Gbasamɔ 8:10 - Takarata pɛ Sɔ Mbombe Mbon

¹⁰ Hapata, zetar telenge dɔma mbia. Hio nanali nɛ hio zu ndong li fɛt gbaa soko tar, nɛ ma gasa sɔla ka baa tuka kan, *bhilo ha ngɔn tek ha zu bhalkɔ hio li ndɔng ndang.

Gbasamɔ 8:10 ပူးပေါင်းရင်းမြစ်များ

Matthieu 25:1

«Hɔa pɛ *Kongakandɔ Ngɔn bedung tuka towen ɛngɛ. Hio pɔlɔmbɔ bhoko bhukɔ kuo lamba pɛ mbwa, nɛ gboa hazu nɛ ha kpaa wan-sibhoko.

Dede Wen hazu Jésus-Christ ka Luc ngɛraka 10:18

A tɔa ha mbwa: «Mi zɔka *Satan ha *bhiloa ha ngɔn tek ha nu tuka piolikolo.

Jude 1:13

Mbwa dung tuka tongbasali ha li nana-litɔng. Gdangamɔ pɛ mbwa gboa tuka puru ka yal ha zu li li. Nɛ mbwa dung gbesi tuka hio sɔla ka sɔwi nɛtum nɛtum. Sɔ bhɔngara bhandi ngɛ-ngɛ-ngɛ tutum gde keri nɛ mbwa kari, nɛ mbwa bedung haki kpoo nɛ kpoo.

Gbasamɔ 1:20

Goto hio sɔla mɔrkɔ zanga bwa ka mɛ zɔka ha zang wekɔ mi, nɛ goto solo lamba mɔ gbɛbolo mɔrkɔ zanga bwa, yo nde, sɔla mɔrkɔ zanga bwa nê hio *telenge pɛ hio giliwi mɔ eglize mɔrkɔ zanga bwa, nɛ solo lamba mɔrkɔ zanga bwa nê hio giliwi mɔ eglize mɔrkɔ zanga bwa.»

Gbasamɔ 12:4

Wɛnɛ gbaa soko hio sɔla nɛ zugilia tar, nɛ a mɛla nɛ kunda wa ma zugili ha sokoa ndang pi ha nu. Nɛ wɛnɛ yola hapɛtɛ bhoko ɛngɛ ka bi mɛ bhɛ, tuka nde, wɛnɛ agul bema ha pata bhɛ.

Gbasamɔ 14:7

A tɔa nɛ ngagɛl: «Ɛnɛ yu ke Sɔ, nɛ ɛnɛ lukisi wɛnɛ! Hazu ngimɔ ka wɛnɛ begɔn nɛ kita ha zu hio wi hɔa kari. Ɛnɛ lukisi wɛnɛ ka dea ngɔn nɛ nu, nana-litɔng nɛ hio zu ndong li fɛt.»

Gbasamɔ 16:4

Zetar telenge gɔsa kɔpɔ pɛa ha hio nanali nɛ ha hio zu ndong li fɛt. Nɛ hio lia kifo tɔk.

Gbasamɔ 6:13

Hio sɔla hɔfa ha ngɔn tek ha nu tuka mbisoko wayate ka gbabok tongbisi gɔsi ha nu.

Gbasamɔ 8:7

Nɛ ka bosi telenge dɔma mbia, kolo bhɔkala nɛ we ka sɔkara nɛ tɔk, gɔya ha zu nu. Nɛ nu hinɛ hio te fɛt gbaa soko tar, nɛ bhalkɔa ndang bea we. Hio mbɔngi bɛlɛ fɛt bea we fin.

Gbasamɔ 9:1

Hapata, zemɔrkɔ telenge dɔma mbia. Mi zɔka ma sɔla ndang ka bhilo ha ngɔn tek ha nu. Ɛ haa wɛnɛ sɔtɛ nu fongo.

Gbasamɔ 9:15

Ɛ bulo telenge ndɔng nar, ka Sɔ babhɔngiri mbwa gde keri nɛ ngonga, nɛ yala, nɛ kilize, nɛ kili bɛlɛ ɛngɛ ka mbwa agbɛ hio wi ang. Mbwa gbaa soko hio wi fɛt nɛ zugilia tar, nɛ mbwa gbɛa zugili ndang ha sokoa.

Gbasamɔ 9:18

We, zɛwe nɛ piti ka gbo ha nu hio yanga ndɔng, yo nê hio kemɔ tar ka gbaa soko hio wi fɛt nɛ zugilia tar, nɛ ka gbɛa zugili ndang ha sokoa.