Gbasamɔ 21:6 - Takarata pɛ Sɔ Mbombe Mbon

⁶ Nɛ a tɔa fin ha mi: «Yo kara! Mi nê Alfa nɛ Omega, mi nê bosia nɛ kpogioa. Wi ka dung nɛ wɔ li, mi beku li ha nzɔngɛ ka ha tunɔ, ha wɛnɛ mɛ nɔ nɛ gbelea.

Gbasamɔ 21:6 ပူးပေါင်းရင်းမြစ်များ

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Jean 4:11

Bhoko ɛngɛ tɔa ha wɛnɛ: «*Kongawan, kɔ li kɛ nɛ gdukoa, nɛ mɔ mɛ gdu nɛ li bo ha kɔ mɛ na. Mɛgi mɛ bekpa li ka ha tunɔ ha ndo?

Jean 4:14

Ma, wi ka benɔ li ka mi beha ha wɛnɛ, wɔ li lɛm mɛ de wɛnɛ fin na. Hazu li ka mi beha ha wɛnɛ, yo bekifiri nzɔngɛ nawuya ha sila wa ka ha wɛnɛ *tunɔ kpoo.»

Rome 3:24

Ma, nɛ wal *dede sila pɛa, Sɔ gde mbwa nzeng ha li wa nɛ gangtɛ. A de mɛgi nɛ wal Jésus-Christ ka guo *sɛmbɔ pɛ mbwa yunɛ.

Rome 8:32

Sɔ tɛ kafi nde, ngbak Bewei pɛa afe gɔn zu ɔ, na. A haa Bewei pɛa ha ɔ, yo osi long nde, a beha ɔ fin hio mbing mɔ fɛt.

1 Korente 2:12

Pɛ ɔ, sɔtɛ ka de le ha sila ɔ, yo bo nê nzan ha gde yo ang na. Ma, yo nê Sɔ nɛ pɛa tɛ ha gde yo ang, tuka nde, ɔ aing hio dedemɔ ka wɛnɛ haa ha ɔ.

1 Korente 3:12

Hio ma wi bɛa twa ha zu nanga twa ɛngɛ nɛ gbɛbolo, mana bubolo, mana nɛ hio lɔka ta. Hio ma mbinga bɛa pɛ mbwa nɛ te, mana nɛ nzɔ, mana nɛ panzɔ.

1 Korente 3:21

Hazu ɛngi, ka ma wi ndang alukisi tɛ hazu wɛnɛ nê pɛ ma wi na. Hazu mɔ fɛt nê pɛ ɛnɛ,

1 Korente 3:5

Apolos nê o? Nɛ Paul nê o? Ɔ sɔna nê hio wan-tom pɛ Sɔ, ka dea tom tuka nde, ɛnɛ amɛkiri Christ. Ɔ de sɔna nɛ tom ka *Kongawan haa ha ɔ mɛ de.

Gbasamɔ 1:11

ka tɔa: «Mɛ ku takarata nɛ mɛ ngɛriki mɔ ka mɛ bezɔk, nɛ mɛ tomsi yo ha hio *giliwi mɔ eglize mɔrkɔ zanga bwa ha hio le Efeze, Simirne, Pergame, Tiatire, Sarde, Filadelfi nɛ Laodise.»

Gbasamɔ 1:17

Ka mi zɔka wɛnɛ, ke baa mi nɛ mi teka ha nanga wa tuka fiowi. Wɛnɛ gdea wekɔ wa ha zu mi nɛ a tɔa: «Mɛ yu ke na! Mi nê bosi wi nɛ kpogio wi.

Gbasamɔ 1:8

*Kongawan Sɔ tɔa: «Mi nê Alfa nɛ Omega, mi ang, mi badung ang, nɛ mi betɛ. Mi nê wan-zu mɔ fɛt.»

Gbasamɔ 10:6

A kana mɔ nɛ ling Sɔ ka dung nɛ zutunɔ kpoo nɛ kpoo, ka dea ngɔn nɛ mɔ fɛt ang, ka dea nu nɛ mɔ fɛt ang, nɛ ka dea nana-litɔng nɛ mɔ fɛt ang. A tɔa: «Ngimɔ zik fin na.

Gbasamɔ 16:17

Zemɔrkɔ zanga bwa telenge gɔsa kɔpɔ pɛa ha zang bok. Nɛ ma gasa gɛl gboa ha solowan ka dung ha zang gasa twa Sɔ. Yo tɔa: «Yo kara!»

Gbasamɔ 22:13

Mi nê Alfa nɛ Omega, mi nê bosi wi nɛ kpogio wi, mɔ fɛt ba-angiri nɛ mi, nɛ mɔ fɛt bekarsi nɛ mi.»

Gbasamɔ 22:17

*Nzɔy-Sɔtɛ hinɛ Bhoko-si wei ha tɔa: «Mɛ tɛ!» Nɛ wi ka ze yo, atɔ fin: «Mɛ tɛ!» Wi fɛt ka dung nɛ wɔ li, nɛ ka dung nɛ hɛl mɛ nɔ li ka ha tunɔ, mbwa atɛ tɛ kpa yo nɛ gbelea.

Gbasamɔ 3:14

«Mɛ ngɛriki ha *telenge pɛ giliwi mɔ eglize ha Laodise wen mɛgɛ: Ɛngɛ nê wen nu wi kɛ ka ɛ sa nde, Amen. Wɛnɛ nê mboazu wan-kɛwen, ka tɔ tɛwen. Nɛ Sɔ dea mɔ nzan fɛt nɛ wal wɛnɛ.

Gbasamɔ 7:17

Hazu Besami ka dung hapɛtɛ solowan bedung nê zaoro pɛ mbwa. Nɛ a bengbɔsi mbwa nɛnɛ ha nɔa li ha hio nzɔngɛ ka ha tunɔ. Nɛ Sɔ bedi milikwa fɛt ha li mbwa yunɛ.»