Rome 15:1 - Takarata pɛ Sɔ Mbombe Mbon

¹ Ɔ ka dung nê hio ngawi ha wal mɔ Sɔ, lɛma nde, ɔ agbakiri hio mɔka wi ha mɔ ka mbwa takiri tɛ ang. Ka ɔ ade nɛ mɔ ka ha totɛ ha tɛ ɔ nɛ pɛ ɔ tɛ na.

Rome 15:1 ပူးပေါင်းရင်းမြစ်များ

Rome 14:1

Wi ka dung nɛ mɔka ha wal mɔ Sɔ, ɛnɛ ba wɛnɛ nɛ dede kɔ. Ka ɛnɛ asikafɛ hinɛ wɛnɛ hazu ndɔki deamɔ ka wɛnɛ zɔka nɛ dedea mana nɛ gdanga na.

Rome 14:2

Hio ma wi mɛkara nde, mbwa lɛma yɔng tili yɔngamɔ fɛt. Ma, hio wi ndɔng ka dung nɛ mɔka ha wal mɔ Sɔ, mbwa yɔng pɛ mbwa sɔna nɛ wakpo.

Rome 4:20

A tɛ si kafɛ ha gɔnanu pɛ Sɔ na. Ma, ha zang mɔ ndɔng fɛt a tɛ bo ha mɛkara Sɔ nɛngaya pen mɔ sɔngsi, nɛ a dungɔ ha lukoso Sɔ.

1 Korente 4:10

Hio wi mɔ nzan zɔk ɔ tuka hio wan-bili hazu Christ. Ma, ɛnɛ takiri pɛ ɛnɛ nde, ɛnɛ nê hio wan-mbarimɔ hazu ɛnɛ ha dea sɔy hinɛ Christ. Ɔ nê hio mɔka wi, ma, ɛnɛ takiri nde, ɛnɛ nê hio ngawi. Hio wi ha bhɛsara ɔ, ma, mbwa ha lukoso ɛnɛ.

1 Korente 9:22

Nɛ ka mi dung ha soko hio mɔka wi ha wal mɔ Sɔ, deamɔ pɔm ka fin tuka pɛ mbwa hazu nde, mbwa amɛkiri Christ. Ha soko hio wi fɛt, mi tɛ bo tuka mbwa ndang ndang fɛt nde, ka mi akpasisi hio ma ha soko mbwa.

2 Korente 12:10

Mi nê mɔka wi, hio wi ha yaa mi, hio mɔ ha kɔpa mi, hio wi ha namala mi, nɛ hio yeksamɔ ha kpaa mi hazu mi nê pɛ Christ. Ma, mi nɛ totɛ ha zang mɔ ndɔng fɛt, hazu ka mi nɛ mɔkaa, mi nɛ ngatɛ.

Efeze 6:10

Kpogio wen pɔm nê ɛngɛ: Ɛnɛ ngasisi tɛ ɛnɛ ha zang dea sɔy hinɛ *Kongawan, ka ɛnɛ akpa ngatɛ ha zang gasa ziomɔ pɛa.

Filipe 2:4

Ka ɛnɛ azɔk sɔna nɛ mɔ ka dung nɛ dedea hazu ɛnɛ nɛ tɛ ɛnɛ na. Ma, ɛnɛ ndang ndang fɛt, ɛnɛ de dedemɔ ha tɛ hio oloa fin.

1 Tesalonike 5:14

Hio ya ɔ, ɔ mbo ɛnɛ nde, ɛnɛ aha mbɔla ha hio pɔsa wi, ɛnɛ aha da ha hio wan-ke, ɛnɛ agbakiri hio mɔka wi, nɛ ɛnɛ aba sila ɛnɛ nɛ hio wi fɛt.

2 Timothée 2:1

Mɛ ka dung tuka bem pɔm, mɛ gde Jésus-Christ aha mɛ ngatɛ nɛ wal *dede sila pɛa.

1 Jean 2:14

Hio bem pɔm, mi ngɛraka ha ɛnɛ hazu ɛnɛ ingɔ Sɔ, Bafa. Hio bafa mi, mi ngɛraka ha ɛnɛ hazu ɛnɛ ingɔ wi ka dung ang nisi ha ngimɔ ka Sɔ dea nzan. Hio pɔlɔmbɔ wi, mi ngɛraka ha ɛnɛ hazu ɛnɛ nê hio ngawi, ɛnɛ ha pama wen pɛ Sɔ ha sila ɛnɛ, nɛ ɛnɛ gana zu gdanga sɔ kari.