Rome 10:19 - Takarata pɛ Sɔ Mbombe Mbon

¹⁹ Mi ani mɔ fin nde, hio zuife tɛ ze zang kasi ɛngɛ na, kpasawen nde? Dalo, mbwa zea. Hazu Sɔ batɔ nɛ wal nu Moïse: «Mi bede nde, ɛnɛ ade silamɔ sungiri nɛ kandɔ ka bo nê kpasa kandɔ na. Mi bede nde, ɛnɛ ade ngambi sungiri nɛ kandɔ ka bo nɛ mbaramɔ na.»

Rome 10:19 ပူးပေါင်းရင်းမြစ်များ

Rome 10:18

Mɛgi, mi ani mɔ nde, hio zuife tɛ ze kasi na, kpasawen nde? Dalo, mbwa zea yo. Yo gbesi tuka ka ɛ ngɛraka ha takarata pɛ Sɔ: «Hio wi zea gɛl hio wan-nɛkasara dam zu nu fɛt, hio wen pɛ mbwa hɔa ha kpogio nzan.»

Rome 11:11

Mɛgi, mi ani mɔ fin nde, hio zuife kɔa nanga tuka nde, mbwa atek tek bhɔn nde? Way! Mbwa tɛ tek bhɔn na. Ma, nɛ wal kafa nu Sɔ pɛ hio zuife, hio olo kandɔ kpaa wal nde, Sɔ akpasisi mbwa. Mɔ hɔa mɛgi tuka nde, hio zuife ade silamɔ tɛ hio olo kandɔ.

Rome 11:14

Mi ngoya nde, hio zuife, kandɔ pɔm, ade silamɔ tɛ hio olo kandɔ. Mɛgi, ka wal ang, mi bekpasisi hio ma ha soko mbwa nɛ wal silamɔ pɛ mbwa.

1 Korente 1:12

Mi kpaa nde, wi ndang ndang fɛt ha soko ɛnɛ ha tɔa ma wen nɛtɛ. Hio ma tɔ nde, mbwa nê ngali pɛ Paul. Nɛ hio ma nde, mbwa nê ngali pɛ Apolos. Nɛ hio ma fin nde, mbwa nê ngali pɛ Pierre, nɛ hio ma mbinga nde, mbwa nê ngali pɛ Christ.

1 Korente 10:19

Mi ngoy tɔ nde ge? Mana gbele sɔ nê ma mɔ nde? Mana sari sadaka pɛa nê ma mɔ nde?

1 Korente 11:22

Bo nê ɛnɛ nɛ twa mɛ yɔng nɛ nɔ mɔ ang, na nde? Ɛnɛ ngoy bhɛsiri *giliwi mɔ eglize pɛ Sɔ nde? Hio wi ndɔng ka bo nɛ mɔ na, ɛnɛ ngoy mɛ pi foy ha li mbwa nde? Mi betɔ nɛ nge wen ha ɛnɛ ge? Ɛnɛ takiri pɛ ɛnɛ nde, mi belukisi ɛnɛ? Way, mi lukisi ɛnɛ ndang na.

1 Korente 12:2

Ɛnɛ ingɔ nde, ha ngimɔ ka ɛnɛ badung nɛ *bhilo, mɔ nɔsasa ɛnɛ nɛnɛ ha pɛ hio gbele sɔ ka wolmɔ na.

1 Korente 15:50

Hio ya mi, mi tɔ ha ɛnɛ nde, wi lɛm mɛ le ha *Kongakandɔ pɛ Sɔ nɛ multɛ nɛ tɔktɛ ɛngɛ na. Nɛ mɔ ka beyek lɛm kpa wal mɛ dung nɛ zutunɔ kpoo na.

1 Korente 7:29

Hio ya mi, goto wen ka mi ngoy mɛ tɔ ha ɛnɛ, yo nde, ngimɔ ngbɔla tikiring sɔna. Mɛgi, hio wei ndɔng ka sio bhoko, lɛma nde, wena ahɛl sila mbwa na.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Pierre 2:10

Sɔngsi, ɛnɛ tɛ dung nê kandɔ pɛ Sɔ na, ma, sising, ɛnɛ tɛ bo nê kandɔ pɛa. Sɔngsi, Sɔ tɛ de kobhe tɛ ɛnɛ na, ma, sising, Sɔ dea kobhe tɛ ɛnɛ kari.