Rome 11:22 - Takarata pɛ Sɔ Mbombe Mbon

²² Mɛ ing nde, Sɔ nê wan-de *dede sila, nɛ wɛnɛ fin nê wan-gɔn kita nɛngaya. A gɔn kita nɛngaya ha zu wi ndɔng ka lak wal pɛa gde. Pɛ mɛ, wɛnɛ ha dea dede sila ha tɛ mɛ. Ma, dea ka de nde, mɛ abhɔn ka ha gdea tazu mɛ ha dede sila pɛa. Ka bo mɛgi na, ki a begɔn mɛ yunɛ fin.

Rome 11:22 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Jean 8:31

Jésus tɔa ha hio *zuife ndɔng ka mɛkara wɛnɛ: «Ka ɛnɛ pam hio osamɔ pɔm nɛ mboazu, ki ɛnɛ bedung nê hio kpasa *wan-yambimɔ pɔm.

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Rome 11:21

Pangay, ka Sɔ tɛ pam hio zuife ka dung nê hio tɛ kpasa gbakɔte na, a lɛma de gbesi nɛ mɛ, na nde?

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

1 Korente 15:2

Nɛ wal Dede Wen ɛngɛ Sɔ kpasisi ɛnɛ, ka ɛnɛ pam yo tuka ka mi batɔ nɛ yo ha ɛnɛ. Ka bo mɛgi na, ki ɛnɛ mɛkara nɛgbelea.

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

1 Tesalonike 3:5

Yo nê hazu ɛngi, ka mi ba sila mi fin na, nɛ mi tomsa Timothée nɛ ha pɛ ɛnɛ mɛ ing nde, mana ɛnɛ bhɔna ka ha mɛkara Christ. Mi dungɔ nɛ nɔzang nde, mana Satan osala ɛnɛ kari, nɛ tom pɛ ɔ ha soko ɛnɛ gɔya nɛgbelea.

1 Tesalonike 3:8

Sising, ɔ dung fin nɛ zutunɔ nɛkpasa hazu ɛnɛ ha dea sɔy hinɛ Kongawan nɛ nɔa nging.

Hebro 10:23

Mɔ ka ɔ gde tazu ɔ ang, nɛ ka ɔ kɛ wena ha li wi fɛt, ɔ apam yo nɛ nɔa. Ey, Sɔ nɛ mboazu, a bede mɔ ka wɛnɛ gɔna nua mɛ de.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.