Gbasamɔ 7:11 - Takarata pɛ Sɔ Mbombe Mbon

¹¹ Hio *telenge fɛt yola zikiri solowan, hio kotowi, nɛ hio tunɔ mɔ ndɔng nar. Mbwa fɛt ngbio zigolo ha nu, gok li ha si Sɔ, hazu lukisi nɛ wɛnɛ.

Gbasamɔ 7:11 ပူးပေါင်းရင်းမြစ်များ

Matthieu 4:10

Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Jean 5:23

A dea mɛgi tuka nde, hio wi fɛt alukisi mi gbesi tuka mbwa lukisi nɛ Bafa mi. Wi ka lukisi mi na, a lukisi Bafa mi ka tomsa mi na.

Hebro 1:6

Ma, ha ngimɔ ka Sɔ tɛ bo sanga mɛ tomsi kay Bewei pɛa nɛ ha nzan, a batɔ nde: «Hio telenge pɛ Sɔ fɛt alukisi wɛnɛ.»

Gbasamɔ 11:16

Hio kotowi bhuze bwa gbala nar ka dungnu ha li Sɔ ha hio solowan pɛ mbwa, ngbio zigolo ha nu, gok li ha si Sɔ hazu lukisi nɛ wɛnɛ.

Gbasamɔ 15:4

Nge wi ka bekafi yuo ke mɛ, Kongawan, ge? Nge wi ka bekafi lukoso mɛ ge? Hazu yo nê mɛ ndang sɔna ka dung nɛ nzɔya. Hio kandɔ fɛt betɛ tɛ lukisi mɛ tuka Sɔ, hazu hio nzeng deamɔ pɛ mɛ gboa long ha li wi fɛt.»

Gbasamɔ 22:9

Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ, hio wan-tɔkuliwen, nɛ tuka hio wi ndɔng fɛt, ka pam hio kuliwen mɔ zang takarata ɛngɛ. Mɛ alukisi nɛ Sɔ!»

Gbasamɔ 4:10

Nɛ ha ngimɔ fɛt ka mbwa de mɛgi, hio kotowi ndɔng bhuze bwa gbala nar ngbi zigolo ha si wi kɛ ka dungnu ha solowan, nɛ mbwa lukisi wɛnɛ, wɛnɛ ka dung nɛ zutunɔ kpoo nɛ kpoo. Mbwa gu ndutu ha zu mbwa gde ha si solowan, nɛ mbwa tɔ:

Gbasamɔ 4:4

Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.

Gbasamɔ 4:6

Ha li solowan ɛngɛ ma mɔ tuka tɔ ang, yo nɛ saa kɛn-kɛn-kɛn tuka mɔzɔk li. Hio ma tunɔ mɔ nar dung sanga-sanga nɛ solowan ɛngɛ zikiri yo. Nɛ tɛ mbwa fɛt gdɔka nɛ hio gbali, hio ma gbali ha wal li mbwa nɛ hio ma ha gdong mbwa.

Gbasamɔ 4:8

Hio tunɔ mɔ nar ndang ndang fɛt nɛ bhaka mɔrkɔ zanga ndang tuka bhaka nɔy. Hio dɔka gbali ha tɛ hio bhaka mbwa fɛt, hio ma ha wal zua, nɛ hio ma ha sia. Swe nɛ zɛ fɛt, mbwa ha bea gima tuka ɛngɛ: «*Kongawan Sɔ nɛ nzɔya, nɛ nzɔya, nɛ nzɔya. Wɛnɛ nê wan-zu mɔ fɛt, wɛnɛ badung ang, wɛnɛ ang, nɛ wɛnɛ betɛ.»