Gbasamɔ 21:8 - Takarata pɛ Sɔ Mbombe Mbon

⁸ Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

Gbasamɔ 21:8 ပူးပေါင်းရင်းမြစ်များ

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Matthieu 25:25

Mɛgi mi yuo ke nɛ wuso mbɔli pɛ mɛ ha si nu. Mɛ zɔk, mɔ pɛ mɛ ga.›

Matthieu 8:26

Nɛ wɛnɛ ana mbwa: «Ɛnɛ yu ke hazu ge? Ɛnɛ mɛkiri Sɔ tikiring sɔna!» Mɛgi a guotɛ, nɛ a gaya gbabok nɛ li tɔ. Nɛ mɔ gaa selele.

Marc 9:44

Ha bhandi ka hio nginzo fe ang na, nɛ ka we bisi ang na.]

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

2 Tesalonike 2:9

Wan-kafi mbonga ɛngɛ begbasi tɛ nɛ ziomɔ pɛ *Satan. A bede hio tili *mɔbhana, *mɔweka, nɛ *mɔkifi nɛtɛ-nɛtɛ hazu osili nɛ hio wi.

1 Timothée 4:2

Mbwa bede mɛgi hazu dambari pɛ hio wan-tɔ dalo beosili mbwa. Ingɔmɔ sila pɛ hio wan-tɔ dalo ndɔng fea kari tuka mɔ ka bea we.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Hebro 12:24

Ɛnɛ tiko nɛ hapɛtɛ Jésus, wan-bhɔngiri mbombe *mbon ha soko Sɔ hinɛ hio wi. Ɛnɛ tiko nɛ hapɛtɛ tɔktɛ Jésus ka sɛa hazu sasisi wi. Mɛgi tɔktɛ Jésus kuo ma dede kasi tɛnɛ, bo tuka pɛ Abel na.

Hebro 13:4

Ɛnɛ aba wen sio may nɛ zioa. Ngase wei, ngase ko pɛa ade wanza na. Hazu Sɔ begɔn kita ba nɛ wi ndɔng ka de mɔ nɛtum-nɛtum, nɛ ka de wanza.

1 Jean 2:22

Mɛgi, wan-tɔ dalo nê nge wi ge? Yo nê wi ɛngɛ ka tɔ nde, Jésus bo nê *Mesi na. Wi ɛngɛ nê wan-sungiri Christ. A kafa Sɔ, Bafa ɔ hinɛ Bewei pɛa fɛt.

1 Jean 3:15

Wi ka sɛn ya wa, wɛnɛ nê nagbɛwi. Nɛ ɛnɛ ingɔ fɛt nde, nagbɛwi bo nɛ *tunɔ kpoo ha tɛ wa na.

1 Jean 5:10

Mɛgi, wi ka mɛkiri Bewei pɛ Sɔ, a ingɔ ha zang sila wa nde, wen ka Sɔ kɛa nê tɛwen. Ma, wi ka mɛkiri Sɔ na, a baa Sɔ tuka wan-tɔ dalo. Hazu a tɛ mɛkiri wen ka Sɔ kɛa hazu Bewei pɛa na.

Gbasamɔ 14:10

mbwa benɔ ba li vigne pɛ Sɔ. Yo nê li vigne mɔ ngambi pɛ Sɔ, ka wɛnɛ tɛ sɔkiri na, nɛ ka wɛnɛ gɔsa ha zang kɔpɔ mɔ ngambi pɛa. Nɛ mbwa bekpa yukotomɔ ha zang we nɛ piti we ha li hio nzɔy telenge nɛ ha li Besami.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Gbasamɔ 2:11

«Wi fɛt ka bo nɛ zala mɛ ze mɔ, mbwa aze wen ka *Nzɔy-Sɔtɛ tɔ ha hio giliwi mɔ eglize. Wi fɛt ka began zu mɔ, mbwa lɛm fe zebwa fio na.»

Gbasamɔ 2:2

Mi ingɔ deamɔ pɛ ɛnɛ fɛt. Ɛnɛ ha dea ngatom. Ɛnɛ nɛ yikosila ha ngimɔ yeksamɔ, nɛ mi ingɔ fin nde, ɛnɛ yɛkili gdanga wi ha soko ɛnɛ na. Ɛnɛ wea sila hio wi ndɔng ka ba tɛ mbwa tuka *wan-nɛtom, ngase mbwa bo nê yo na. Nɛ ɛnɛ kpaa nde, mbwa nê hio wan-dalo.

Gbasamɔ 21:27

Ma, ma mɔ nzing ndang lɛm le ha zang lea na, hio wan-de mɔ nyɛl nɛ hio wan-tɔ dalo lɛm le ang na. Yo sɔna nê hio wi ndɔng ka Sɔ ngɛraka ling mbwa ha Takarata Tunɔ pɛ Besami ha bele ang.

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Gbasamɔ 9:17

Nɛ zizimɔ ka mi zɔka, yo mɛgɛ: Mi zɔka hio yanga nɛ hio wan-dang mbwa. Hio wan-dang yanga ndɔng yola koko mɔ bibulo. Tɛ hio ma kokoa nɛ gbɛa tuka we, tɛ hio ma baya-bum tuka liswe, nɛ tɛ hio ma gaya-gɔyɔ tuka piti. Zu hio yanga ndɔng baa may nɛ zu dila. Nɛ we, zɛwe nɛ piti ha gboa ha nu mbwa.

Gbasamɔ 9:21

Mbwa bhɔna ka fin ha gbɛa wi, ha dea tom dua, ha dea wanza, nɛ ha zuo mɔ. Mbwa tɛ to gdong ha deamɔ ndɔng na.