Rome 1:13 - Takarata pɛ Sɔ Mbombe Mbon

¹³ Hio ya mi, ɛnɛ ing nde, yo tɛ bo nê ze nɛdɔka ka mi bheka mɛ nɛ ha pɛ ɛnɛ. Ma, mɔ dolsa mi. Ha soko hio mbing kandɔ mi ha dea tom nde, hio wi amɛkiri Jésus-Christ. Mi ngoy de fin gbesi ha pɛ ɛnɛ.

Rome 1:13 ပူးပေါင်းရင်းမြစ်များ

Jean 12:24

Kpasawen, mi tɔ ha ɛnɛ nde, ka kpalmɔ tɛ le ha si nu na, nɛ ka yo tɛ fe na, yo bebhɔn ka ndang sɔna. Ma, ka yo fea, yo beway nɛdɔka.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Jean 4:36

Wan-bhi kpalmɔ kpa kɛamɔ sising, nɛ wɛnɛ ha bhio mɔ hazu tunɔ kpoo. Mɛgi, wan-pɛ kpalmɔ nɛ wan-bhi waya, mbwa bede totɛ gbesi.

Deamɔ 1:15

Ha ma yala ndɔng ndang, hio ya ha Christ wesara may lɛm nɛ wi gɔmmay zu bhuze bwa. Pierre guo tɛ tɔ ha mbwa:

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Deamɔ 15:12

Nɛ wi fɛt ka wesara may haki kara selele. Mbwa fɛt lɛnga zala ha tɛ Barnabas hinɛ Paul ha tɔa wen *mɔweka nɛ *mɔkifi, ka Sɔ dea nɛ wal mbwa ha soko hio wi ndɔng, ka bo nê zuife na.

Deamɔ 19:21

Hapata mɔ ndɔng, Paul bheka mɛ gɔn hio kandɔnu Masedoane nɛ Akai hazu kifiri si ha Jérusalem. A tɔa: «Ka mi hɔa haki, dea nde, mi apen fin nɛ ha gasa le Rome.»

Deamɔ 21:19

Paul fana mbwa, nɛ a baa kasi dedemɔ ndang ndang fɛt, ka Sɔ dea nɛ wal wɛnɛ ha soko hio wi ndɔng, ka bo nê *zuife na.

Deamɔ 28:14

Ɔ kpaa hio ya ha Christ haki. Nɛ mbwa alanu nde, ɔ ade dimasi ndang hinɛ mbwa. Yo dungɔ mɛgi, ka ɔ nɛa ha Rome.

Rome 1:12

Ɛngɛ tɔ nde, mi ngoy dung hinɛ ɛnɛ tuka nde, ɔ aha ngatɛ ha may. Mi bepka ngatɛ nɛ wal mɛkaramɔ pɛ ɛnɛ, nɛ ɛnɛ bekpa ngatɛ nɛ wal mɛkaramɔ pɔm.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Rome 7:1

Hio ya mi, mi wolmɔ ha ɛnɛ ka ingɔ mbonga pɛ Moïse. Ɛnɛ ingɔ nɛdedea nde, yo sɔna ha ngimɔ ka wi boka nɛ zutunɔ, ka wɛnɛ dung ha si mbonga.

1 Korente 1:10

Hio ya mi, mi mbo ɛnɛ nɛ ling *Kongawan pɛ ɔ, Jésus-Christ nde, ɛnɛ aze may. Ka ɛnɛ akɛtini soko dung nɛtɛ-nɛtɛ na. Ma, ɛnɛ adung nɛ sila ndang nɛ takaramɔ ndang nɛkpasa.

1 Korente 10:1

Hio ya mi, mi ngoy gba tazu ɛnɛ nɛ mɔ ka bahɔ se ha tɛ hio ngbabafa ɔ ha kpɛnu. Mbwa yala ha si buswe, nɛ mbwa fɛt kuo nana-litɔng nɛ nanga.

1 Korente 12:1

Sising hio ya mi, mi betɔ wen hazu hio tili ngatɛ ka Nzɔy-Sɔtɛ ha ha hio wi, hazu mi ngoy nde, ɛnɛ aing mɔ hazua nɛdedea.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

1 Korente 9:2

Hio ma wi zɔk mi tuka wan-nɛtom pɛ Kongawan na, ma, ngase ɛngi, ɛnɛ ingɔ nɛkpasa nde, mi nê wan-nɛtom. Hazu, ɛnɛ tɛ bo ha dea sɔy hinɛ Kongawan nɛ wal tom pɔm. Ɛngi gbasi long nde, mi nê kpasa wan-nɛtom pɛa.

2 Korente 1:8

Hio ya, ɔ ngoya nde, ɛnɛ aing yeksamɔ ka kpaa ɔ ha nu Azi. Ɔ tɛ takiri nde, ɔ begbo haki nɛ zutunɔ na. Hazu yo dungɔ nê gasa yeksamɔ ka wi lɛm mɛ kpasi ang na.

2 Korente 2:14

Ɔ ha oeba ha Sɔ hazu wɛnɛ ha ngbɔsa ɔ swe fɛt ha zang nzɔng ka nak pata Christ, wan-gan zu mɔ fɛt. Mɛgi, ha bhandi fɛt ka ɔ nɛ ang, ɔ ha gbasa ingɔmɔ hazu Christ tuka dede pɛl kulomɔ.

Galasi 3:15

Hio ya mi, mi beku ma ndɔkitɛ wi tɔ nɛ wen pɔm. Ka ma wi gɔna nu nɛ wala kari hazu likɔ pɛa, ma wi ndang lɛm tukili mana kpalsi gɔnanu ɛngɛ na.

Galasi 6:18

Hio ya mi, Kongawan pɛ ɔ, Jésus-Christ, ade dede sila ha tɛ ɛnɛ fɛt. Amen.

Filipe 1:22

Ma, ka mi bhɔna nɛ zutunɔ, mi lɛma de nɛ dede tom. Mɛgi mi ing mɔ ka mi beweki na.

Filipe 4:17

Mi ngoy kpa mɔ ha kɔ ɛnɛ na, ma, mi ngoya nde, Sɔ akɛ ɛnɛ hebhe hazu hio dedemɔ ka ɛnɛ de.

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

Kolose 1:6

Dede Wen ka hɔa ha pɛ ɛnɛ, ha yambala dam zu nzan fɛt, nɛ yo ha waya nɛ dede waya ha bhandi fɛt. Yo ha dea fin gbesi ha soko ɛnɛ, angiri ha bosi ngimɔ ka ɛnɛ zea wena, nɛ ka ɛnɛ ingɔ tɛwen nde, Sɔ ha dea *dede sila ha tɛ hio wi.

1 Tesalonike 2:18

Ɔ ngoya mɛ kifiri nɛ ha pɛ ɛnɛ. Mi, Paul, mi kimbolo ze nɛdɔka mɛ nɛ ha pɛ ɛnɛ. Ma, *Satan gdɔka wal ha ɔ.

1 Tesalonike 4:13

Hio ya ɔ, ɔ ngoya nde, ɛnɛ aing mɔ ka behɔ bin ha wen pɛ hio fiowi. Yu nde, ngɔtɛ betɛ de ɛnɛ gbesi tuka ka yo de nɛ wi ndɔng ka gde tazu mbwa ha tɛ Jésus na.

2 Tesalonike 2:7

Ngatɛ pɛ Wan-kafi mbonga tɛ bo ha dea tom nɛ wuso kari. Nɛ yo bebhɔn ha wuso hɔ ha ngimɔ ka Sɔ kuso wi ka dolsi wɛnɛ.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.