Rome 12:3 - Takarata pɛ Sɔ Mbombe Mbon

³ Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Rome 12:3 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Jean 3:34

Wi kɛ ka Sɔ tomsa, tɔ nɛ Wen pɛ Sɔ, hazu Sɔ donsa wɛnɛ nɛ Sɔtɛ pɛa lɛtɛtɛ.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 11:20

Ey, yo nê kpasawen. Sɔ gɔna mbwa yunɛ hazu mbwa tɛ mɛkiri wɛnɛ na. Ka bo nê pɛ mɛ, Sɔ ndara mɛ ha lia hazu mɛ mɛkara wɛnɛ. Mɛgi, ka mɛ sutɛ mɛ hazu ɛngi na. Ma, mɛ yu nɛ ke Sɔ.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Rome 12:16

Ɛnɛ ze may ha soko ɛnɛ. Ka ɛnɛ asutɛ mɛ kafi ma bebe tom na. Ka ɛnɛ aba tɛ ɛnɛ tuka wi ka ing fɛt na.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

1 Korente 7:17

Ha ngimɔ ka Sɔ saa ɛnɛ, ɛnɛ ndang ndang dungɔ nɛ wal mɔ ka *Kongawan weka ha ɛnɛ. Lɛma nde, ɛnɛ fɛt abhɔn ha wal dungɔ mɛgi. Ɛngɛ nê haanu, ka mi haa ha hio giliwi mɔ hio eglize fɛt.

2 Korente 10:13

Pɛ ɔ, yo nê Sɔ ha weki tom ha ɔ nde, ɔ anɛ nɛ bul wen ha pɛ ɛnɛ. Mɛgi ɔ sutɛ sɔna hazu tom ka Sɔ weka ha ɔ. Ɔ lɛm sutɛ pen ɛngi na.

2 Korente 12:13

Mi tɛ de ma mɔ ha hio olo *giliwi mɔ eglize lak ɛnɛ gde na, sɔna nde, mi tɛ dung tuka zio toy ha zu ɛnɛ na. Ma, ka ɛnɛ zɔka yo tuka gdanga deamɔ, mi ani *tiso ha kɔ ɛnɛ.

2 Korente 12:7

Kongawan gdea ma mɔ tuka tɛn ha tɛ mi yu nde, mi betɛ sutɛ hazu hio zengem mɔ ka wɛnɛ gbasa ha mi. Tɛn ɛngɛ dung tuka wan-nɛkasara pɛ *Satan, ka sɔm mi tuka nde, mi asutɛ na.

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.

Efeze 3:2

Ɛnɛ zea kari nde, Sɔ haa mi tom mɛ tɔ ha ɛnɛ wen *dede sila pɛa, ka wɛnɛ de ha tɛ ɛnɛ.

Efeze 3:4

Ha tɔla wen ndɔng ki, tazu ɛnɛ begba nɛhasa nde, mi ingɔ goto mɔ ka Sɔ babhɔngiri nɛ wuso hazu Christ.

Efeze 4:16

Yo nê wɛnɛ ka wesiri hio gbakɔtɛ wa nɛtɛ-nɛtɛ gde ha may, nɛ ka gbari kilitɛ wa nɛ wal hio dɔka dokaratɛ wa. Mɛgi, ka hio gbakɔtɛ wa fɛt ha dea tom nɛdedea, kilitɛ wa fɛt bekpɔtɛ nɛ kpa ngatɛ nɛ wal ngoya may.

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Kolose 2:13

Ɛnɛ badung sɔngsi nê hio fiowi ha li Sɔ hazu hio *sɛmbɔ pɛ ɛnɛ, nɛ hazu Sɔ tɛ gɔn ka sɔru ɛnɛ na. Ma, sising Sɔ tunso ɛnɛ fin nɛ mbinga hinɛ Christ, nɛ a biso sɛmbɔ pɛ ɔ hinɛ ɛnɛ fɛt.

1 Timothée 1:14

Kongawan pɛ ɔ, Jésus-Christ, dea *dede sila ha tɛ mi pentɛ: A haa mi mɛkaramɔ nɛ ngoy ka tɛ nɛ wal dea sɔy hinɛ wɛnɛ.

1 Timothée 2:15

Tangere, ka hio bhoko bhɔn ha mɛkara Sɔ, ha ngoya hio ma mbwa, nɛ ha pama tɛ mbwa nɛ nzɔya nɛ mɛndi, Sɔ bekpasisi mbwa nɛ wal bhɛa bem.

1 Timothée 2:9

Mi ngoya fin nde, hio bhoko ayol la nɛ wala, nɛ zioa, nɛ mɛndi. Ka mbwa ade zu mbwa nɛ wal suotɛ na. Ka mbwa ayol mɔ gbɛbolo, mana mɛtɛtɛ, mana la mɔ nga gɛnɛ na.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Tite 2:2

Mɛ tɔ ha hio koto wei nde, mbwa adung ngɛlɛlɛ, mbwa adung zio wi ha li wi fɛt, mbwa aba zu ha deamɔ pɛ mbwa, mbwa aba nɛ nɔa ha wal mɔ Sɔ, sila mbwa adon nɛ ngoy, nɛ mbwa adung nɛ yikosila.

Tite 2:4

Mbwa aosi ha hio pɔlɔmbɔ bhoko wal mɛ ngoy wei pɛ mbwa nɛ hio bem pɛ mbwa,

Tite 2:6

Gbesi, mɛ osi ha hio pɔlɔmbɔ wei nde, mbwa aba zu

Jacques 4:6

Ma, ngase ɛngi, Sɔ ha dea *dede sila ha tɛ ɔ nɛnɛ, gbesi tuka ɛ bangɛriki ha zang takarata pɛa: «Sɔ sungiri hio wan-sutɛ, ma, a de dede sila ha tɛ wi ka hil nɛ mɛndi.»

1 Pierre 1:13

Hazu ɛngi ɛnɛ adung gdungɛ-gdungɛ hazu de tom pɛ Sɔ. Ɛnɛ adung ngɛlɛlɛ, nɛ ɛnɛ agde tazu ɛnɛ ha *dede sila ka Sɔ bede ha tɛ ɛnɛ, ha swe ka Jésus-Christ begbasi tɛ wa long.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

1 Pierre 5:5

Gbesi tuka ɛngi, hio pɔlɔmbɔ wi, lɛma nde, ɛnɛ aze nu hio gasa wi pɛ ɛnɛ. Nɛ mi tɔ ha ɛnɛ fɛt mburr nde, dea nde, ɛnɛ ahil nɛ mɛndi hazu de tom ha may. Hazu ɛ ngɛraka ha zang takarata pɛ Sɔ: «Sɔ sungiri hio wan-sutɛ, ma, a de *dede sila ha tɛ wi ka hil nɛ mɛndi.»

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

3 Jean 1:9

Mi ngɛraka ma bebe takarata ha *giliwi mɔ eglize haki. Ma, Diotrefe ka ngoy dung wan hazu mbwa, a ngoy zea wen pɛ ɔ ndang na.