Gbasamɔ 20:4 - Takarata pɛ Sɔ Mbombe Mbon

⁴ Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 20:4 ပူးပေါင်းရင်းမြစ်များ

Matthieu 19:28

Nɛ Jésus tɔa ha mbwa: «Kpasawen, mi tɔ ha ɛnɛ nde, ha ngimɔ ka mi, *Bewei pɛ Wi, bedung *kongapora ha zu lɛkɛ-lɛkɛ solowan pɔm ha mbombe nzan, ɛnɛ fɛt bhukɔ gbala bwa ka ndara mi, ɛnɛ bedung ha zu solowan mɛ gɔn kita ha zu hio kandɔ pɛ *Israel bhukɔ gbala bwa.

Matthieu 24:10

Nɛ dɔka wi belak mɛkara Sɔ gde. Mbwa begde may ha kita, nɛ mbwa besɛn may.

Marc 6:16

Ma, ka Herode zea wen ndɔng, a tɔa: «Wi kɛ nê Jean ka mi baha nu nde ɛ agɔn zu wa. Yo nê wɛnɛ ka guo fin tɛ nɛ zutunɔ.»

Marc 6:27

Mɛgi, ha ndangtɛ ngimɔ, wɛnɛ haa nu ha ma wan-bibulo nde, wɛnɛ anɛ nɛ gɔn zu Jean tɛnɛ. Wan-bibulo ɛngɛ nɛa ha twa zɔbhɔ nɛ a gɔna zu Jean.

Marc 9:11

Nɛ hio wan-yambimɔ tar ana Jésus: «Hazu ge hio *wan-osi mbonga tɔa nde, dea ka de nde, Elie atɛ sɔngsi nɛ hɔa pɛ *Mesi ge nde?»

Dede Wen hazu Jésus-Christ ka Luc ngɛraka 1:17

Nɛ wɛnɛ bepen sɔngsi Sɔ tuka wan-nɛkasara. A bede yo nɛ sɔtɛ nɛ ngatɛ ka dungɔ se ha tɛ *wan-tɔkuliwen *Elie. Nɛ wɛnɛ bebhɔngiri soko hio gdibafa nɛ hio bem. A bede nde, hio wan-ngazu atakiri mɔ tuka hio *nzeng wi. Mɛgi wɛnɛ bebhɔngiri kandɔ Israel hazu tɛa pɛ Kongawan.»

Dede Wen hazu Jésus-Christ ka Luc ngɛraka 14:14

Mɛgi mɛ bedung nɛ totɛ hazu mbwa bo nɛ mɔ mɛ kɛ mɛ na. Nɛ Sɔ bekɛ mɛ ha ngimɔ ka hio *nzeng wi begutɛ ha fio.»

Dede Wen hazu Jésus-Christ ka Luc ngɛraka 22:30

Ha ngimɔ ka mi bedung kongapora, ɛnɛ beyɔng nɛ nɔ mɔ ha tabolo hinɛ mi. Nɛ ɛnɛ bedung ha zu hio solowan mɛ gɔn kita ha zu hio kandɔ pɛ *Israel bhukɔ gbala bwa.»

Jean 14:19

Ha zang bengimɔ tikiring, hio wi mɔ nzan lɛm zɔk mi fin na. Ma, ɛnɛ bezɔk mi hazu mi bedung nɛ zutunɔ, nɛ ɛnɛ fin bedung nɛ zutunɔ.

Rome 11:15

Ha ngimɔ ka Sɔ mulo nɛ hio zuife pi, a bhɔngara wen ha soko wa hinɛ hio olo wi mɔ nzan. Nɛ ngimɔ ka Sɔ beba hio zuife nɛ dede kɔ nɛ mbinga, yo bedung mɛng? Yo bedung tuka mbombe tunɔ hazu hio fiowi.

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Gbasamɔ 1:2

Nɛ Jean ha kɛa wen nde, mɔ fɛt ka wɛnɛ zɔka, yo nê wen pɛ Sɔ, nɛ yo fin nê tɛwen ka Jésus-Christ kɛ wena.

Gbasamɔ 1:9

Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.

Gbasamɔ 11:11

Ma, hapata yala tar nɛ ndambu, ɔmi tunɔ ka gutɛ ha pɛ Sɔ, lea tɛ mbwa, nɛ mbwa yola ha zu nanga. Nɛ gasa ke baa hio wi ka zɔka mbwa.

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 11:3

Hio wan-kɛwen pɔm bwa beyol la zim mɔ. Nɛ mi beha mbwa ngatɛ mɛ tɔ hio kuliwen pɔm lɛm hio yala ndɔng tomay nɛ gɔmmay bwa zu bhukɔa mɔrkɔ zu bhukɔa ndang (1260).»

Gbasamɔ 11:7

Ka mbwa karsa kɛa wen nu Sɔ, ma ngɔnzu ndang begbo ha zang fongo nɛ bebi bulo sungiri nɛ mbwa. A began zu mbwa, nɛ a begbɛ mbwa.

Gbasamɔ 12:11

Hio ya ɔ gana zu wa nɛ wal tɔktɛ Besami, nɛ fin nɛ wal tɛwen ka mbwa kɛa wena. Mbwa tɛ zɔk tunɔ pɛ mbwa tuka ma mɔ na, nɛ mbwa mɛkara mɛ fe.

Gbasamɔ 14:11

Nɛ zɛwe ka yukiti mbwa, ha tuloa kpoo nɛ kpoo. Hio wi ndɔng ka lukisi ngɔnzu nɛ zizi tɛ wa, nɛ ka kpa dafu ling pɛa, mbwa lɛm ɔmtɛ na, ngase ha swe, ngase ha zɛ.»

Gbasamɔ 15:2

Mi zɔka ma mɔ tuka nana-litɔng ka lia sɔkara may nɛ we. Yo nɛ saa tuka mɔ-zɔk li. Mi zɔka fin hio wi ndɔng ka gana zu ngɔnzu, zu zizi tɛ wa, nɛ zu nɔmɔrɔ mɔ ling wa. Mbwa yola ha zu nana-litɔng ɛngɛ, ka dung nɛ saa tuka mɔ-zɔk li. Hio kunde pɛ Sɔ ha kɔ mbwa.

Gbasamɔ 17:8

Ngɔnzu ɛngɛ ka mɛ zɔka, badung se nɛ zutunɔ. Ma, sising, a bo fin nɛ zutunɔ na. A begbo ha fongo hazu nɛ ha bhonda. Hio wi mɔ zu nu beyaksi ha zɔka wɛnɛ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Hazu, ngɔnzu ɛngɛ badung se nɛ zutunɔ. Ma, sising, a bo fin nɛ zutunɔ na. Ngase ɛngi, a bekifiri pe.

Gbasamɔ 2:26

«Wi fɛt ka began zu mɔ, nɛ ka bede mɔ ka sila mi ngoya hɔ ha kpogio yala, mi beha mbwa ziomɔ ha zu hio kandɔ.

Gbasamɔ 20:6

Totɛ ha hio wi ndɔng ka begutɛ ha bosi guotɛ ɛngɛ, mbwa bedung nê hio nzɔy wi pɛ Sɔ. Zebwa fio bo nɛ ziomɔ hazu mbwa na. Mbwa bedung nê hio wan-hasadaka pɛ Sɔ nɛ pɛ Christ, nɛ mbwa bedung nê kongapora hinɛ Christ ha hio bɛlɛ ndɔng tomay ndang.

Gbasamɔ 22:5

Zɛ bo fin na, nɛ hio wi bo fin nɛ hɛl yolo lamba mana yolo swe na, hazu Kongawan Sɔ nɛ tɛ wa beba ha zu mbwa tuka saamɔ. Nɛ mbwa bedung kongapora kpoo nɛ kpoo.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.

Gbasamɔ 4:4

Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.

Gbasamɔ 6:9

Ka Besami kuso zemɔrkɔ gdangi, mi zɔka mɔ ha si bhandi ha sadaka ha Sɔ. Haki, mi zɔka hio sɔtɛ wi ndɔng ka ɛ bagbɛ mbwa hazu mbwa pama Wen pɛ Sɔ, nɛ hazu mbwa kɛa wena nɛ mboazu.

Gbasamɔ 7:3

«Ka ɛnɛ agdangsi ngase nu, ngase nana-litɔng, ngase hio te sising na. Ɛnɛ keri kanɛ ɔ gdea dafu ha sɔngsi hio wan-tom pɛ Sɔ pɛ ɔ ing.»