Gbasamɔ 20:3 - Takarata pɛ Sɔ Mbombe Mbon

³ Nɛ telenge pio wɛnɛ ha zang fongo, a gɔma nua, nɛ a sɔbha nua nɛ gdangi tuka nde, ndibha aosili hio kandɔ fin na, kanɛ bɛlɛ tomay ndang pena ing. Hapata bɛlɛ ndɔng, lɛma nde, ɛ agbosisi wɛnɛ hazu bebe ngimɔ.

Gbasamɔ 20:3 ပူးပေါင်းရင်းမြစ်များ

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 27:66

Mɛgi mbwa nɛa ha zupisi nɛ mbwa tuyo nua nɛ dafu ling Pilate, tuka nde, yo agbasi ka ɛ tikoso ta gdɔki nua. Nɛ fin, mbwa gdea hio wan-pɛm zupisi haki.

Marc 4:15

Hio ma wi gbesi tuka liwal ka wen pɛ Sɔ teka ang. Ka mbwa ze wen pɛ Sɔ, *Satan tɛ, tɛ ku yo ha sila mbwa yunɛ.

Dede Wen hazu Jésus-Christ ka Luc ngɛraka 8:31

Nɛ hio gdanga sɔtɛ lokatɛ ha Jésus nde, ka wɛnɛ aha nu ha mbwa mɛ zil ha zang zɔbhɔ pɛ hio gdanga sɔtɛ na.

2 Korente 11:3

Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.

2 Pierre 3:8

Ma, hio ndɔngsila mi, lɛm nde, tazu ɛnɛ abisi nɛ mɔ mɛgɛ na: Ha li Kongawan, yala ndang dung tuka bɛlɛ tomay ndang, nɛ bɛlɛ tomay ndang dung fin tuka yala ndang.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 17:2

Hio *kongapora mɔ zu nu dea wanza hinɛ wɛnɛ. Nɛ hio wi mɔ zu nu fea dɔkɔ nɛ li vigne mɔ wanza pɛa.»

Gbasamɔ 17:8

Ngɔnzu ɛngɛ ka mɛ zɔka, badung se nɛ zutunɔ. Ma, sising, a bo fin nɛ zutunɔ na. A begbo ha fongo hazu nɛ ha bhonda. Hio wi mɔ zu nu beyaksi ha zɔka wɛnɛ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Hazu, ngɔnzu ɛngɛ badung se nɛ zutunɔ. Ma, sising, a bo fin nɛ zutunɔ na. Ngase ɛngi, a bekifiri pe.

Gbasamɔ 20:1

Hapata ɛngi, mi zɔka ma *telenge ha ziloa ha ngɔn tɛ. Ha kɔ wa, wɛnɛ baa sɔtɛ nu fongo nɛ ma zio gbazɔbhɔ.