Rome 10:14 - Takarata pɛ Sɔ Mbombe Mbon

¹⁴ Ma, mbwa besa ling wa mɛng, ka mbwa tɛ mɛkiri wɛnɛ na? Mbwa bemɛkiri wɛnɛ mɛng, ka mbwa tɛ ze wen tɛ wa na? Mbwa beze wen tɛ wa mɛng, ka ma wi tɛ bul wena na?

Rome 10:14 ပူးပေါင်းရင်းမြစ်များ

Matthieu 20:7

Mbwa kiforo wen: ‹Hazu ma wi ndang tɛ sa ɔ ha tom na.› Nɛ wɛnɛ tɔa ha mbwa: ‹Ɛnɛ fin, ɛnɛ nɛ ha gɔma fɔ pɔm.›

Jean 20:31

Ma, mɔ ndɔng ka dung ang, ɛ ngɛraka yo nde, ka ɛnɛ amɛkiri nde, Jésus nê *Mesi, *Bewei pɛ Sɔ. Ka ɛnɛ mɛkiri wɛnɛ, a beha ɛnɛ tunɔ.

Jean 9:36

Nɛ wɛnɛ ana Jésus: «*Kongawan, wɛnɛ nê o? Mɛ osi wɛnɛ ha mi, ka mi amɛkiri wɛnɛ.»

Deamɔ 19:2

«Ɛnɛ kpaa *Nzɔy-Sɔtɛ ha ngimɔ, ka ɛnɛ mɛkara Jésus nde?» Mbwa kiforo wen ha wɛnɛ: «Way, ɔ tɛ ing ma mɔ sɔngsi nde, Nzɔy-Sɔtɛ, na.»

Deamɔ 8:31

Wi mɔ Etiopi kiforo wen: «Ma wi tɛ osi yo ha mi na. Mi being mɔ ɛngɛ mɛng?» Nɛ a saa Philippe mɛ dang puspus tɛ dung hapɛtɛ wa.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Efeze 2:17

Christ tɛa ha nzan ha tɔa *Dede Wen ha ɛnɛ ka badung nɛ yɛa nɛ Sɔ, nɛ ha hio zuife ka dung sanga nɛ Sɔ nde, a gdea gaamɔ ha soko ɔ kari.

Efeze 4:21

Ɛnɛ zea nɛ kasi tɛ Christ kpasawen, nɛ ɛnɛ yamba mɔ ha zu wa lɛm nɛ tɛwen ka dung ang ha tɛ Jésus.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

Tite 1:3

Ka ngimɔ ka wɛnɛ baweki lɛma, a gbasa wen pɛa long. Nɛ Sɔ, *Wan-kpasisi ɔ, haa mi tom bul wen ɛngɛ.

Hebro 11:6

Ka ma wi tɛ mɛkiri ka Sɔ na, Sɔ lɛm de totɛ tɛ wa na. Hazu wi ka tiki nɛ hapɛtɛ Sɔ hazu gɔ wɛnɛ, dea ka de nde, wia amɛkiri nde, Sɔ ang. Nɛ dea fin nde, wia aing nde, Sɔ bekɛ wi ndɔng ka ki wal mɛ ing wɛnɛ.

Jacques 5:15

Ka mbwa gɔ Sɔ nɛ gdea tazu fɛt ha wɛnɛ, a bekpasisi wan-zɛlɛ. A bekifiri dede tɛ ha wia. Nɛ ka wɛnɛ bade gdangamɔ, Sɔ bebisi yo yunɛ.