Rome 14:1 - Takarata pɛ Sɔ Mbombe Mbon

¹ Wi ka dung nɛ mɔka ha wal mɔ Sɔ, ɛnɛ ba wɛnɛ nɛ dede kɔ. Ka ɛnɛ asikafɛ hinɛ wɛnɛ hazu ndɔki deamɔ ka wɛnɛ zɔka nɛ dedea mana nɛ gdanga na.

Rome 14:1 ပူးပေါင်းရင်းမြစ်များ

Matthieu 12:20

Wɛnɛ lɛm gbin mɔka wi ka dung tuka suo sisongo na. Nɛ a lɛm bisi mɔka wi ka dung tuka bebe we lamba na. A bede mɛgi kanɛ wɛnɛ danga zu hio wi nde, mbwa amɛkiri nzeng wal deamɔ pɛ Sɔ.

Matthieu 14:31

Nɛhasa Jésus yafafa kɔ, ba wɛnɛ, nɛ tɔa: «Mɛ nɛ bebe mɛkaramɔ! Mɛ sikafɛ hazu ge?»

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Marc 7:19

Hazu yɔngamɔ le ha sila wi na. Ma, yo nɛ sɔna ha zang, hapata yo gboa nɛ wal mbom.» nɛ wal wen ndɔng, Jésus osa nde, wi lɛma yɔng tili yɔngamɔ fɛt.

Dede Wen hazu Jésus-Christ ka Luc ngɛraka 17:2

Ka ɛ hɛl gasa ta hɔnmɔ ha gɛl wi ɛngɛ nɛ pi ha nana-litɔng, ɛngɛ nɛ dedea hazu wa pen nde, wɛnɛ adak ma bebe wi ndang pi ha dea gdangamɔ.

Jean 13:20

Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»

Deamɔ 28:2

Hio wi mɛ kisi ɛngɛ dea ngay ha tɛ ɔ, nɛ mbwa baa ɔ nɛ dede kɔ. Mbwa lɛa gasa we ha ɔ, hazu kolo dungɔ ha ɔla, nɛ gangmɔ ang pentɛ.

Rome 11:15

Ha ngimɔ ka Sɔ mulo nɛ hio zuife pi, a bhɔngara wen ha soko wa hinɛ hio olo wi mɔ nzan. Nɛ ngimɔ ka Sɔ beba hio zuife nɛ dede kɔ nɛ mbinga, yo bedung mɛng? Yo bedung tuka mbombe tunɔ hazu hio fiowi.

Rome 14:2

Hio ma wi mɛkara nde, mbwa lɛma yɔng tili yɔngamɔ fɛt. Ma, hio wi ndɔng ka dung nɛ mɔka ha wal mɔ Sɔ, mbwa yɔng pɛ mbwa sɔna nɛ wakpo.

Rome 14:21

Dea gdang, mɛ akafi yɔnga sari, mɛ akafi nɔa dɔkɔ, nɛ mɛ akafi fin dea olo mɔ fɛt ka lɛma teksi ya mɛ ha wal mɔ Sɔ.

Rome 14:3

Wi ka yɔng tili yɔngamɔ fɛt, lɛma nde, ka wɛnɛ abhɛsiri wi ka zim hio ma tili yɔngamɔ na. Nɛ wi ka zim hio ma yɔngamɔ, ka wɛnɛ agɔn kita ha zu wi, ka yɔng tili mɔ fɛt na. Hazu Sɔ baa wia nɛ dede kɔ kari.

Rome 15:1

Ɔ ka dung nê hio ngawi ha wal mɔ Sɔ, lɛma nde, ɔ agbakiri hio mɔka wi ha mɔ ka mbwa takiri tɛ ang. Ka ɔ ade nɛ mɔ ka ha totɛ ha tɛ ɔ nɛ pɛ ɔ tɛ na.

Rome 15:7

Ɛnɛ aba may nɛ dede kɔ gbesi tuka Christ baa ɛnɛ. Nɛ wal dea mɛgi ɛnɛ belukisi Sɔ.

Rome 4:19

Hazu ha ngimɔ ɛngi Abraham tɛ bo hapɛtɛ bɛlɛ gɔmmay ndang, tɛ wa gbɛla kari, nɛ Sara, ko pɛa, dungɔ nê nakomba. Ngase ɛngi, a tɛ kati mɛ mɛkiri Sɔ na.

1 Korente 9:22

Nɛ ka mi dung ha soko hio mɔka wi ha wal mɔ Sɔ, deamɔ pɔm ka fin tuka pɛ mbwa hazu nde, mbwa amɛkiri Christ. Ha soko hio wi fɛt, mi tɛ bo tuka mbwa ndang ndang fɛt nde, ka mi akpasisi hio ma ha soko mbwa.

Filipe 2:29

Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ nɛ totɛ fɛt, hazu wɛnɛ nê ya ɔ ha Kongawan. Hio tili wi tuka wɛnɛ, lɛma nde, ɛnɛ alukisi mbwa.

1 Tesalonike 5:14

Hio ya ɔ, ɔ mbo ɛnɛ nde, ɛnɛ aha mbɔla ha hio pɔsa wi, ɛnɛ aha da ha hio wan-ke, ɛnɛ agbakiri hio mɔka wi, nɛ ɛnɛ aba sila ɛnɛ nɛ hio wi fɛt.

Hebro 5:14

Ma, nga yɔngamɔ lɛma nɛ zɔma wi ka yamba wal mɛ de mɔ ka lɛma, nɛ ka li wa bhaa hazu ing wal mɛ gba soko dedemɔ nɛ gdangamɔ.

2 Jean 1:10

Ka ma wi ka osi ma mɔ nɛtɛ, tɛa ha pɛ ɛnɛ, ka ɛnɛ aba wɛnɛ nɛ dede kɔ ha twa pɛ ɛnɛ na, nɛ ka ɛnɛ afan wɛnɛ na.