Rome 1:1 - Takarata pɛ Sɔ Mbombe Mbon

¹ Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

Rome 1:1 ပူးပေါင်းရင်းမြစ်များ

Marc 1:14

Hapata ka Herode pio Jean ha zɔbhɔ, Jésus nɛa ha Galile. Nɛ a bulo *Dede Wen pɛ Sɔ,

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Jean 15:15

Mi sa ɛnɛ nde, hio wan-tom pɔm fin na, hazu wan-tom ing mɔ ka wan pɛa ha dea na. Ma, mi sa ɛnɛ nde, hio dan mi, hazu mi osa ha ɛnɛ hio mɔ fɛt ka Bafa mi osa ha mi.

Jean 15:20

Tazu ɛnɛ agba nɛ wen ka mi batɔ ha ɛnɛ: ‹Wan-tom bo nɛ zioa pen wan pɛa na.› Ɛ ndɔng ka namala mi, benamili fin ɛnɛ. Ɛ ndɔng ka mɛkara hio wen pɔm, bemɛkiri fin hio wen pɛ ɛnɛ.

Deamɔ 13:9

Mɛgi, Saul, ka ɛ sa fin nde, Paul, dona nɛ Nzɔy-Sɔtɛ, nɛ a gɛra wan-nganga ɛngɛ gdoo,

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Deamɔ 21:40

Gasa kagama-bulo mɛkara yo. Paul yola ha zu mɔ dang kin, nɛ a pɛa kɔ ha giliwi. Mbwa kara selele. Mɛgi, a wolamɔ ha mbwa nɛ nu *Hebro, nu pɛ hio zuife, a tɔa:

Deamɔ 22:21

Mɛgi, Kongawan tɔa ha mi: ‹Mɛ pen, hazu mi ngoy tomsi mɛ nɛ yɛa ha soko hio mbing kandɔ!›»

Deamɔ 22:7

Mi teka ha nu nɛ zea ma gɛl ka ana mi: ‹Saul, Saul, mɛ namili mi hazu ge?›

Deamɔ 26:1

Agripa tɔa ha Paul: «Mi ha mɛ ngimɔ hazu kɛ wen tɛ mɛ.» Paul pɛa kɔ nɛ a kɛa wen tɛ wa mɛgɛ:

Deamɔ 26:14

Ɔ fɛt teka ha nu, nɛ mi zea ma gɛl ha wolamɔ ha mi nɛ nu *Hebro nɛ tɔa: ‹Saul, Saul, mɛ namili mi hazu ge? Mɛ kimbili mɛ gan zu mi hazu ge? Nday lɛm gan zu wan wa na.›

Deamɔ 27:23

Hazu, nɛ zɛ ɛngɛ, Sɔ, ka mi dung nê pɛa nɛ ka mi de tom pɛa, tomsa ma *telenge pɛa ha pɔm.

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Rome 1:16

Mi bo nɛ foy mɛ bul Dede Wen na. Hazu Dede Wen ɛngɛ nê ngatɛ pɛ Sɔ, ka wɛnɛ kpasisi nɛ hio wi ndɔng ka mɛkiri Jésus-Christ. Yo hazu kpasisi hio *zuife sɔngsi, nɛ fin, hazu kpasisi hio wi mɔ hio olo kandɔ.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 1:9

Sɔ ka mi de tom pɛa nɛ sila ndang, nɛ ka mi tɔ *Dede Wen tɛ Bewei pɛa, a ingɔ nde, mi ha takaramɔ hazu ɛnɛ

Rome 11:13

Sising, mi wolmɔ ha ɛnɛ, ka bo nê zuife na. Mi nê *wan-nɛtom ka Sɔ tomsa ha hio kandɔ ka bo nê zuife na. Nɛ mi nɛ totɛ hazu tom pɔm.

Rome 15:16

nɛ wal gdea mi wan-tom pɛ Jésus-Christ ha soko hio kandɔ ka bo nê *zuife na. Wɛnɛ weka mi gde nɛtɛ hazu bul *Dede Wen pɛ Sɔ. Mɛgi, hio kandɔ ndɔng lɛma mɛ dung tuka yefa sadaka, ka *Nzɔy-Sɔtɛ gdea nɛ nzɔya ha li Sɔ.

Rome 15:29

Mi ingɔ nde, ka mi behɔ ha pɛ ɛnɛ, Christ bewol dede wen ha zu ɛnɛ nɛkpasa nɛ wal mi.

Rome 16:18

hazu hio tili wi mɛgi de tom ha Christ, *Kongawan pɛ ɔ, na. Ma, mbwa de nɛ tom zang mbwa. Nɛ wal yefa wen nɛ dede gɛl mbwa, mbwa ha osala hio wi ndɔng ka li mbwa bha na.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

1 Korente 1:1

Yo nê mi, Paul, hinɛ ya ɔ, Sostene ha ngɛriki takarata ɛngɛ. Sɔ saa mi gde *wan-nɛtom pɛ Jésus-Christ tuka sila wa ngoya.

1 Korente 9:1

Bo nê mi dung sɛɛ hazu de mɔ ka sila mi ngoya, na nde? Bo nê mi nê *wan-nɛtom, na nde? Bo nê mi zɔka Jésus, *Kongawan pɛ ɔ, na nde? Bo nê mɛkaramɔ pɛ ɛnɛ nê waya tom ka mi de ha Kongawan, na nde?

2 Korente 1:1

Yo nê mi, Paul, hinɛ ya ɔ, Timothée ha ngɛriki takarata ɛngɛ. Sɔ saa mi gde *wan-nɛtom pɛ Jésus-Christ tuka sila wa ngoya. Ɔ tomsi takarata ɛngɛ ha ɛnɛ, *giliwi mɔ eglize pɛ Sɔ ha gasa le Korente, nɛ fin ha hio wi pɛ Sɔ ha kandɔnu Akai fɛt.

2 Korente 11:5

Mi ingɔ nɛdedea nde, hio gasa wan-nɛtom pɛ ɛnɛ tɛ pen mi ha ma mɔ ndang na.

2 Korente 11:7

Ɛnɛ tɛ kpe mi ha bulo *Dede Wen pɛ Sɔ ha ɛnɛ na. Ɛngi osi nde, mi hilo nɛ mɛndi hazu gu ɛnɛ gde ha ngɔn. Mi ani ɛnɛ nde, mana nɛ wal dea mɛgi mi dea gdangamɔ nde?

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

2 Korente 2:12

Ha ngimɔ ka mi hɔa ha le Troas hazu bul *Dede Wen pɛ Christ, mi zɔka nde, *Kongawan gbosasa wal ha mi long mɛ de tom pɛa.

2 Korente 4:5

Ey, ɔ bul wen tɛ ɔ ndang na, ma, ɔ bul wen tɛ Jésus-Christ, ka dung nê *Kongawan. Pɛ ɔ, ɔ nê hio wan-tom pɛ ɛnɛ hazu Jésus.

Galasi 1:1

Yo nê mi Paul ha ngɛriki takarata ɛngɛ. Yo bo nê wi ha weki mi gde *wan-nɛtom na, nɛ yo bo fin nɛ wal wi ka mi tɛa wan-nɛtom na. Ma, yo nê Jésus-Christ, ka Sɔ guo ha soko hio fiowi, hinɛ Sɔ, Bafa wa, ha weki mi.

Efeze 1:1

Yo nê mi Paul ka Sɔ nɛ pɛa tɛ weka tuka *wan-nɛtom pɛ Jésus-Christ, mi ngɛriki takarata ɛngɛ tomsi ha ɛnɛ, hio wi pɛ Sɔ mɔ le Efeze, ɛnɛ ka dung nɛ mboazu ha dea sɔy hinɛ Jésus-Christ.

Efeze 1:13

Sising, ɛnɛ fin zea tɛwen. Yo nde, ɛnɛ zea *Dede Wen ka tɔ nde, Sɔ ngoy kpasisi ɛnɛ. Nɛ ɛnɛ mɛkara Christ. Yo nê ɛngi ka Sɔ gɔna dafu ha tɛ ɛnɛ kari. Ɛngi osi nde, ɛnɛ tɛ bo nê hio wi pɛa. Dafu ɛngɛ nê Nzɔy-Sɔtɛ ka Sɔ bagɔn nua mɛ ha ha ɔ.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

Filipe 1:1

Yo nê ɔ, Paul nɛ Timothée, hio wan-tom pɛ Jésus-Christ, ka ngɛriki takarata ɛngɛ tomsi ha ɛnɛ, hio wi ndɔng mɔ le Filipe ka de sɔy hinɛ Jésus-Christ. Ɔ tomsi yo fin ha hio wi mɔ zu ɛnɛ nɛ ha hio *diakre.

Filipe 2:11

Nɛ mbwa fɛt begbasi nɛ nu mbwa long nde, Jésus-Christ nê *Kongawan. Nɛ wal tɔa mɛgi, mbwa beosi *lɛkɛ-lɛkɛmɔ pɛ Sɔ, Bafa.

Kolose 1:1

Yo nê mi, Paul, hinɛ ya ɔ, Timothée ha ngɛriki takarata ɛngɛ. Sɔ saa mi gde *wan-nɛtom pɛ Jésus-Christ tuka sila wa ngoya.

Kolose 1:25

Mi tɛ bo nê wan-tom pɛ giliwi mɔ eglize hazu de nɛ tom ka Sɔ gdea ha kɔ mi. Nɛ li toma nde, mi abul wen pɛa fɛt long ha ɛnɛ.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

1 Tesalonike 2:8

Ey, ɔ ngoya ɛnɛ pentɛ. Mɛgi ɔ zɔka nɛ dedea nde, ɔ aha ɛnɛ bo sɔna nɛ Dede Wen na, ma, ɔ aha ɛnɛ tɛ ɔ nɛ pɛ ɔ tɛ hazu ɛnɛ tɛ bo nê hio ndɔngsila ɔ.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Timothée 1:1

Yo nê mi, Paul, ha ngɛriki takarata ɛngɛ. Sɔ, *Wan-kpasisi ɔ, hinɛ Jésus-Christ, ka ɔ gde tazu ɔ ha tɛ wa, mbwa gdea mi *wan-nɛtom pɛ Jésus-Christ.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Tite 1:1

Yo nê mi, Paul, wan-tom pɛ Sɔ nɛ *wan-nɛtom pɛ Jésus-Christ, ka ngɛriki takarata ɛngɛ. Sɔ tomsa mi mɛ bul wen pɛa ha wi ndɔng ka wɛnɛ weka bingiri, tuka nde, mbwa amɛkiri wɛnɛ, nɛ nde, mbwa aing tɛwen ka osi wal mɛ ndari Sɔ.

Hebro 5:4

Ma wi ndang lɛm ba tɛ wa nɛ zioa mɛ tɛ gasa wan-hasadaka na. Yo nê Sɔ ha sa wi hazu dung nê gasa wan-hasadaka tuka ka wɛnɛ basa nɛ Aaron.

Hebro 7:26

Mɛgi, Jésus nê gasa wan-hasadaka ka lɛma nɛ ɔ. Wɛnɛ nɛ nzɔya, ma gdangamɔ mana ma wen bo ha zu wa na. Sɔ kuo wɛnɛ ha soko hio *wan-de gdangamɔ gde ha kuso ngɔn.

Jacques 1:1

Yo nê mi, Jacques, wan-tom pɛ Sɔ nɛ pɛ *Kongawan Jésus-Christ, ha ngɛriki takarata ɛngɛ ha ɛnɛ, hio kandɔ *Israel ka yambala nɛ ha zu nzan fɛt. Mi fana ɛnɛ fɛt nɛdedea.

1 Pierre 4:17

Ngimɔ ka Sɔ angiri gɔna kita ha zu hio wi, hɔa kari. Wɛnɛ ha gɔna kita ha zu hio wi pɛa sɔngsi. Woo! Ka Sɔ gɔn kita sɔngsi ha zu ɔ, hio wi pɛa, ki kita pɛ Sɔ ha zu hio wi ndɔng ka kafi *Dede Wen pɛa bedung mɛng?

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

Jude 1:1

Yo nê mi, Jude, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ mi fin nê bebe ya mɛ Jacques. Mi ngɛriki takarata ɛngɛ ha ɛnɛ, hio wi ka Sɔ, Bafa ɔ, weka. A ngoya ɛnɛ pentɛ, nɛ wɛnɛ ha pama ɛnɛ nɛ wal Jésus-Christ.

Gbasamɔ 1:1

Takarata ɛngɛ tɔ nɛ wen mɔ ka Jésus-Christ gbasa. Sɔ haa gbasamɔ ɛngɛ ha wɛnɛ tuka nde, wɛnɛ aosi ha hio wan-tom pɛa mɔ ka betɛ nɛhasa. Wɛnɛ tomsa ma *telenge pɛa ndang hazu osi mɔ ndɔng ha Jean, wan-tom pɛa.

Gbasamɔ 22:6

Hapata, *telenge ɛngɛ tɔa ha mi: «Wen ndɔng nê kpasa tɛwen. Nɛ *Kongawan Sɔ ka Sɔtɛ pɛa gde wen ha nu hio *wan-tɔkuliwen, wɛnɛ tomsa telenge pɛa hazu osi ha hio wan-tom pɛa mɔ ka behɔ nɛhasa.»

Gbasamɔ 22:9

Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ, hio wan-tɔkuliwen, nɛ tuka hio wi ndɔng fɛt, ka pam hio kuliwen mɔ zang takarata ɛngɛ. Mɛ alukisi nɛ Sɔ!»