Rome 13:7 - Takarata pɛ Sɔ Mbombe Mbon

⁷ Mɔ ka ɛnɛ lɛma mɛ kpe ha wi ndang ndang, dea nde, ɛnɛ akpe yo. Ɛnɛ kpe tili garama fɛt ha hio wan-ndɛm mbɔli garama. Wi ka lɛma nɛ ke, ɛnɛ ayu ke wa. Nɛ wi ka lɛma nɛ lukosomɔ, ɛnɛ alukisi wɛnɛ.

Rome 13:7 ပူးပေါင်းရင်းမြစ်များ

Matthieu 17:25

Pierre kafa: «Dalo, wɛnɛ ha kpea.» Nɛ wɛnɛ lea twa. Ka wɛnɛ tɛ gu ka nu wa na, Jésus ana wɛnɛ: «Hio *kongapora mɔ nu ɛngɛ ba mbɔli garama ha kɔ hio bele mana ha kɔ hio bekɔ? Mɛ takiri pɛ mɛ nɛ ge, Simon?»

Matthieu 22:21

Mbwa tɔa ha wɛnɛ: «Yo nê pɛ kongapora Sezar.» Nɛ wɛnɛ kiforo wen ha mbwa: «Mɛgi ɛnɛ ha mɔ pɛ kongapora ha kongapora! Nɛ ɛnɛ ha mɔ pɛ Sɔ ha Sɔ!»

Marc 12:17

Nɛ wɛnɛ tɔa ha mbwa: «Ɛnɛ ha mɔ pɛ kongapora ha kongapora! Nɛ ɛnɛ ha mɔ pɛ Sɔ ha Sɔ!» Mɛgi mbwa yaksa pentɛ ha wen ka Jésus kiforo ha mbwa.

Dede Wen hazu Jésus-Christ ka Luc ngɛraka 20:22

Mɛ tɔ ha ɔ, mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Dede Wen hazu Jésus-Christ ka Luc ngɛraka 20:25

Nɛ Jésus tɔa ha mbwa: «Mɛgi, ɛnɛ ha mɔ pɛ kongapora ha kongapora! Nɛ ɛnɛ ha mɔ pɛ Sɔ ha Sɔ!»

Dede Wen hazu Jésus-Christ ka Luc ngɛraka 23:2

Haki mbwa fundo wɛnɛ nɛ hio wen mɛgɛ: «Ɔ kpaa wi ɛngɛ ha aa sɔkira ha kandɔ pɛ ɔ sungiri nɛ *kongapora Sezar. A dol mbwa mɛ kpe garama ha wɛnɛ. Nɛ a tɔa nde, wɛnɛ nê *Mesi, wi ka Sɔ hɔnga mɛ dung kongapora.»

Rome 12:10

Ɛnɛ ngoy may hɛrr tuka hio kpasa gdiya. Dea nde, ɛnɛ adung nɛ sila ɛnɛ fɛt ha tusoso tɛ may.

Rome 13:6

Yo nê hazu wen ɛngi fin, ka ɛnɛ kpe nɛ mbɔli garama. Hazu hio wan-tom pɛ gɔfɔrma ka gbɛngsi tɛ ha tom pɛ mbwa, mbwa ha dea tom ka Sɔ gdea ha kɔ mbwa.

Efeze 5:33

Ma, yo fin gbesi nɛ ɛnɛ. Dea nde, wei ndang ndang fɛt angoy ko pɛa tuka tɛ wa. Nɛ dea nde, bhoko ndang ndang fɛt aba wei pɛa nɛ zioa.

Efeze 6:5

Ɛnɛ, hio bala, dea nde, ɛnɛ aze nu hio wan pɛ ɛnɛ mɔ nzan ɛngɛ. Ɛnɛ ayu ke mbwa, nɛ tɛ ɛnɛ ayak ha li mbwa. Ɛnɛ de tom ha mbwa nɛ sila ɛnɛ fɛt mɛ ze nde, ɛnɛ de yo ha Jésus-Christ.

1 Timothée 5:13

Ey, hio pɔlɔmbɔ nagula beangiri pensa ngimɔ nɛgbelea nɛ ndɛnda nɛ hio nutwa nɛnɛ. Nɛ yo bo sɔna nê ɛngi na, ma, mbwa bepi nu ha wen pɛ hio wi, nɛ mbwa bewolmɔ nɛtum.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

1 Timothée 6:1

Hio wi fɛt ka dung nê bala, lɛma nde, mbwa azɔk hio wan pɛ mbwa tuka wi ka lɛma nɛ ke nɛkpasa. Yu nde, hio wi betɛ fɛngsi ling Sɔ nɛ fin hio osamɔ pɛ ɔ.

1 Pierre 3:7

Yo fin gbesi nɛ ɛnɛ, hio wei. Ha dea le hinɛ ko pɛ ɛnɛ, ɛnɛ aing nde, mbwa bo nɛ ngaya tuka ɛnɛ na. Ɛnɛ ba mbwa nɛ zioa, hazu ndangtɛ tunɔ ka Sɔ beha ha ɛnɛ nɛ gangtɛ, a beha yo ha mbwa fin gbesi. Ɛnɛ de mɛgi tuka nde, ma mɔ adol Sɔ mɛ ze gɔamɔ pɛ ɛnɛ ndang na.