Rome 12:7 - Takarata pɛ Sɔ Mbombe Mbon

⁷ Wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa. Wi ka kpaa ngatɛ mɛ osi nɛ mɔ ha hio wi, dea nde, wɛnɛ aosi mɔ ha mbwa.

Rome 12:7 ပူးပေါင်းရင်းမြစ်များ

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Jean 3:2

Ma zɛ, a nɛa ha pɛ Jésus, nɛ a tɔa ha wɛnɛ: «Wan-osimɔ, ɔ ingɔ nde, yo nê Sɔ ka tomsa mɛ hazu osimɔ ha ɔ. Hazu, ka ngatɛ pɛ Sɔ bo ha tɛ ma wi na, ki a lɛm de hio *mɔweka tuka ka mɛ ha dea na.»

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Deamɔ 20:20

Ɛnɛ ingɔ nde, mi tɛ wusi ma mɔ ha li ɛnɛ ndang na. Mɔ ka lɛma nɛ ɛnɛ, mi bhaa wena nɛ osa yo ha ɛnɛ ha li wi fɛt nɛ ha zang hio twa pɛ ɛnɛ.

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 12:5

Hio tom ka hio wi de ha Kongawan, ang nɛtɛ-nɛtɛ. Ma, Kongawan ka nê ndang sɔna.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

Galasi 6:6

Wan-yambi wen pɛ Sɔ, dea nde, wɛnɛ akapini soko kpaamɔ pɛa hinɛ wan-osi yo ha wɛnɛ.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

Kolose 4:17

Ɛnɛ tɔ ha Arshipe nde, wɛnɛ agbɛngsi tɛ hazu lɛmsiri nɛdedea tom ka Kongawan gdea ha kɔ wa.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

1 Timothée 4:16

Mɛ pangay nɛ dungɔ pɛ mɛ, nɛ fin nɛ osamɔ pɛ mɛ. Mɛ azati ha yo nɛ nɔa nging. Hazu ka mɛ de mɛgi, mɛ bekpasisi tɛ mɛ, nɛ mɛ bekpasisi fin hio wi ndɔng ka ze mɛ.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

2 Timothée 2:24

Yo lɛm nde, wan-tom pɛ Kongawan adung nê wan-mɔy mɔya na. Ma, wɛnɛ adung nê wan-ga sila ha tɛ wi fɛt, dede wan-osimɔ, nɛ fin wan-ba sila ha zang ngɔtɛ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.