ tɛ lɛma de tom ɛngɛ, ndang na. Yo nê Sɔ ka ha ɔ ngatɛ mɛ de nɛ yo.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

Galasi 2:8

Hazu Sɔ ka batomsi Pierre tuka wan-nɛtom ha pɛ kandɔ zuife, a tomsa mi fin gbesi ha pɛ hio olo kandɔ.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.

2 Tesalonike 2:17

mbwa adonsi sila ɛnɛ nɛ da nɛ ngatɛ hazu de nɛ wol hio tili dede mɔ fɛt.

Hebro 11:8

Nɛ wal mɛkara Sɔ, Abraham zea nu Sɔ, ka saa wɛnɛ mɛ nɛ ha ma mbing kandɔnu. Hazu Sɔ gɔna nu ha wɛnɛ nde, wɛnɛ bekpa kandɔnu ɛngɛ tuka likɔ, Abraham pena nɛ ang, ngase ka wɛnɛ tɛ ing ka bhandia sɔngsi na.

Hebro 5:9

Ka wɛnɛ tɛa wi ka lɛma wɛɛ kari, a tɛ bo fin nê wan-ha *mɔkpasi kpoo ha hio wi ndɔng ka ze nu wa.

Jacques 1:22

Ɛnɛ de mɔ lɛm nɛ wen pɛ Sɔ, ka ɛnɛ aze yo sɔna nɛ zala na! Ka ɛnɛ ze ze sɔna, ki ɛnɛ osala tɛ ɛnɛ nɛ pɛ ɛnɛ tɛ.

1 Jean 3:18

Mɛgi, hio bem pɔm, ka ɔ angoy hio ya ɔ sɔna nɛ wal wen nu ɔ na. Ma, ɔ angoy hio ya ɔ nɛ wal deamɔ ka lɛm nɛ tɛwen pɛ Sɔ.

Jude 1:9

Ngase telenge Michel ka dung nê wan-zu hio telenge fɛt, tɛ de mɛgi na. Ha ngimɔ ka wɛnɛ dungɔ ha mɔya hinɛ *Satan hazu wɔl Moïse, Michel tɛ ba da mɛ gɔn kita fɛngsamɔ ha zu Satan na, ma, a tɔa sɔna nde, Kongawan andulsi mɛ.