Rome 1:30 - Takarata pɛ Sɔ Mbombe Mbon

³⁰ Mbwa ha fɛngsa ling wi, ha sɛna Sɔ, nɛ ha yaa wi. Mbwa ha suotɛ, ha lukoso tɛ, nɛ ha kio wal mɛ de hio mbombe tili gdangamɔ. Nɛ mbwa ha dea kpandele sungiri nɛ gdibafa nɛ gdinana.

Rome 1:30 ပူးပေါင်းရင်းမြစ်များ

Matthieu 15:4

Sɔ haa nu nde, ‹Mɛ ba bafa mɛ nɛ nana mɛ nɛ zioa.› Nɛ fin nde, ‹Wi ka fɛngsi bafa wa mana nana wa, lɛma nde ɛ agbɛ wɛnɛ.›

Matthieu 16:21

Angiri ha ngimɔ ɛngi, Jésus angara gbasa mɔ ɛngɛ ha hio *wan-yambimɔ pɛa, a tɔa: «Lɛma nde, mi anɛ ha Jérusalem, nɛ mi akpa dɔka yimtɛ ha kɔ hio kotowi, hio gasa wan-hasadaka nɛ hio *wan-osi mbonga. Nɛ mbwa begbɛ mi. Ma, ha zetar yala, mi begutɛ ha soko hio fiowi.»

Dede Wen hazu Jésus-Christ ka Luc ngɛraka 21:16

Nɛ fin, hio bafa, nana, nam, ya, nɛ dan ɛnɛ fɛt begde ɛnɛ ha li kita. Nɛ ɛ begbɛ hio ma ha soko ɛnɛ.

Jean 7:7

Hio wi mɔ nzan lɛm sɛn ɛnɛ na. Ma, pɔm, mbwa sɛn mi hazu mi gbasa long nde, deamɔ pɛ mbwa nɛ gdanga.

Deamɔ 5:36

Hazu Tedas guotɛ sising pata tɛ yɛ ka na. A tɔa nde, ɛ nê gasa wi pentɛ. Mɛgi, dɔka wi gɔmmay nar ndara wɛnɛ. Ka ɛ gbɛa wɛnɛ kari, dɔka hio ngali pɛa fɛt yambala. Ɔ ze kasi tɛ wa fin na.

Rome 2:17

Pɛ mɛ ka osi tɛ tuka kpasa zuife, mɛ gde tazu mɛ nde, mbonga pɛ Moïse bekpasisi mɛ ha li Sɔ, nɛ mɛ ha suotɛ nde, ɛnɛ nê hio wi pɛ Sɔ.

Rome 2:23

Mɛ ha suotɛ mɛ nɛdɔka nde, mɛ ingɔ mbonga pɛ Moïse. Ma, mɛ ha tukolo mbonga ɛngɛ pi nɛ foy ha li Sɔ.

Rome 3:27

Ka mɔ dung mɛgi, ma wal ka ɔ besu nɛ tɛ fin ha ndo? Wal mɛ sutɛ bo fin na, hazu gasa mɔ, yo bo nê dea mɔ lɛm nɛ mbonga na, ma, yo nê mɛkara Jésus.

2 Korente 10:15

Ɔ tɛ sutɛ pentɛ na. Yo nde, tom ka hio mbing wi dea, ɔ sutɛ hazua na. Ma, ɔ gdea tazu ɔ ha tɛ Sɔ nde, mɛkaramɔ pɛ ɛnɛ akpɔtɛ nɛ ha sɔngsi. Ɛngi beha ɔ wal mɛ de ma gasa tom pen mɔ sɔngsi ha soko ɛnɛ, tuka Sɔ weka ha ɔ mɛ de.

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

2 Tesalonike 2:4

Wan-kafi mbonga ɛngɛ begutɛ hazu sungiri hio mɔ Sɔ nɛ hio mɔ fɛt ka lɛm nɛ lukosomɔ. Nɛ wɛnɛ bele ha *gasa twa Sɔ, a bedungnu ang, nɛ a betɔ nde, wɛnɛ nê sɔ.

2 Timothée 3:2

Hio wi bedung nê wan-kul, wan-ngoy mbɔli, wan-lukisi tɛ, wan-sutɛ, wan-fɛngsi Sɔ, wan-de kpandele sungiri nɛ gdibafa nɛ gdinana, wan-ing tɔa oeba na, wan-bhɛsiri nzɔy mɔ,

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Jacques 3:5

Lembe wi ka fin mɛgi. Ngase ka lembe nɛ bebea ha soko hio gbakɔtɛ, wɛnɛ ha suotɛ hazu hio gasa wen. Nɛ fin gbesi, bebe we tikiring lɛma gde we ha gasa kombɔ gbukup.

Jacques 4:16

Ma, sising, ɛnɛ ha suotɛ, nɛ ɛnɛ ha lukoso tɛ. Tili suotɛ mɛgi fɛt, yo nɛ gdanga.

2 Pierre 2:18

Mbwa ha suotɛ tɔ nɛ hio tum wen. Nɛ wal hɛl mɔ multɛ, mbwa ha kio wal mɛ osili hio wi ndɔng ka gboa pɛ mbwa ngimɔ tikiring sɔna pen ha soko ɛ ndɔng ka ing tɛwen na.

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»