Gbasamɔ 8:8 - Takarata pɛ Sɔ Mbombe Mbon

⁸ Hapata, zebwa telenge dɔma mbia. Ma mɔ tuka gasa ngari ka be we teka ha zang nana-litɔng. Nɛ nana-litɔng fɛt gbaa soko tar, nɛ bhalkɔa ndang kifo tɔk.

Gbasamɔ 8:8 ပူးပေါင်းရင်းမြစ်များ

Marc 11:23

Kpasawen, mi tɔ ha ɛnɛ, ka ma wi tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ ka wia si kafɛ ha sila wa na, ma, ka wɛnɛ mɛkara Sɔ nde, wen pɛa belɛmsiri tɛ, mɛgi Sɔ beha yo ha wɛnɛ.

Gbasamɔ 11:6

Ha zang hio yala ndɔng fɛt ka mbwa betɔ kuliwen pɛ Sɔ, mbwa nɛ ngatɛ mɛ gdɔki nu ngɔn tuka nde, kolo aɔl na. Mbwa fin nɛ ngatɛ mɛ kifiri hio nanali ha tɔk, nɛ mɛ mɛl hio wi mɔ zu nu fɛt nɛ hio tili kemɔ ha ngimɔ fɛt tuka sila mbwa ngoya.

Gbasamɔ 12:4

Wɛnɛ gbaa soko hio sɔla nɛ zugilia tar, nɛ a mɛla nɛ kunda wa ma zugili ha sokoa ndang pi ha nu. Nɛ wɛnɛ yola hapɛtɛ bhoko ɛngɛ ka bi mɛ bhɛ, tuka nde, wɛnɛ agul bema ha pata bhɛ.

Gbasamɔ 8:7

Nɛ ka bosi telenge dɔma mbia, kolo bhɔkala nɛ we ka sɔkara nɛ tɔk, gɔya ha zu nu. Nɛ nu hinɛ hio te fɛt gbaa soko tar, nɛ bhalkɔa ndang bea we. Hio mbɔngi bɛlɛ fɛt bea we fin.

Gbasamɔ 9:15

Ɛ bulo telenge ndɔng nar, ka Sɔ babhɔngiri mbwa gde keri nɛ ngonga, nɛ yala, nɛ kilize, nɛ kili bɛlɛ ɛngɛ ka mbwa agbɛ hio wi ang. Mbwa gbaa soko hio wi fɛt nɛ zugilia tar, nɛ mbwa gbɛa zugili ndang ha sokoa.

Gbasamɔ 9:18

We, zɛwe nɛ piti ka gbo ha nu hio yanga ndɔng, yo nê hio kemɔ tar ka gbaa soko hio wi fɛt nɛ zugilia tar, nɛ ka gbɛa zugili ndang ha sokoa.