Rome 10:8 - Takarata pɛ Sɔ Mbombe Mbon

⁸ Ey, wen hazu wi ndɔng ka mɛkiri Sɔ, yo nde: «Wen pɛ Sɔ sanga-sanga nɛ mɛ, yo ha zang nu mɛ, yo ha zang sila mɛ.» Ɛngɛ nê wen mɛkaramɔ ka ɔ bul ha hio wi.

Rome 10:8 ပူးပေါင်းရင်းမြစ်များ

Deamɔ 10:43

Hio *wan-tɔkuliwen fɛt bulo wen tɛ Jésus nde, wi ndang ndang fɛt ka mɛkiri wɛnɛ, Sɔ bebisi *sɛmbɔ pɛ mbwa nɛ wal ziomɔ pɛ ling Jésus.»

Deamɔ 16:31

Nɛ mbwa kiforo wen: «Mɛ mɛkiri *Kongawan Jésus, nɛ mɛ bekpasi, mɛ nɛ hio wi mɔ twa pɛ mɛ fɛt.»

Rome 10:17

Mɛgi, wi bemɛkiri Christ nɛ wal zea kasi. Nɛ kasi ɛngɛ, yo nê wen tɛ Christ.

Galasi 3:2

Mi ngoy sɔna nde, ɛnɛ akifiri wen ha anamɔ ɛngɛ: Sɔ haa ɛnɛ *Nzɔy-Sɔtɛ hazu ge? Yo nê hazu ɛnɛ dea mɔ lɛm nɛ mbonga pɛ Moïse, mana hazu ɛnɛ zea *Dede Wen nɛ mɛkara yo nde?

Galasi 3:5

Sɔ ha Nzɔy-Sɔtɛ pɛa ha ɛnɛ, nɛ wɛnɛ ha dea hio *mɔkifi ha soko ɛnɛ. Mi ani ɛnɛ fin nde, Sɔ de mɛgi hazu ge? Yo nê hazu ɛnɛ dea mɔ lɛm nɛ mbonga, mana hazu ɛnɛ zea Dede Wen nɛ mɛkara yo nde?

Efeze 5:26

tuka nde, mbwa adung nɛ nzɔya. A sasasa mbwa nɛ wal li, ka ɛ gdumso mbwa ang, nɛ fin nɛ wal wen nu wa.

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

1 Pierre 1:23

Sɔ bhɛa ɛnɛ nɛ mbombea. A tɛ de yo nɛ wal wi ka befe na, ma, a dea yo nɛ wal wen pɛa ka ha tunɔ ha hio wi, nɛ ka bebhɔn kpoo.

1 Pierre 1:25

Ma, wen pɛ *Kongawan bhɔn pɛa kpoo nɛ kpoo.» Nɛ wen ɛngɛ, yo nê Dede Wen ka ɛ bulo ha ɛnɛ.