Gbasamɔ 4:8 - Takarata pɛ Sɔ Mbombe Mbon

⁸ Hio tunɔ mɔ nar ndang ndang fɛt nɛ bhaka mɔrkɔ zanga ndang tuka bhaka nɔy. Hio dɔka gbali ha tɛ hio bhaka mbwa fɛt, hio ma ha wal zua, nɛ hio ma ha sia. Swe nɛ zɛ fɛt, mbwa ha bea gima tuka ɛngɛ: «*Kongawan Sɔ nɛ nzɔya, nɛ nzɔya, nɛ nzɔya. Wɛnɛ nê wan-zu mɔ fɛt, wɛnɛ badung ang, wɛnɛ ang, nɛ wɛnɛ betɛ.»

Gbasamɔ 4:8 ပူးပေါင်းရင်းမြစ်များ

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

2 Korente 6:18

Mi bedung nê bafa ɛnɛ, nɛ ɛnɛ bedung nê hio bem pɔm. Yo nê Kongawan, wan-zu mɔ fɛt, ha tɔ wen mɛgi.»

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Timothée 4:16

Mɛ pangay nɛ dungɔ pɛ mɛ, nɛ fin nɛ osamɔ pɛ mɛ. Mɛ azati ha yo nɛ nɔa nging. Hazu ka mɛ de mɛgi, mɛ bekpasisi tɛ mɛ, nɛ mɛ bekpasisi fin hio wi ndɔng ka ze mɛ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

Hebro 13:8

Jésus-Christ ka nê ndang tɛ wa, mɛmbalasɔ, swe mɛsɛ, kpoo nɛ kpoo.

Gbasamɔ 1:4

Yo nê mi Jean ha fan ɛnɛ, hio giliwi mɔ eglize mɔrkɔ zanga bwa ha kandɔnu Azi. Kpasawen, Sɔ ang, a badung ang, nɛ a betɛ. Nɛ hio sɔtɛ mɔrkɔ zanga bwa ha yola ha li solowan pɛa. Wɛnɛ hinɛ hio sɔtɛ ndɔng, nɛ Jésus-Christ, mbwa ade *dede sila ha tɛ ɛnɛ, nɛ aha gaamɔ ha ɛnɛ fɛt.

Gbasamɔ 1:8

*Kongawan Sɔ tɔa: «Mi nê Alfa nɛ Omega, mi ang, mi badung ang, nɛ mi betɛ. Mi nê wan-zu mɔ fɛt.»

Gbasamɔ 11:17

Mbwa tɔa: «Kongawan Sɔ, wan-zu mɔ fɛt, mɛ ang nɛ mɛ badung ang. Ɔ tɔ oeba ha mɛ hazu mɛ gbasa gasa ngatɛ pɛ mɛ, nɛ mɛ dea tɛ mɛ kongapora.

Gbasamɔ 14:11

Nɛ zɛwe ka yukiti mbwa, ha tuloa kpoo nɛ kpoo. Hio wi ndɔng ka lukisi ngɔnzu nɛ zizi tɛ wa, nɛ ka kpa dafu ling pɛa, mbwa lɛm ɔmtɛ na, ngase ha swe, ngase ha zɛ.»

Gbasamɔ 14:3

Hio dɔka wi ndɔng ha bea ma mbombe gima ha li solowan, ha li hio tunɔ mɔ nar, nɛ ha li hio kotowi bhuze bwa gbala nar. Hio wi ka lɛma yambi gima ɛngɛ, yo sɔna nê hio wi ndɔng tomay gɔmmay ndang nɛ tomay bhukɔa nar gbala nar (144’000), ka Sɔ bayangi mbwa ha nu.

Gbasamɔ 15:3

Mbwa ha bea gima pɛ Moïse, wan-tom pɛ Sɔ, nɛ gima pɛ Besami: «*Kongawan Sɔ, mɛ nê wan-zu mɔ fɛt, hio wi fɛt ha yaksa ha hio gasa deamɔ pɛ mɛ! Mɛ nê kongawan hazu hio kandɔ fɛt, hio bhekamɔ pɛ mɛ nê nzeng, nɛ kpasa!

Gbasamɔ 15:7

Ha soko hio tunɔ mɔ ndɔng nar, ma ndang kuo hio kɔpɔ mɔ gbɛbolo mɔrkɔ zanga bwa kapini ha hio telenge ndɔng mɔrkɔ zanga bwa. Hio kɔpɔ ndɔng dona nɛ ngambi pɛ Sɔ ka dung nɛ zutunɔ kpoo nɛ kpoo.

Gbasamɔ 16:14

Yo nê *Satan ha tomsi hio sɔtɛ ndɔng, ka de hio *mɔweka. Mbwa nɛa ha pɛ hio kongapora mɔ zu nu fɛt hazu wesiri mbwa tuka nde, mbwa abi bulo ha gasa swe pɛ Sɔ, wan-zu mɔ fɛt.

Gbasamɔ 16:7

Hapata, mi zea ma gɛl ka gboa ha bhandi ha sadaka, yo tɔa: «Ey, *Kongawan Sɔ, mɛ nê wan-zu mɔ fɛt, hio kita pɛ mɛ nɛ kpasa, nɛ nzeng.»

Gbasamɔ 19:15

Sɔa gbapa gboa ha nu wa. A bemɛl hio kandɔ nɛ yo, nɛ a bengbɔsi mbwa nɛ tongolo wan mɔ bolo. A bebhal mbwa tuka hio wayate vigne hazu lɛmsiri gdanga ngambi pɛ Sɔ, wan-zu mɔ fɛt.

Gbasamɔ 19:4

Hapata, hio kotowi bhuze bwa gbala nar nɛ hio tunɔ mɔ nar fɛt, ngbio zigolo lukisi nɛ Sɔ ka dungnu ha solowan. Mbwa tɔa: «Amen! Aleluya!»

Gbasamɔ 21:22

Mi tɛ zɔk ma *gasa twa Sɔ ha zang lea na. Hazu, *Kongawan Sɔ, wan-zu mɔ fɛt, hinɛ Besami, mbwa ha dung nê gasa twa Sɔ mɔ lea.

Gbasamɔ 3:7

«Mɛ ngɛriki ha *telenge pɛ giliwi mɔ eglize ha Filadelfi wen mɛgɛ: Ɛngɛ nê wen nu nzɔy wi ka tɔ tɛwen. Sɔtɛ nutwa pɛ *kongapora David ha kɔ wa. Ka wɛnɛ gbosasa nutwa, ma wi ndang mɛ gdɔki yo bo na. Nɛ ka wɛnɛ gdɔki nutwa, ma wi ndang mɛ gbosisi yo bo na.

Gbasamɔ 4:4

Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.

Gbasamɔ 4:6

Ha li solowan ɛngɛ ma mɔ tuka tɔ ang, yo nɛ saa kɛn-kɛn-kɛn tuka mɔzɔk li. Hio ma tunɔ mɔ nar dung sanga-sanga nɛ solowan ɛngɛ zikiri yo. Nɛ tɛ mbwa fɛt gdɔka nɛ hio gbali, hio ma gbali ha wal li mbwa nɛ hio ma ha gdong mbwa.

Gbasamɔ 4:9

Hio tunɔ mɔ ndɔng nar fɛt ha bea gima hazu ha *lɛkɛ-lɛkɛmɔ, lukosomɔ, nɛ oeba ha wi kɛ ka dungnu ha solowan, wɛnɛ ka dung nɛ zutunɔ kpoo nɛ kpoo.

Gbasamɔ 5:6

Nɛ mi zɔka ma Besami ndang. A yola hapɛtɛ solowan, ha soko hio kotowi ndɔng nɛ hio tunɔ mɔ ndɔng nar. Yo dung tuka nde, ɛ bagbɛ wɛnɛ sɔngsi. Wɛnɛ nɛ zak mɔrkɔ zanga bwa, nɛ gbali mɔrkɔ zanga bwa. Gbali ndɔng nê hio Sɔtɛ mɔrkɔ zanga bwa pɛ Sɔ, ka Sɔ tomsa ha zu nu fɛt.

Gbasamɔ 6:1

Nɛ mi zɔka Besami ka kuso bosi gdangi ha nu takarata. Nɛ ha soko tunɔ mɔ ndɔng nar, mi zea gɛl ma ndang ha tɔa ha mi: «Mɛ tɛ!» Gɛl wa dungɔ tuka fuo da kolo.

Gbasamɔ 6:6

Mi zea ma mɔ ha soko tunɔ mɔ ndɔng nar tuka gɛl wi. Gɛl ɛngɛ tɔa ha wan-dang yanga ɛngɛ: «Gɛnɛ bebe tasi ndang mɔ fok ble lɛma nɛ mbɔli tom mɔ yala ndang. Nɛ gɛnɛ bebe tasi tar mɔ fok mbisa lɛma nɛ mbɔli tom mɔ yala ndang. Ma, ka mɛ adangsi gɛnɛ nɔ nɛ gɛnɛ li vigne na.»

Gbasamɔ 7:11

Hio *telenge fɛt yola zikiri solowan, hio kotowi, nɛ hio tunɔ mɔ ndɔng nar. Mbwa fɛt ngbio zigolo ha nu, gok li ha si Sɔ, hazu lukisi nɛ wɛnɛ.

Gbasamɔ 7:15

Yo nê hazu ɛngi, ka mbwa yol ha li solowan pɛ Sɔ nɛ mbwa de tom ha wɛnɛ swe nɛ zɛ ha nzɔy twa pɛa. Nɛ wi kɛ ka dungnu ha solowan, bede le ha soko mbwa, nɛ a bepam mbwa.