Rome 11:11 - Takarata pɛ Sɔ Mbombe Mbon

¹¹ Mɛgi, mi ani mɔ fin nde, hio zuife kɔa nanga tuka nde, mbwa atek tek bhɔn nde? Way! Mbwa tɛ tek bhɔn na. Ma, nɛ wal kafa nu Sɔ pɛ hio zuife, hio olo kandɔ kpaa wal nde, Sɔ akpasisi mbwa. Mɔ hɔa mɛgi tuka nde, hio zuife ade silamɔ tɛ hio olo kandɔ.

Rome 11:11 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 20:16

Wɛnɛ benɛ nɛ gbɛ hio wan-tom fɔ, nɛ ku fɔ ɛngɛ gde ha kɔ hio ma mbingwi.» Ka hio giliwi zea mɛgi, mbwa tɔa: «Way, ka mɔ ɛngɛ ahɔ na!»

Deamɔ 13:42

Ka Paul nɛ Barnabas ha gboa ha twa gɔ Sɔ, hio wi ana mbwa hazu bul fin wen hazu ndangtɛ mɔ ɛngɛ ha swe ɔmtɛ mɔ pata.

Deamɔ 18:6

Ma, ka hio zuife guotɛ sungiri nɛ wɛnɛ, nɛ ka mbwa fɛngsa wɛnɛ, a ngbɔa ngbabhuki la pɛa nɛ tɔa: «Ka ɛnɛ yɔa wal pɛ Sɔ, yo atek ha zu ɛnɛ nɛ pɛ ɛnɛ tɛ. Mi bo ha zanga na. Sising, mi benɛ ha pɛ hio mbing kandɔ.»

Rome 10:19

Mi ani mɔ fin nde, hio zuife tɛ ze zang kasi ɛngɛ na, kpasawen nde? Dalo, mbwa zea. Hazu Sɔ batɔ nɛ wal nu Moïse: «Mi bede nde, ɛnɛ ade silamɔ sungiri nɛ kandɔ ka bo nê kpasa kandɔ na. Mi bede nde, ɛnɛ ade ngambi sungiri nɛ kandɔ ka bo nɛ mbaramɔ na.»

Rome 11:1

Mɛgi, mi ani mɔ nde, Sɔ mulo nɛ kandɔ pɛa pi nde? Way! A tɛ de mɛgi na. Hazu mi fin, mi nê kandɔ *Israel, bezang pɛ Abraham. Ɛ bhɛa mi ha nugala pɛ Benjamin.

Rome 11:12

Hio wi mɔ nzan kpaa dedemɔ hazu hio zuife kafa nu Sɔ. Hio olo kandɔ kpaa dedemɔ hazu hio zuife dea kpandele. Mɛgi, pen fin pet, hio wi ndɔng bekpa fin dedemɔ pen mɔ sɔngsi, ha ngimɔ ka hio zuife fɛt bekifiri sila mbwa.

Rome 11:14

Mi ngoya nde, hio zuife, kandɔ pɔm, ade silamɔ tɛ hio olo kandɔ. Mɛgi, ka wal ang, mi bekpasisi hio ma ha soko mbwa nɛ wal silamɔ pɛ mbwa.

Rome 11:31

Yo dung fin gbesi nê hio zuife, ha ngimɔ ɛngɛ sising yo nê mbwa ka kafi nu Sɔ. Mɛgi, Sɔ tɛ bo ha dea kobhe tɛ ɛnɛ. Ma, Sɔ bede bin kobhe tɛ mbwa fin.