Rome 12:16 - Takarata pɛ Sɔ Mbombe Mbon

¹⁶ Ɛnɛ ze may ha soko ɛnɛ. Ka ɛnɛ asutɛ mɛ kafi ma bebe tom na. Ka ɛnɛ aba tɛ ɛnɛ tuka wi ka ing fɛt na.

Rome 12:16 ပူးပေါင်းရင်းမြစ်များ

Matthieu 11:5

‹Hio wan-gdɔka li zɔka mɔ, hio kumɔ wi nɛa nɔ, tɛ hio wan-doko saa, hio wan-gdɔka zala zea mɔ, hio fiowi kiforo ha tunɔ, nɛ hio fabha wi ha zea Dede Wen.›

Matthieu 26:11

Hazu hio fabha wi dung hinɛ ɛnɛ kpoo. Ma, mi dung ha soko ɛnɛ kpoo na.

Dede Wen hazu Jésus-Christ ka Luc ngɛraka 14:13

Ma, ka mɛ de fada, mɛ sa nɛ hio fabha wi, kumɔ wi, wan-zɛlɛ mɛla, nɛ wan-gdɔka li.

Dede Wen hazu Jésus-Christ ka Luc ngɛraka 6:20

Jésus zɔka hio *wan-yambimɔ pɛa nɛ a tɔa ha mbwa: «Totɛ ha ɛnɛ ka dung nê fabha wi hazu ɛnɛ bedung hio wi mɔ *Kongakandɔ pɛ Sɔ.

Deamɔ 4:32

Giliwi ka mɛkara Christ dungɔ nɛ sila ndang, nɛ takaramɔ ndang. Ma wi ndang tɛ tɔ nde, mɔ pɛa nɛ pɛa gbatɛ, na. Ma, kpaamɔ ndɔng nɛ pɛ mbwa fɛt gbesi.

Rome 11:20

Ey, yo nê kpasawen. Sɔ gɔna mbwa yunɛ hazu mbwa tɛ mɛkiri wɛnɛ na. Ka bo nê pɛ mɛ, Sɔ ndara mɛ ha lia hazu mɛ mɛkara wɛnɛ. Mɛgi, ka mɛ sutɛ mɛ hazu ɛngi na. Ma, mɛ yu nɛ ke Sɔ.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Rome 12:3

Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Rome 15:5

Sɔ ka ha yikosila nɛ yɔkalamɔ ha ɔ, wɛnɛ ade nde, ɛnɛ aze may gbesi tuka Jésus-Christ osa ha ɛnɛ.

Rome 6:2

Way! Yo bo mɛgi na. Ɔ tɛ bo nê hio fiowi ka bo fin nê bala ha si gdangamɔ na. Ɔ bede fin mɛng mɛ bhɔn ha dea gdangamɔ, ge nde?

1 Korente 1:10

Hio ya mi, mi mbo ɛnɛ nɛ ling *Kongawan pɛ ɔ, Jésus-Christ nde, ɛnɛ aze may. Ka ɛnɛ akɛtini soko dung nɛtɛ-nɛtɛ na. Ma, ɛnɛ adung nɛ sila ndang nɛ takaramɔ ndang nɛkpasa.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

1 Korente 4:10

Hio wi mɔ nzan zɔk ɔ tuka hio wan-bili hazu Christ. Ma, ɛnɛ takiri pɛ ɛnɛ nde, ɛnɛ nê hio wan-mbarimɔ hazu ɛnɛ ha dea sɔy hinɛ Christ. Ɔ nê hio mɔka wi, ma, ɛnɛ takiri nde, ɛnɛ nê hio ngawi. Hio wi ha bhɛsara ɔ, ma, mbwa ha lukoso ɛnɛ.

1 Korente 6:5

Mi ha tɔa wen mɛgi hazu pi nɛ foy ha li ɛnɛ. Ma wan-mbarimɔ bo ha soko ɛnɛ ka lɛma gba soko wen ha soko hio gdiya ha Christ, na nde?

1 Korente 8:2

Wi ka takiri mɔ nde, a ingɔ mɔ pentɛ, yo osi nde, a tɛ ing ka mɔ nɛ wal kpasa ingɔmɔ na.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Filipe 1:27

Pen fɛt, ɛnɛ ade mɔ lɛm nɛ Dede Wen pɛ Christ, mana mi benɛ ha zɔka ɛnɛ, mana mi bhɔna nɛ yɛa. Lɛma nde, mi aze nde, ɛnɛ ha dea tom nɛ kɔ may nɛ ndangtɛ takaramɔ, nɛ nde, ɛnɛ ha bio bulo nɛ sila ndang tuka nde, mɛkaramɔ nɛ Dede Wen ayɛbhi.

Filipe 3:16

Ngase mɔ fɛt, ɔ bhɔn ha dede liwal ka ɔ ndara gbo sising.

Filipe 4:2

Evodie hinɛ Sentish, mi mbo ɛnɛ nɛkpasa nde, ɛnɛ aze nu may tuka hio ya ha Kongawan.

Hebro 13:5

Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.

1 Pierre 5:3

Ka ɛnɛ aba tɛ ɛnɛ tuka wan hazu giliwi ka Christ gdea ha kɔ ɛnɛ, na. Ma, ɛnɛ osi mɔ ha mbwa nɛ wal dede deamɔ pɛ ɛnɛ.

3 Jean 1:9

Mi ngɛraka ma bebe takarata ha *giliwi mɔ eglize haki. Ma, Diotrefe ka ngoy dung wan hazu mbwa, a ngoy zea wen pɛ ɔ ndang na.