Gbasamɔ 3:19 - Takarata pɛ Sɔ Mbombe Mbon

¹⁹ Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.

Gbasamɔ 3:19 ပူးပေါင်းရင်းမြစ်များ

Matthieu 25:7

Mɛgi pɔlɔmbɔ bhoko ndɔng fɛt guotɛ bhɔngiri lamba pɛ mbwa.

Jean 2:17

Tazu hio *wan-yambimɔ gbaa nɛ wen ha zang takarata pɛ Sɔ nde: Dea gula twa pɛ mɛ begbɛ mi bin.

Rome 12:11

Ka ɛnɛ adung pɔsa wi na, ma ɛnɛ agbɛngsi tɛ ɛnɛ ha dea tom ha *Kongawan nɛ hafala tɛ.

1 Korente 11:32

Ma, Kongawan gɔn kita ha zu ɔ, nɛ a ndulsi ɔ yu nde, a betɛ gɔn kita ba nɛ ɔ gbesi hinɛ hio wi mɔ nzan.

2 Korente 6:9

Hio wi ha zɔka ɔ tuka wi ka mbwa ing na, ma, mbwa ingɔ ɔ nɛdedea. Hio wi ha zɔka ɔ tuka wi ka dung sanga nɛ fio, ma, ɔ bhɔna nɛ zutunɔ. Hio wi ha ndulso ɔ, ma, mbwa gbɛ ɔ na.

2 Korente 7:11

Sɔ dea gasa tom ha soko ɛnɛ nɛ wal ngɔtɛ ɛngɛ. Ɛnɛ azɔk dɔka mɔ, ka hɔa nɛ wal yo: Ɛnɛ ha gbɛngsa tɛ mɛ osi nde, ma wen bo ha zu ɛnɛ na, ɛnɛ ha dea yimsila sungiri nɛ gdangamɔ, ɛnɛ nɛ ke hazu de gdangamɔ, ɛnɛ nɛ hɛl mɛ zɔk mi fin, ɛnɛ nɛ da mɛ de tom ha Sɔ, nɛ ɛnɛ ha ndulso *wan-de gdangamɔ. Nɛ wal mɔ ndɔng fɛt, ɛnɛ nɛ tɛ ɛnɛ osa nde, wen pɛ wan-de gdangamɔ ɛngɛ bo fin ha zu ɛnɛ na.

Galasi 4:18

Ka hio wi nɛ hɛl hazu de nɛ dedemɔ, ɛngi dea pentɛ. Ma, mbwa ade mɛgi ngimɔ fɛt, bo sɔna ha ngimɔ ka mi dung hinɛ ɛnɛ na.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.