Rome 1:23 - Takarata pɛ Sɔ Mbombe Mbon

²³ Mbwa kafa lukoso Sɔ ka dung nɛ *lɛkɛ-lɛkɛmɔ, nɛ ka dung kpoo nɛ kpoo. Ha bhandia, mbwa ha lukoso hio gbele sɔ ka ɛ dea ba may mana nɛ hio wi ka befe bin, mana nɛ hio nɔy, mana nɛ hio sari ka dung nɛ nanga nar, mana nɛ hio sari ka hay nɛ nu.

Rome 1:23 ပူးပေါင်းရင်းမြစ်များ

Deamɔ 10:12

Ha zanga hio tili sari ang nɛtɛ-nɛtɛ: Ɛ ndɔng ka dung nɛ nanga nar, ɛ ndɔng ka hay nɛ nu, nɛ fin hio nɔy.

Deamɔ 17:29

«Hio ma wi ku gbɛbolo, bubolo, nɛ ta, nɛ mbwa sɛk nɛ hio sɔ nɛ wal zɛng nɛ takaramɔ pɛ mbwa. Hazu ɔ nê bem pɛ Sɔ, ka ɔ atakiri nde, Sɔ dung tuka mɔ ndɔng na.

Rome 1:25

Mbwa laka tɛwen pɛ Sɔ gde, nɛ mbwa tɛ bo ha ndara hio wen dalo. Ha bhandi pɛ Sɔ, mbwa gdea hio mɔ ka wɛnɛ dea, nɛ mbwa ha lukoso hio mɔ ndɔng, nɛ mbwa ha dea tom ha mɔ ndɔng. Ma, yo nê Sɔ ka dea mɔ fɛt, nɛ wɛnɛ lɛma nɛ lukosomɔ kpoo nɛ kpoo, Amen!

1 Korente 12:2

Ɛnɛ ingɔ nde, ha ngimɔ ka ɛnɛ badung nɛ *bhilo, mɔ nɔsasa ɛnɛ nɛnɛ ha pɛ hio gbele sɔ ka wolmɔ na.

1 Pierre 4:3

Sɔngsi, ɛnɛ pensa ngimɔ pɛ ɛnɛ ha dea mɔ gbesi tuka *bhilo. Yo abhɔn nɛ ɛngi. Ɛnɛ dungɔ ha dea wanza, ha dea hɛl mɔ nzan, ha nɔa dɔkɔ nɛ ngurua, ha yɔnga nɛ nɔa mɔ nɛ kang, nɛ ha dea gdanga tom gbele sɔ.

Gbasamɔ 9:20

Hio olo wi fɛt ka tɛ fe nɛ wal hio kemɔ ndɔng na, mbwa bhɔna ka ha lukoso hio gdanga sɔ nɛ hio gbele sɔ ka mbwa dea nɛ kɔ mbwa nɛ gbɛbolo, nɛ bubolo, nɛ bolo, nɛ ta, mana nɛ te. Mbwa tɛ to gdong ha yo na, mbwa bhɔna ka ha lukoso hio sɔ ndɔng ka zɔk mɔ na, ka ze mɔ na, nɛ ka nɛ nɔ na.