Rome 12:5 - Takarata pɛ Sɔ Mbombe Mbon

⁵ Yo fin gbesi nê ɔ. Ngase ɔ nɛ dɔkaa, ɔ tɛ bo nê kilitɛ ndang, hazu ɔ ha dea sɔy hinɛ Christ. Ɔ ha ndara ha tɛ may tuka hio gbakɔtɛ ndang.

Rome 12:5 ပူးပေါင်းရင်းမြစ်များ

Jean 17:11

Sising, mi lɛm dung fin hakɛ ha nzan na. Mi ha kiforoa si ha pɛ mɛ. Ma, mbwa bebhɔn pɛ mbwa ha nzan. Nzɔy Bafa mi, mɛ haa ziomɔ pɛ ling mɛ ha mi. Mɛgi, mɛ pam hio wi pɔm nɛ wal ziomɔ ɛngɛ tuka nde, mbwa adung tɛ ndang gbesi tuka ka ɔ hinɛ mɛ, ɔ dung tɛ ndang.

Rome 12:4

Kilitɛ wi nê ndang sɔna. Ma, hio gbakɔa ang nɛdɔka. Nɛ gbakɔtɛ ndang ndang fɛt nɛ li tom pɛ mbwa nɛtɛ-nɛtɛ.

1 Korente 10:17

Mampa ka nê ndang sɔna. Mɛgi, ɔ, dɔka wi fɛt, ɔ ka nê kilitɛ ndang hazu ɔ ha yɔnga ndangtɛ mampa ndang.

1 Korente 10:33

Ɛnɛ de mɔ tuka mi ha dea. Mi ha kio wal tuka nde, hio deamɔ pɔm fɛt aha totɛ ha hio wi fɛt. Mi ki dedemɔ hazu mi na, ma, mi ki dedemɔ hazu hio wi fɛt tuka nde, mbwa akpasi.

1 Korente 12:20

Ey, hio gbakɔtɛ ang nɛdɔka, ma, kilitɛ ka nê ndang sɔna.

1 Korente 6:15

Ɛnɛ tɛ ing nde, tɛ ɛnɛ dung tuka gbakɔtɛ Christ, na nde? Mɛgi, mi beku ma gbakɔtɛ Christ gde tuka gbakɔtɛ bhoko-de wanza, nde?

Efeze 1:23

Giliwi mɔ eglize nê kilitɛ Christ. Wɛnɛ ang nɛ tɛ wa ha soko mbwa, wɛnɛ ka ang ha zang mɔ fɛt ha bhandi fɛt.

Efeze 4:12

Yo nê tom pɛ hio wi ndɔng mɛ gbakiri hio wi pɛ Sɔ nde, ka mbwa ade tom pɛ Sɔ, nɛ ka *giliwi mɔ eglize ka dung nê kilitɛ Christ angay pen mɔ sɔngsi.

Efeze 4:25

Hazu ɛngi, ɛnɛ lak tɔa dalo gde. Ɛnɛ tɔ tɛwen ha may hazu ɔ fɛt nê hio gbakɔtɛ mɔ kilitɛ ndang.

Efeze 5:23

Hazu wei nê wan hazu ko pɛa gbesi tuka Christ nê wan hazu *giliwi mɔ eglize pɛa. Christ nê *wan-kpasisi giliwi mɔ eglize pɛa, ka dung nê kilitɛ wa.

Efeze 5:30

hazu ɔ nê hio gbakɔtɛ wa.

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

Kolose 2:19

Mbwa dol fin tɛ ha Christ na, ngase wɛnɛ nê zu *giliwi mɔ eglize. Wɛnɛ wesiri hio gbakɔtɛ wa gde ha may nɛ wal hio dokaratɛ wa, nɛ wɛnɛ day kilitɛ wa fɛt tuka nde, yo akpɔtɛ nɛ wala tuka Sɔ ngoya.