Rome 12:10 - Takarata pɛ Sɔ Mbombe Mbon

¹⁰ Ɛnɛ ngoy may hɛrr tuka hio kpasa gdiya. Dea nde, ɛnɛ adung nɛ sila ɛnɛ fɛt ha tusoso tɛ may.

Rome 12:10 ပူးပေါင်းရင်းမြစ်များ

Filipe 2:3

Ka ɛnɛ ade mɔ nɛ wal ngɔrɔ mana suotɛ nɛ peali na. Ma, ɛnɛ hil nɛ mɛndi, nɛ ɛnɛ zɔk hio oloa ha soko ɛnɛ tuka wi ka dung nɛ gasaa pen ɛnɛ.

Hebro 13:1

Ɛnɛ abhɔn ka ha ngoya may tuka hio ya ha Christ.

1 Jean 4:11

Hio ndɔngsila mi, ɛnɛ zɔka ngoy ka Sɔ ngoya nɛ ɔ. Mɛgi, ɔ angoy may gbesi tuka ɛngi.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Pierre 2:17

Ɛnɛ aba hio wi fɛt nɛ zioa, nɛ ɛnɛ angoy hio ya ɛnɛ ha Christ. Ɛnɛ ayu ke Sɔ, nɛ ɛnɛ aze nu kongapora Sezar.

1 Tesalonike 4:9

Ɔ lɛm ngɛriki fin ha ɛnɛ ma wen hazu ngoy ha soko hio ya ha Christ na. Hazu ɛnɛ nɛ pɛ ɛnɛ tɛ yamba ha kɔ Sɔ wal mɛ ngoy may kari.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

1 Jean 4:20

Ka ma wi tɔ nde, a ngoya Sɔ, nɛ wɛnɛ ha sɛna ya wa, wɛnɛ nê wan-tɔ dalo. Hazu, ka ma wi tɛ ngoy ya wa ka dung ha li wa na, a bengoy Sɔ ka wɛnɛ zɔk na, mɛng?

2 Pierre 1:7

Dungɔa nɛ mboazu bede nde, ɛnɛ angoy fin may tuka hio gdiya. Nɛ ngoya may bede nde, ɛnɛ angoy fin hio olo wi fɛt.

1 Pierre 5:5

Gbesi tuka ɛngi, hio pɔlɔmbɔ wi, lɛma nde, ɛnɛ aze nu hio gasa wi pɛ ɛnɛ. Nɛ mi tɔ ha ɛnɛ fɛt mburr nde, dea nde, ɛnɛ ahil nɛ mɛndi hazu de tom ha may. Hazu ɛ ngɛraka ha zang takarata pɛ Sɔ: «Sɔ sungiri hio wan-sutɛ, ma, a de *dede sila ha tɛ wi ka hil nɛ mɛndi.»

Jean 15:17

Mɔ ka mi ha nua ha ɛnɛ, yo nde, ɛnɛ angoy may ha soko may.»

Rome 13:7

Mɔ ka ɛnɛ lɛma mɛ kpe ha wi ndang ndang, dea nde, ɛnɛ akpe yo. Ɛnɛ kpe tili garama fɛt ha hio wan-ndɛm mbɔli garama. Wi ka lɛma nɛ ke, ɛnɛ ayu ke wa. Nɛ wi ka lɛma nɛ lukosomɔ, ɛnɛ alukisi wɛnɛ.

Deamɔ 4:32

Giliwi ka mɛkara Christ dungɔ nɛ sila ndang, nɛ takaramɔ ndang. Ma wi ndang tɛ tɔ nde, mɔ pɛa nɛ pɛa gbatɛ, na. Ma, kpaamɔ ndɔng nɛ pɛ mbwa fɛt gbesi.

Dede Wen hazu Jésus-Christ ka Luc ngɛraka 14:10

Ma, ka ɛ sa mɛ, mɛ nɛ, nɛ dung ha kpogio bhandi. Mɛgi ka wan-sa ɛnɛ hɔa, a betɔ ha mɛ: ‹Dan mi, mɛ tɛ hakɛ ha dede bhandi.› Mɛgi mɛ bedung nɛ zioa ha li hio na-gal yenga fɛt.

Matthieu 20:26

Ma, yo lɛm dung gbesi ha soko ɛnɛ na. Wi ka ngoy mɛ dung nɛ gasaa ha soko ɛnɛ, lɛma nde, wɛnɛ adung nê wan-tom pɛ ɛnɛ fɛt.

2 Tesalonike 1:3

Hio ya ɔ, lɛma nde, ɔ aha oeba ha Sɔ swe fɛt hazu ɛnɛ. Dea mɛgi, yo nɛ wala hazu mɛkaramɔ pɛ ɛnɛ ha kpɔatɛ nɛnɛ sɔngsi, nɛ ngoy ka ɛnɛ ndang ndang fɛt ngoy nɛ may ha yɛbha fin.

Kolose 1:4

Hazu ɔ zea nde, ɛnɛ bhɔna ka ha mɛkara Jésus-Christ nɛ nde, ɛnɛ ha ngoya hio wi pɛ Sɔ fɛt.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Jean 17:21

Mi gɔ mɛ nde, mbwa fɛt adung tɛ ndang gbesi tuka ɔ hinɛ mɛ, Bafa mi, ɔ dung tɛ ndang. Nɛ nde, mbwa fɛt adung tɛ ndang hinɛ ɔ, tuka nde, hio wi mɔ nzan amɛkiri nde, yo nê mɛ ka tomsa mi.