Gbasamɔ 7:15 - Takarata pɛ Sɔ Mbombe Mbon

¹⁵ Yo nê hazu ɛngi, ka mbwa yol ha li solowan pɛ Sɔ nɛ mbwa de tom ha wɛnɛ swe nɛ zɛ ha nzɔy twa pɛa. Nɛ wi kɛ ka dungnu ha solowan, bede le ha soko mbwa, nɛ a bepam mbwa.

Gbasamɔ 7:15 ပူးပေါင်းရင်းမြစ်များ

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

2 Korente 6:16

Hio gbele sɔ lɛma kpa bhandi ha *gasa twa Sɔ mɛng? Kpasawen, ɔ nê twa pɛ tunɔ Sɔ, gbesi tuka wɛnɛ tɔa: «Mi bede le ha soko mbwa, nɛ mi beyal ha soko mbwa. Mi bedung nê Sɔ pɛ mbwa, nɛ mbwa bedung nê kandɔ pɔm.»

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 8:1

Gasa mɔ ka ɔ tɔ wena, yo nde, ma gasa wan-hasadaka pɛ ɔ ndang ang. Wɛnɛ ha dungɔnu ha zang ngɔn ha wekɔ Sɔ ka dung tuka *kongapora ha zu solowan pɛa.

Gbasamɔ 11:19

Ha zang ngɔn, nu *gasa twa Sɔ gboa long. Nɛ ɛ zɔka ang kubha *mbon pɛ Sɔ. Pioli kolo, gisi nɛ tubho da kolo gboa ha ngɔn, nu yaka, nɛ kolo bhɔkala gɔya nɛdɔka.

Gbasamɔ 13:6

Nɛ wɛnɛ guo nu nɛ tɔ wen fɛngsamɔ ha tɛ Sɔ. A fɛngsa ling Sɔ, bhandi ka wɛnɛ de le ang, nɛ fin ɛ ndɔng ka de le ha zang ngɔn.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.

Gbasamɔ 21:22

Mi tɛ zɔk ma *gasa twa Sɔ ha zang lea na. Hazu, *Kongawan Sɔ, wan-zu mɔ fɛt, hinɛ Besami, mbwa ha dung nê gasa twa Sɔ mɔ lea.

Gbasamɔ 22:3

Hio mɔ ka dung ha si fomi pɛ Sɔ bo ang fin na. Solowan pɛ Sɔ nɛ pɛ Besami bedung ha zang lea. Nɛ hio wan-tom pɛ Sɔ bede tom ha wɛnɛ.

Gbasamɔ 22:5

Zɛ bo fin na, nɛ hio wi bo fin nɛ hɛl yolo lamba mana yolo swe na, hazu Kongawan Sɔ nɛ tɛ wa beba ha zu mbwa tuka saamɔ. Nɛ mbwa bedung kongapora kpoo nɛ kpoo.

Gbasamɔ 4:4

Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.

Gbasamɔ 4:8

Hio tunɔ mɔ nar ndang ndang fɛt nɛ bhaka mɔrkɔ zanga ndang tuka bhaka nɔy. Hio dɔka gbali ha tɛ hio bhaka mbwa fɛt, hio ma ha wal zua, nɛ hio ma ha sia. Swe nɛ zɛ fɛt, mbwa ha bea gima tuka ɛngɛ: «*Kongawan Sɔ nɛ nzɔya, nɛ nzɔya, nɛ nzɔya. Wɛnɛ nê wan-zu mɔ fɛt, wɛnɛ badung ang, wɛnɛ ang, nɛ wɛnɛ betɛ.»

Gbasamɔ 4:9

Hio tunɔ mɔ ndɔng nar fɛt ha bea gima hazu ha *lɛkɛ-lɛkɛmɔ, lukosomɔ, nɛ oeba ha wi kɛ ka dungnu ha solowan, wɛnɛ ka dung nɛ zutunɔ kpoo nɛ kpoo.

Gbasamɔ 7:9

Hapata ɛngi, mi zɔka ma gasa zugiliwi ka ɛ lɛm tɔl fɛt na. Yo nê hio wi ka tɛ nɛ hio kandɔnu fɛt, hio nugala fɛt, hio kandɔ fɛt, nɛ hio nu le fɛt. Mbwa fɛt yola ha li solowan pɛ Sɔ nɛ ha li Besami. Mbwa fɛt yola bu la, nɛ wa mbanza ha kɔ mbwa.