Gbasamɔ 5:12 - Takarata pɛ Sɔ Mbombe Mbon

¹² Mbwa dungɔ ha bea gima nɛ ngagɛl nde: «Besami ka ɛ bagbɛ, nɛ kongaa mɛ kpa ziomɔ, kpaamɔ, mbaramɔ, ngatɛ, wolsamɔ, *lɛkɛ-lɛkɛmɔ, nɛ lukosomɔ.»

Gbasamɔ 5:12 ပူးပေါင်းရင်းမြစ်များ

Matthieu 28:18

Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Jean 1:29

Yala ndang hapata, ka Jean zɔka Jésus ha tɛa ha pɛa, a tɔa ha hio wi: «Ɛnɛ zɔk, wi kɛ nê besami pɛ Sɔ, ka gu *sɛmbɔ pɛ hio wi mɔ nzan yunɛ.

Jean 17:2

Mɛ haa mi ziomɔ ha zu hio wi fɛt tuka nde, mi aha *tunɔ kpoo ha hio wi ndɔng ka mɛ gdea ha kɔ mi.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

1 Timothée 1:17

Lukosomɔ nɛ *lɛkɛ-lɛkɛmɔ nê pɛ *Kongapora, ndanga Sɔ, kpoo nɛ kpoo. Wi lɛm zɔk wɛnɛ na, wɛnɛ lɛm fe na, nɛ wɛnɛ nê Kongapora kpoo. Amen.

Gbasamɔ 1:6

A weka ɔ gde kongakandɔ pɛa, nɛ a gdea ɔ fin hio wan-hasadaka ka de tom ha Sɔ, Bafa wa. *Lɛkɛ-lɛkɛmɔ nɛ ziomɔ ha kɔ wa kpoo nɛ kpoo! Amen.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.

Gbasamɔ 15:3

Mbwa ha bea gima pɛ Moïse, wan-tom pɛ Sɔ, nɛ gima pɛ Besami: «*Kongawan Sɔ, mɛ nê wan-zu mɔ fɛt, hio wi fɛt ha yaksa ha hio gasa deamɔ pɛ mɛ! Mɛ nê kongawan hazu hio kandɔ fɛt, hio bhekamɔ pɛ mɛ nê nzeng, nɛ kpasa!

Gbasamɔ 19:1

Hapata ɛngi, mi zea gasa gɛl dɔka giliwi ha ngɔn ka tɔa: «Aleluya! Sɔ pɛ ɔ nê *wan-kpasisi ɔ! Lukosomɔ nɛ ngatɛ nê pɛa!

Gbasamɔ 4:11

«Kongawan, Sɔ pɛ ɔ, mɛ nɛ kongaa hazu kpa lɛkɛ-lɛkɛmɔ, lukosomɔ nɛ ziomɔ. Hazu yo nê mɛ ka dea mɔ fɛt, mɔ ndɔng fɛt ang hazu mɛ ngoya mɛ de yo.»

Gbasamɔ 5:13

Hapata, mi zea fin gɛl hio tunɔ mɔ fɛt ha zang ngɔn, ha zu nu, ha si nu, ha zang nana-litɔng. Hio tunɔ mɔ nzan fɛt dungɔ ha bea gima nde: «Lukosomɔ, wolsamɔ, lɛkɛ-lɛkɛmɔ, nɛ ziomɔ ha kɔ wi kɛ ka dungnu ha solowan nɛ ha kɔ Besami kpoo nɛ kpoo.»

Gbasamɔ 5:6

Nɛ mi zɔka ma Besami ndang. A yola hapɛtɛ solowan, ha soko hio kotowi ndɔng nɛ hio tunɔ mɔ ndɔng nar. Yo dung tuka nde, ɛ bagbɛ wɛnɛ sɔngsi. Wɛnɛ nɛ zak mɔrkɔ zanga bwa, nɛ gbali mɔrkɔ zanga bwa. Gbali ndɔng nê hio Sɔtɛ mɔrkɔ zanga bwa pɛ Sɔ, ka Sɔ tomsa ha zu nu fɛt.

Gbasamɔ 5:8

Ka wɛnɛ kuo takarata ɛngɛ kari, hio tunɔ mɔ ndɔng nar nɛ hio kotowi ndɔng bhuze bwa gbala nar ngbio zigolo ha si wa. Mbwa ndang ndang fɛt nɛ kunde ha kɔ mbwa. Nɛ hio kɔpɔ mɔ gbɛbolo ka dona nɛ pɛl kulomɔ ha kɔ mbwa fin. Yo nê hio gɔamɔ pɛ hio wi pɛ Sɔ.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Gbasamɔ 6:1

Nɛ mi zɔka Besami ka kuso bosi gdangi ha nu takarata. Nɛ ha soko tunɔ mɔ ndɔng nar, mi zea gɛl ma ndang ha tɔa ha mi: «Mɛ tɛ!» Gɛl wa dungɔ tuka fuo da kolo.

Gbasamɔ 7:12

Nɛ mbwa tɔa: «Amen. Lukosomɔ, *lɛkɛ-lɛkɛmɔ, mbaramɔ, oeba, wolsamɔ, ziomɔ, nɛ ngatɛ adung nê pɛ Sɔ pɛ ɔ kpoo nɛ kpoo! Amen.»