Rome 10:6 - Takarata pɛ Sɔ Mbombe Mbon

⁶ Ma, wen hazu wi ndɔng ka dung nzeng ha li Sɔ nɛ wal mɛkara wɛnɛ, yo nde: «Mɛ akarsi anamɔ nde, o ha bedang si ha ngɔn, o nde?» Hazu, danga si ha ngɔn mɛ ku Christ zil nɛ, yo lɛm fin na.

Rome 10:6 ပူးပေါင်းရင်းမြစ်များ

Jean 6:33

Hazu, kpasa yɔngamɔ ka Sɔ ha, yo nê ɛngɛ ka zil nɛ ngɔn tɛnɛ. Yɔngamɔ ɛngɛ ha tunɔ kpoo ha hio wi mɔ nzan.»

Jean 6:38

Hazu mi zilo ha ngɔn tɛ, bo hazu de mɔ ka sila mi ngoya na, ma, hazu de mɔ ka sila wan-tomsi mi ngoya.

Jean 6:58

Ɛngɛ nê yɔngamɔ ka zilo ha ngɔn tɛ. Yo bo tuka yɔngamɔ ka hio ngbabafa ɛnɛ bayɔng sɔngsi na. Mbwa fea, ma, wi ka beyɔng yɔngamɔ ɛngɛ, a bedung nɛ tunɔ kpoo.»

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

Rome 3:25

Sɔ haa Jésus nɛ sadaka. Nɛ wal fio pɛa, Jésus kpea sɛmbɔ pɛ hio wi ka mɛkiri wɛnɛ. Yo nê ɛngi, ka Sɔ osa nde, wɛnɛ nɛ nzeng. Ha ngimɔ sɔngsi wɛnɛ baa sila wa nɛ kɔ, nɛ wɛnɛ tɛ gɔn kita ha zu hio *wan-de gdangamɔ na. Ma, ha ngimɔ sising, wɛnɛ gbasa wal ka wɛnɛ gde nɛ wi nzeng ha li wa. Ɛngi osi nɛkpasa nde, Sɔ nɛ nzeng, nɛ hio wi ka mɛkiri Jésus, wɛnɛ gde mbwa nzeng ha li wa.

Rome 4:13

Sɔ bagɔn nu ha Abraham nɛ hio bezang pɛa sɔngsi nde, a beha mbwa nzan tuka mɔ likɔ. Sɔ gɔna nu ɛngɛ bo hazu Abraham pama *mbonga na. Ma, a gɔna nu ɛngɛ hazu Abraham tɛ bo nê *nzeng wi ha li wa nɛ wal mɛkaramɔ pɛa.

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.