Gbasamɔ 3:17 - Takarata pɛ Sɔ Mbombe Mbon

¹⁷ Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.

Gbasamɔ 3:17 ပူးပေါင်းရင်းမြစ်များ

Matthieu 5:3

«Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Matthieu 9:12

Ma, Jésus zea mbwa, nɛ a tɔa: «Yo bo nê wi ndɔng, ka dung nɛ dede tɛ, ka nɛ ha pɛ wan-yina na. Ma, yo nê ɛ ndɔng ka dung nɛ zɛlɛ, ka nɛ ha pɛa.

Dede Wen hazu Jésus-Christ ka Luc ngɛraka 1:53

Sɔ ha dedemɔ nɛdɔka ha wi ka wɔ gbɛa mbwa. Wɛnɛ yin hio wan-kpamɔ si nɛ gele kɔ ha twa.

Dede Wen hazu Jésus-Christ ka Luc ngɛraka 6:24

Ma, ngɔtɛ ha ɛnɛ hio wan-kpamɔ, hazu ɛnɛ kpaa mɔ gasisi sila ɛnɛ kari.

Rome 11:20

Ey, yo nê kpasawen. Sɔ gɔna mbwa yunɛ hazu mbwa tɛ mɛkiri wɛnɛ na. Ka bo nê pɛ mɛ, Sɔ ndara mɛ ha lia hazu mɛ mɛkara wɛnɛ. Mɛgi, ka mɛ sutɛ mɛ hazu ɛngi na. Ma, mɛ yu nɛ ke Sɔ.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Rome 12:3

Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Rome 7:24

Oee, mi nê kpasa wan-ngɔtɛ! Tɛ mi ha kuo mi nɛnɛ ha fio! Nge wi ha bekpasisi mi ang, o nde?

2 Pierre 1:9

Ma, hio wi ndɔng ka de hio mɔ ndɔng na, mbwa zɔk mɔ nɛ saa na, mbwa dung tuka hio wan-gdɔka li. Tazu mbwa biso kari nde, Sɔ sasasa mbwa nɛ wal biso hio *sɛmbɔ ka mbwa bade sɔngsi.

Gbasamɔ 16:15

Kongawan tɔa: «Ɛnɛ pangay, mi betɛ tuka wanzu. Totɛ ha wi ka yang la, nɛ ka pam latɛ pɛa hapɛtɛ wa. Mɛgi, wɛnɛ lɛm yal nɛ sɔngɛrɛ na, nɛ foy lɛm de wɛnɛ ha li hio wi na.»

Gbasamɔ 2:9

Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.

Gbasamɔ 3:16

Tuka ɛnɛ bhisi-bhisi, yo nde, ɛnɛ bo nɛ gbɛnga na, nɛ ɛnɛ bo nɛ gaa na, mɛgi, mi beɔy ɛnɛ ha nu mi.