Rome 1:20 - Takarata pɛ Sɔ Mbombe Mbon

²⁰ Hio wi lɛm zɔk Sɔ nɛ li mbwa na, ma, angiri ha ngimɔ ka wɛnɛ dea nɛ nzan kanɛ sising, mbwa lɛma ing ngatɛ pɛa ka dung kpoo nɛ kpoo, nɛ dungɔ pɛa tuka Sɔ, nɛ wal hio mɔ fɛt ka wɛnɛ dea. Mɛgi, hio wi bo fin nɛ ma wen ka mbwa betɔ hazu ngangi nɛ tɛ mbwa na.

Rome 1:20 ပူးပေါင်းရင်းမြစ်များ

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Marc 10:6

Ma, ha kudom mɔ, ka Sɔ dea nzan, a dea wei nɛ bhoko.

Jean 1:18

Ma wi ndang tɛ zɔk Sɔ na. Ma, yo nê ndanga Bewei pɛa, ka dung hapɛtɛ wa, ka gbasa wɛnɛ ha ɔ.

Jean 15:22

Mi atɛ se tɛ tɔ Wen pɛ Sɔ ha mbwa na, ki mbwa bo nɛ *sɛmbɔ na. Ma, mi tɛa tɛ tɔ Wen pɛ Sɔ ha mbwa kari. Mɛgi, mbwa bo fin nɛ ma nu mɛ gu hazu sɛmbɔ pɛ mbwa na.

Deamɔ 17:29

«Hio ma wi ku gbɛbolo, bubolo, nɛ ta, nɛ mbwa sɛk nɛ hio sɔ nɛ wal zɛng nɛ takaramɔ pɛ mbwa. Hazu ɔ nê bem pɛ Sɔ, ka ɔ atakiri nde, Sɔ dung tuka mɔ ndɔng na.

Deamɔ 22:1

«Hio ya mi, hio bafa mi, ɛnɛ ze mɔ ka mi betɔ hazu kɛ nɛ wen pɔm sising.»

Rome 1:19

Ma, hio mɔ ka wi lɛma ing nɛ Sɔ, yo gboa long ha li mbwa, hazu Sɔ nɛ pɛa tɛ osa yo ha mbwa fɛt long.

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Rome 2:1

Mɛ ka gɔn kita ha zu hio ma mɛ, ngase mɛ dung mɛng, mɛ bo nɛ ma wen hazu ngangi nɛ tɛ mɛ na. Hazu mɛ fɛt, mɛ ha dea ndangtɛ gdangamɔ tuka mbwa. Mɛgi, ka mɛ gɔn kita ha zu mbwa, mɛ gɔn nɛ kita ha zu mɛ nɛ pɛ mɛ tɛ.

Rome 2:15

Deamɔ pɛ hio wi ndɔng gbasi nde, Sɔ ngɛraka mbonga pɛa gde ha zang sila mbwa. Ingɔmɔ sila nɛ takaramɔ pɛ mbwa gbasi mɛgi fin. Hazu, ma ngimɔ, mɔ ndɔng ha osa ha mbwa nde, mbwa dea dedemɔ, nɛ ma ngimɔ nde, mbwa dea gdangamɔ.

1 Korente 1:20

Wan-mbarimɔ ha ndo? *Wan-osi mbonga ha ndo? Wan-wolmɔ nɛ dede gɛl mɔ nzan ɛngɛ ha ndo? Wen pɛ mbwa kara fɛt, hazu Sɔ kiforo mbaramɔ mɔ nzan ɛngɛ ha wen bili kari.

Kolose 1:15

Ma wi ndang tɛ zɔk Sɔ na. Ma, wi ka zɔka Christ, a zɔka Sɔ kari. Christ nê kay bem pɛ Sɔ, nɛ wɛnɛ dung ha zu mɔ fɛt ka Sɔ dea.

Kolose 2:9

Hazu Sɔ nɛ pɛa tɛ fɛt mburr ha dea le ha tɛ Christ.

1 Timothée 1:17

Lukosomɔ nɛ *lɛkɛ-lɛkɛmɔ nê pɛ *Kongapora, ndanga Sɔ, kpoo nɛ kpoo. Wi lɛm zɔk wɛnɛ na, wɛnɛ lɛm fe na, nɛ wɛnɛ nê Kongapora kpoo. Amen.

1 Timothée 6:16

Wɛnɛ ndang sɔna lɛm fe na, nɛ wɛnɛ de le ha bhandi saamɔ ka wi lɛm nɛ ang na. Ma wi ndang tɛ zɔk wɛnɛ na, nɛ ma wi ndang lɛm zɔk wɛnɛ na. Lukosomɔ nɛ ziomɔ kpoo ha kɔ wa! Amen.

Hebro 11:27

Nɛ wal mɛkara Sɔ, Moïse guotɛ ha kandɔnu Ezipte pen, a tɛ yu ke ngambi pɛ kongapora na. A baa da hazu yo dungɔ tuka nde, wɛnɛ ha zɔka Sɔ ka ɛ lɛm zɔk na.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.