Rome 12:8 - Takarata pɛ Sɔ Mbombe Mbon

⁸ Wi ka kpaa ngatɛ mɛ mbo nɛ hio wi, dea nde, wɛnɛ ambo mbwa. Wi ka kapini kpaamɔ pɛa, lɛma nde, wɛnɛ ade yo nɛ sila ndang. Wi ka dung ha zu wesara may, lɛma nde, wɛnɛ ade tom ɛngɛ nɛ sila wa fɛt. Wi ka de kobhe tɛ hio wan-ngɔtɛ, lɛma nde, wɛnɛ ade yo nɛ totɛ.

Rome 12:8 ပူးပေါင်းရင်းမြစ်များ

Matthieu 25:40

Nɛ mi betɔ ha mbwa: ‹Kpasawen, mi tɔ ha ɛnɛ nde, mɔ fɛt ka ɛnɛ dea ha tɛ ma ndang ha soko hio bebe ya mi ndɔng, ɛnɛ dea yo ha tɛ mi.›

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 13:12

Ka gɔfɔrma zɔka mɔ ka hɔa, a mɛkara Jésus. Nɛ osamɔ pɛ hio *wan-nɛtom hazu Kongawan gbinɔ gbala tɛ wa.

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Deamɔ 15:32

Nɛ Jude nɛ Silas, ka dungɔ fin nê hio *wan-tɔkuliwen, mboa hio ya ndɔng nɛ dɔka wen hazu ngasisi mɛkaramɔ pɛ mbwa.

Deamɔ 20:2

Ha gɔna kandɔnu ɛngi, Paul mboa hio wi pɛ Christ nɛ wal dɔka wen. Hapata wɛnɛ nɛa ha kandɔnu Grese.

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Deamɔ 4:36

Ma bezang pɛ Lévi ang, ling wa nde, Joseph. Ɛ bhɛa wɛnɛ ha Shipre. Hio wan-nɛtom haa ma ling wa nde, Barnabas, ka tɔ nde, wan-yɔkili wi.

Rome 12:13

Ɛnɛ gbakiri hio wi pɛ Sɔ ka mɔ kɔpa mbwa. Nɛ ɛnɛ ba hio gɛnɛ wi nɛ dede kɔ.

Rome 13:6

Yo nê hazu wen ɛngi fin, ka ɛnɛ kpe nɛ mbɔli garama. Hazu hio wan-tom pɛ gɔfɔrma ka gbɛngsi tɛ ha tom pɛ mbwa, mbwa ha dea tom ka Sɔ gdea ha kɔ mbwa.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 14:3

Ma, wi ka tɔ kuliwen pɛ Sɔ, a wol mɔ ha wi. Wen pɛa gbakiri hio wi, yo mbo mbwa, nɛ yo yɔkili mbwa.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

2 Korente 11:3

Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.

2 Korente 8:12

Mana mɔ ha kɔ wi, mana mɔ bo ha kɔ wia na, ka wɛnɛ ha mɔ nɛ dede sila lɛm nɛ mɔa, Sɔ bezɔk haamɔ pɛa nɛ dede li.

2 Korente 9:11

Sɔ beha ɛnɛ kpaamɔ ka lɛm hazu ɛnɛ, tuka nde, ɛnɛ akpa wal mɛ de ngay swe fɛt. Mɛgi dɔka wi belukisi Sɔ hazu mɔ ka ɛnɛ gde ha kɔ ɔ mɛ ku nɛnɛ ha mbwa.

2 Korente 9:13

Tom haa mɔ ɛngɛ begbasi long nde, ɛnɛ nɛ mboazu ha li Sɔ. Hio wi pɛ Sɔ ha Jérusalem belukisi Sɔ hazu ɛnɛ zea nu wa nɛ de mɔ lɛm nɛ *Dede Wen pɛ Christ. Mbwa belukisi wɛnɛ fin hazu ɛnɛ kapana mɔ nɛ dede sila hinɛ mbwa nɛ hinɛ hio olo wi pɛ Sɔ fɛt.

2 Korente 9:7

Mɛgi, dea nde, wi ndang ndang fɛt aha mɔ tuka mbwa bheka ha sila mbwa. Ka ɛnɛ aha mɔ nɛ ngɔtɛ na, nɛ ka wi anɔsisi ɛnɛ nɔsisi na, hazu Sɔ ngoya nɛ wi ka ha mɔ nɛ totɛ.

Efeze 6:5

Ɛnɛ, hio bala, dea nde, ɛnɛ aze nu hio wan pɛ ɛnɛ mɔ nzan ɛngɛ. Ɛnɛ ayu ke mbwa, nɛ tɛ ɛnɛ ayak ha li mbwa. Ɛnɛ de tom ha mbwa nɛ sila ɛnɛ fɛt mɛ ze nde, ɛnɛ de yo ha Jésus-Christ.

Kolose 3:22

Hio bala, ɛnɛ aze nu hio wan pɛ ɛnɛ mɔ nzan ha mɔ fɛt. Ɛnɛ aki mɛ ha totɛ ha mbwa ngimɔ fɛt, bo sɔna ka ɛnɛ ha li mbwa na. Ma, ɛnɛ aze nu mbwa nɛ *dede sila hazu ɛnɛ ha yuo ke Kongawan.

1 Tesalonike 2:3

Kpasawen, ɔ bulo wen bo nɛ dalo mana gdanga sila mana likisi ha zanga na.

1 Tesalonike 2:8

Ey, ɔ ngoya ɛnɛ pentɛ. Mɛgi ɔ zɔka nɛ dedea nde, ɔ aha ɛnɛ bo sɔna nɛ Dede Wen na, ma, ɔ aha ɛnɛ tɛ ɔ nɛ pɛ ɔ tɛ hazu ɛnɛ tɛ bo nê hio ndɔngsila ɔ.

1 Timothée 4:13

Hɔ ha tɛa pɔm, mɛ gde tɛ mɛ ha tɔla wen pɛ Sɔ ha hio wi, ha mboa mbwa, nɛ ha osamɔ ha mbwa.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

Hebro 10:25

Hio ma laka wesara may gde, ka ɔ ade gbesi tuka mbwa na. Ma, ɔ mbo may pen mɔ sɔngsi, hazu ɛnɛ ingɔ nde, swe ka Jésus-Christ bepe nɛ, tɛ bo sanga-sanga.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

Hebro 13:22

Hio ya mi, mi alnu ha ɛnɛ nde, ɛnɛ akonzi hio wen mbɔla ndɔng ha zang sila ɛnɛ. Hazu mi ngɛraka kanɛ dɔ wen ha ɛnɛ.

Hebro 13:24

Ɛnɛ afan hio wi mɔ zu ɛnɛ fɛt, nɛ fin hio wi pɛ Sɔ fɛt. Hio ya ha Christ mɛ kandɔnu Itali fana ɛnɛ.

Hebro 13:7

Tazu ɛnɛ agba nɛ wi ndɔng ka bangbɔsi ɛnɛ nɛ bosia ha wal mɔ Sɔ, nɛ ka batɔ wen pɛ Sɔ ha ɛnɛ. Tazu ɛnɛ agba nɛ wal ka mbwa bade nɛ mɔ hɔ ha fio. Ɛnɛ amɛkiri Sɔ tuka ka mbwa bamɛkiri nɛ.