Gbasamɔ 22:15 - Takarata pɛ Sɔ Mbombe Mbon

¹⁵ Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Gbasamɔ 22:15 ပူးပေါင်းရင်းမြစ်များ

Matthieu 7:6

«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»

Matthieu 8:12

Ma, ɛ ndɔng ka lɛma se mɛ dung ha Kongakandɔ pɛa, Sɔ bepi mbwa ha dɛl ha zang ngɛ-ngɛ-ngɛ tutum, haki mbwa behe kwa nɛ yɔng nzata.»

Jean 8:46

Ha soko ɛnɛ, yo nê o ka lɛma osi ha mi gdangamɔ ka mi dea, o? Ndang bona. Nɛ ka mi tɔ tɛwen ha ɛnɛ, ɛnɛ mɛkiri na hazu ge?

Deamɔ 8:11

Mbwa lɛnga zala hazu ze wen pɛa nɛkpasa, hazu wɛnɛ yaksa mbwa ngimɔ nɛzikoa nɛ wal tom nganga pɛa.

Filipe 3:2

Ɛnɛ pangay nɛ hio gdanga wan-tom ndɔng, ka dung tuka hio tolo. Mbwa ha nɔsasa hio wi mɛ gɔn sɔru.

Kolose 3:6

Yo nê hazu mɔ nzan ndɔng, ka Sɔ bede bin ngambi [sungiri nɛ wi ndɔng ka ze nu wa na].

1 Timothée 1:10

wan-de wanza, wei ka ɔnu hinɛ ma wa wei, wan-gdongi bala, wan-tɔ dalo, wan-kan wen dalo, nɛ wi ndɔng ka sungiri kpasa osamɔ.

Gbasamɔ 18:23

Ha pɛ mɛ, yolo lamba lɛm ba fin ndang na. Ha pɛ mɛ, ɛ lɛm fin ze gɛl wan-si bhoko hinɛ ko pɛa ndang na. Mɔ bedung mɛgi, hazu hio wan-de gɛnɛ pɛ mɛ badung nɛ gasaa pen fɛt, nɛ hazu mɛ baosili hio kandɔ fɛt nɛ dua pɛ mɛ.»

Gbasamɔ 21:27

Ma, ma mɔ nzing ndang lɛm le ha zang lea na, hio wan-de mɔ nyɛl nɛ hio wan-tɔ dalo lɛm le ang na. Yo sɔna nê hio wi ndɔng ka Sɔ ngɛraka ling mbwa ha Takarata Tunɔ pɛ Besami ha bele ang.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»