Gbasamɔ 9:1 - Takarata pɛ Sɔ Mbombe Mbon

¹ Hapata, zemɔrkɔ telenge dɔma mbia. Mi zɔka ma sɔla ndang ka bhilo ha ngɔn tek ha nu. Ɛ haa wɛnɛ sɔtɛ nu fongo.

Gbasamɔ 9:1 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 10:18

A tɔa ha mbwa: «Mi zɔka *Satan ha *bhiloa ha ngɔn tek ha nu tuka piolikolo.

Dede Wen hazu Jésus-Christ ka Luc ngɛraka 8:31

Nɛ hio gdanga sɔtɛ lokatɛ ha Jésus nde, ka wɛnɛ aha nu ha mbwa mɛ zil ha zang zɔbhɔ pɛ hio gdanga sɔtɛ na.

Rome 10:7

Nɛ mɛ akarsi fin anamɔ nde: «O ha bezil ha si nu ha bhandi ka hio fiowi dung ang, o nde?» Hazu, ziloa ha si nu mɛ ku Christ ha soko hio fiowi dang nɛ, yo lɛm fin na.

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Gbasamɔ 1:20

Goto hio sɔla mɔrkɔ zanga bwa ka mɛ zɔka ha zang wekɔ mi, nɛ goto solo lamba mɔ gbɛbolo mɔrkɔ zanga bwa, yo nde, sɔla mɔrkɔ zanga bwa nê hio *telenge pɛ hio giliwi mɔ eglize mɔrkɔ zanga bwa, nɛ solo lamba mɔrkɔ zanga bwa nê hio giliwi mɔ eglize mɔrkɔ zanga bwa.»

Gbasamɔ 11:7

Ka mbwa karsa kɛa wen nu Sɔ, ma ngɔnzu ndang begbo ha zang fongo nɛ bebi bulo sungiri nɛ mbwa. A began zu mbwa, nɛ a begbɛ mbwa.

Gbasamɔ 17:8

Ngɔnzu ɛngɛ ka mɛ zɔka, badung se nɛ zutunɔ. Ma, sising, a bo fin nɛ zutunɔ na. A begbo ha fongo hazu nɛ ha bhonda. Hio wi mɔ zu nu beyaksi ha zɔka wɛnɛ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Hazu, ngɔnzu ɛngɛ badung se nɛ zutunɔ. Ma, sising, a bo fin nɛ zutunɔ na. Ngase ɛngi, a bekifiri pe.

Gbasamɔ 20:1

Hapata ɛngi, mi zɔka ma *telenge ha ziloa ha ngɔn tɛ. Ha kɔ wa, wɛnɛ baa sɔtɛ nu fongo nɛ ma zio gbazɔbhɔ.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.

Gbasamɔ 6:13

Hio sɔla hɔfa ha ngɔn tek ha nu tuka mbisoko wayate ka gbabok tongbisi gɔsi ha nu.

Gbasamɔ 8:10

Hapata, zetar telenge dɔma mbia. Hio nanali nɛ hio zu ndong li fɛt gbaa soko tar, nɛ ma gasa sɔla ka baa tuka kan, *bhilo ha ngɔn tek ha zu bhalkɔ hio li ndɔng ndang.

Gbasamɔ 8:12

Hapata, zenar telenge dɔma mbia. Li swe, li ze, nɛ li hio sɔla gbaa soko tar, nɛ ma mɔ mɛla bhalkɔa ndang tuka nde, yo atu. Nɛ yolo swe nɛ saamɔ zɛ gbaa soko tar, nɛ bhalkɔa ndang ba fin na.

Gbasamɔ 8:2

Hapata, mi zɔka hio ma *telenge mɔrkɔ zanga bwa ha yola ha li Sɔ. Nɛ Sɔ haa mbwa mbia mɔrkɔ zanga bwa.

Gbasamɔ 9:2

Ka wɛnɛ gbosasa nu fongo ɛngɛ, zɛwe gboa ha zanga kitoo tuka zɛwe gbakuru we. Nɛ yo tusoso liswe nɛ ngɔn.