Gbasamɔ 8:12 - Takarata pɛ Sɔ Mbombe Mbon

¹² Hapata, zenar telenge dɔma mbia. Li swe, li ze, nɛ li hio sɔla gbaa soko tar, nɛ ma mɔ mɛla bhalkɔa ndang tuka nde, yo atu. Nɛ yolo swe nɛ saamɔ zɛ gbaa soko tar, nɛ bhalkɔa ndang ba fin na.

Gbasamɔ 8:12 ပူးပေါင်းရင်းမြစ်များ

Matthieu 24:29

«Nɛhasa hapata yala yeksamɔ ndɔng, liswe betu, nɛ ze lɛm ba fin na. Hio sɔla ha ngɔn bebhil tek ha nu. Nɛ hio ziomɔ ngɔn beyak.

Matthieu 27:45

Nɛ ka swe hɔa ha sila zu, tutum gdɔka kandɔnu ɛngi ngɛ-ngɛ-ngɛ fɛt, kanɛ swe gbinɔ kɔ hɔ ha ngonga tar.

Marc 13:24

«Ma, ha ngimɔ ɛngi, hapata yeksamɔ ndɔng, swe betu nɛ ze lɛm ba fin na.

Marc 15:33

Nɛ ka swe hɔa ha sila zu, tutum gdɔka kandɔnu ɛngi ngɛ-ngɛ-ngɛ fɛt, kanɛ swe gbinɔ kɔ hɔ ha ngonga tar.

Dede Wen hazu Jésus-Christ ka Luc ngɛraka 21:25

«Hio *mɔweka begbasi tɛ ha li swe, ha li ze nɛ ha li hio sɔla. Sila hio wi mɔ nzan bede ke nɛ bebhunziki nɛkpasa, hazu gasa gisi tongbasali pɛ nana-litɔng.

Deamɔ 2:20

Swe betɛ nɛ tua ndir-ndir, nɛ ze nɛ gbɛa nzong-nzong. Hapata ɛngi, yala pɛ *Kongawan behɔ. Yo bedung nê gasa lɛkɛ-lɛkɛ yala.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

Gbasamɔ 12:4

Wɛnɛ gbaa soko hio sɔla nɛ zugilia tar, nɛ a mɛla nɛ kunda wa ma zugili ha sokoa ndang pi ha nu. Nɛ wɛnɛ yola hapɛtɛ bhoko ɛngɛ ka bi mɛ bhɛ, tuka nde, wɛnɛ agul bema ha pata bhɛ.

Gbasamɔ 16:10

Zemɔrkɔ telenge gɔsa kɔpɔ pɛa ha zu solowan pɛ ngɔnzu. Mɛgi, ngɛ-ngɛ-ngɛ tutum gdɔka kandɔnu ka ngɔnzu dung *kongapora ang. Nɛ hio wi yɔnga lembe mbwa hazu gasa yimtɛ ka mbwa kpaa.

Gbasamɔ 6:12

Mi zɔka Besami ha kuso zemɔrkɔ zanga ndang gdangi. Nɛ nu yaka nɛngaya, gbali swe tɛ bo nɛ tua tuka la zim mɔ, nɛ ze nɛ kilia fɛt tɛ bo nɛ gbɛa tuka tɔk.

Gbasamɔ 9:15

Ɛ bulo telenge ndɔng nar, ka Sɔ babhɔngiri mbwa gde keri nɛ ngonga, nɛ yala, nɛ kilize, nɛ kili bɛlɛ ɛngɛ ka mbwa agbɛ hio wi ang. Mbwa gbaa soko hio wi fɛt nɛ zugilia tar, nɛ mbwa gbɛa zugili ndang ha sokoa.

Gbasamɔ 9:18

We, zɛwe nɛ piti ka gbo ha nu hio yanga ndɔng, yo nê hio kemɔ tar ka gbaa soko hio wi fɛt nɛ zugilia tar, nɛ ka gbɛa zugili ndang ha sokoa.