Rome 15:16 - Takarata pɛ Sɔ Mbombe Mbon

¹⁶ nɛ wal gdea mi wan-tom pɛ Jésus-Christ ha soko hio kandɔ ka bo nê *zuife na. Wɛnɛ weka mi gde nɛtɛ hazu bul *Dede Wen pɛ Sɔ. Mɛgi, hio kandɔ ndɔng lɛma mɛ dung tuka yefa sadaka, ka *Nzɔy-Sɔtɛ gdea nɛ nzɔya ha li Sɔ.

Rome 15:16 ပူးပေါင်းရင်းမြစ်များ

Deamɔ 13:2

Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Deamɔ 22:21

Mɛgi, Kongawan tɔa ha mi: ‹Mɛ pen, hazu mi ngoy tomsi mɛ nɛ yɛa ha soko hio mbing kandɔ!›»

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

Rome 11:13

Sising, mi wolmɔ ha ɛnɛ, ka bo nê zuife na. Mi nê *wan-nɛtom ka Sɔ tomsa ha hio kandɔ ka bo nê zuife na. Nɛ mi nɛ totɛ hazu tom pɔm.

Rome 15:18

Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

Rome 15:20

Ma, mi dungɔ nɛ hɛl mɛ bul Dede Wen sɔna ha hio bhandi ka hio wi tɛ ze ka wen tɛ Christ ang na. Yu nde, mi betɛ bɛ twa ha zu gɔni nanga twa ka ma wi dea sɔngsi.

Rome 15:29

Mi ingɔ nde, ka mi behɔ ha pɛ ɛnɛ, Christ bewol dede wen ha zu ɛnɛ nɛkpasa nɛ wal mi.

Rome 5:5

Ka ɔ gde tazu ɔ ha tɛ Sɔ, mɔa lɛm pen nɛ gbelea na. Hazu, Sɔ donsa sila ɔ nɛ ngoy pɛa nɛ wal *Nzɔy-Sɔtɛ ka wɛnɛ haa ha ɔ.

1 Korente 3:5

Apolos nê o? Nɛ Paul nê o? Ɔ sɔna nê hio wan-tom pɛ Sɔ, ka dea tom tuka nde, ɛnɛ amɛkiri Christ. Ɔ de sɔna nɛ tom ka *Kongawan haa ha ɔ mɛ de.

1 Korente 4:1

Lɛma nde, ɛ azɔk ɔ tuka hio wan-tom pɛ Christ, ka wɛnɛ gdea tom ha kɔ ɔ nde, ɔ agbasi tɛwen pɛ Sɔ ka badung nɛ wuso.

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

2 Korente 5:20

Hazu ɛngi, ɔ tɔ wen ha olo nu Christ. Sɔ nɛ pɛa tɛ mbo ɛnɛ nɛ wal wen nu ɔ. Mɛgi, nɛ ling Christ, ɔ ba nanga ɛnɛ nde, ɛnɛ agde Sɔ abhɔngiri mɔ ha soko wa hinɛ ɛnɛ.

2 Korente 8:5

Mbwa tɛ ha sɔna nɛ mɔ ka ɔ batakiri hazua na, ma, sɔngsi mɔ fɛt mbwa haa tɛ mbwa ha *Kongawan. Nɛ hapata, mbwa haa tɛ mbwa ha ɔ fin tuka Sɔ ngoya.

Galasi 3:5

Sɔ ha Nzɔy-Sɔtɛ pɛa ha ɛnɛ, nɛ wɛnɛ ha dea hio *mɔkifi ha soko ɛnɛ. Mi ani ɛnɛ fin nde, Sɔ de mɛgi hazu ge? Yo nê hazu ɛnɛ dea mɔ lɛm nɛ mbonga, mana hazu ɛnɛ zea Dede Wen nɛ mɛkara yo nde?

Efeze 2:18

Yo nê hazu Christ ka ɔ fɛt, hio zuife nɛ hio olo kandɔ, lɛma mɛ tiki nɛ hapɛtɛ Sɔ, Bafa ɔ, nɛ wal ndanga *Nzɔy-Sɔtɛ.

Efeze 2:22

Ha dea sɔy hinɛ Jésus-Christ, ɛnɛ fin, ɛnɛ tɛ bo nê ma bhalkɔ twa ɛngɛ ka Sɔ de le ang nɛ wal Nzɔy-Sɔtɛ pɛa.

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.

Filipe 2:17

Ɛnɛ mɛkara Jésus-Christ, nɛ mi haa mɛkaramɔ ɛngɛ tuka sadaka ha Sɔ. Ngase ka ɛ begbɛ mi nɛ gɔsi tɔktɛ mi ha zu sadaka ɛngɛ, mi bede totɛ, nɛ mi bekapini totɛ ɛngɛ hinɛ ɛnɛ fɛt.

Filipe 4:18

Mi kpaa hio mɔ-kɔ ɛnɛ fɛt ka ɛnɛ tomsa ha mi. Yo lɛma hazu mi pen zua. Mɔ ka ɛnɛ gdea ha kɔ Epafrodite tɛnɛ ha mi, yo lɛma mi nɛkpasa. Hio mɔ-kɔ ɛnɛ ndɔng dung tuka yefa sadaka ka dede pɛla siing danga nɛ ha pɛ Sɔ, nɛ ka ha totɛ ha wɛnɛ.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

1 Timothée 1:11

Kpasa osamɔ ɛngɛ, yo tɛ nɛ wal lɛkɛ-lɛkɛ *Dede Wen, ka Sɔ ka dung nɛ totɛ fɛt, gdea ha kɔ mi.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Hebro 13:16

Ka tazu ɛnɛ abisi nɛ dea dedemɔ nɛ dea ngay ha tɛ may na, hazu yo nê tili sadaka mɛgi ka ha totɛ ha Sɔ.

1 Pierre 1:12

Sɔ osa ha mbwa long nde, mɔ ndɔng bo hazu mbwa nɛ pɛ mbwa tɛ na, ma, yo hazu ɛnɛ. Nɛ sising, hio wan-bul *Dede Wen bulo wen mɔ ndɔng ha ɛnɛ fɛt kari. Mbwa tɔa wena nɛ wal ngatɛ pɛ Nzɔy-Sɔtɛ ka Sɔ tomsa ha ngɔn tɛnɛ. Nɛ hio *telenge fin nɛ hɛl mɛ mbari hio mɔ ndɔng.

1 Pierre 2:5

Lɛma nde, ɛnɛ fin adung tuka tunɔ ta nde, Sɔ akay ɛnɛ bɛ nɛ twa, ka *Nzɔy-Sɔtɛ ade le ang. Ɛnɛ bedung nê hio nzɔy wan-hasadaka tuka nde, ɛnɛ aha hio sadaka, ka Nzɔy-Sɔtɛ ngoya, nɛ ka dung nɛ yefaa ha li Sɔ nɛ wal Jésus-Christ.