Gbasamɔ 2:9 - Takarata pɛ Sɔ Mbombe Mbon

⁹ Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.

Gbasamɔ 2:9 ပူးပေါင်းရင်းမြစ်များ

Matthieu 4:10

Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Dede Wen hazu Jésus-Christ ka Luc ngɛraka 12:21

Ey, wi ka kay kpaamɔ hazu wa, ma, ka dung nê fabha ha li Sɔ, wɛnɛ nê yera wi.»

Dede Wen hazu Jésus-Christ ka Luc ngɛraka 22:65

Nɛ mbwa fɛngsa wɛnɛ nɛ dɔka wen fin.

Dede Wen hazu Jésus-Christ ka Luc ngɛraka 4:18

«*Nzɔy-Sɔtɛ pɛ *Kongawan dung ha zu mi, hazu wɛnɛ hɔnga mi mɛ bul *Dede Wen ha hio fabha wi. A tomsa mi hazu tɔ ha hio wan-zɔbhɔ nde, zɔbhɔ pɛ mbwa kara, hazu gbosisi li hio wan-gdɔka li, hazu gbosisi wi ndɔng ka ɛ yukoto gde sɛɛ.

Dede Wen hazu Jésus-Christ ka Luc ngɛraka 6:20

Jésus zɔka hio *wan-yambimɔ pɛa nɛ a tɔa ha mbwa: «Totɛ ha ɛnɛ ka dung nê fabha wi hazu ɛnɛ bedung hio wi mɔ *Kongakandɔ pɛ Sɔ.

Jean 16:33

Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Deamɔ 26:11

Mi dungɔ ha nɔsasa mbwa mɛ lak mɛkara Jésus gde nɛ wal ndulso mbwa nɛ zambala ha hio *twa gɔ Sɔ. Tuka mi dungɔ nɛ gdanga ngambi sungiri nɛ mbwa, mi namala mbwa hɔ ha hio gɔn-gɛnɛ le.

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Rome 2:17

Pɛ mɛ ka osi tɛ tuka kpasa zuife, mɛ gde tazu mɛ nde, mbonga pɛ Moïse bekpasisi mɛ ha li Sɔ, nɛ mɛ ha suotɛ nde, ɛnɛ nê hio wi pɛ Sɔ.

Rome 5:3

Yo bo sɔna nê ɛngi na. Ma, ɔ ha dea totɛ fin hazu yeksamɔ ka kpa may hinɛ ɔ. Hazu ɔ ingɔ nde, yeksamɔ bede nde, ɔ adung nɛ yikosila.

Rome 8:35

Nge mɔ ge ka bekɛtini soko ɔ hinɛ ngoy ka Christ ngoya nɛ ɔ, ge nde? Mana yeksamɔ? Mana ke? Mana hio wi ka namili ɔ? Mana ginga foto? Mana mɔ ka kɔpi ɔ? Mana ngamɔ? Mana fio nde? Way!

Rome 9:6

Wen ka mi tɔ ha ɛnɛ, yo bo nde, gɔnanu pɛ Sɔ tɛ bo nê gbelemɔ, na. Ma, yo bo nê hio kandɔ pɛ Israel fɛt ka dung nê tɛ kpasa kandɔ pɛ Sɔ, na.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

2 Korente 8:2

Dɔka yeksamɔ ka kpaa mbwa, wea sila mbwa nɛkpasa. Ma, mbwa dungɔ swe fɛt nɛ totɛ. Ngase mbwa nê hio fabha wi nɛkpasa, mbwa haa mɔ nɛdɔka pen fɛt.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

1 Tesalonike 3:4

Kpasawen, ha ngimɔ ka ɔ dungɔ haki ha soko ɛnɛ, ɔ gbaa tazu ɛnɛ bingiri nde, ɔ bekpa yeksamɔ. Nɛ mɔ hɔa mɛgi tuka ɛnɛ ingɔ yo fɛt.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

Gbasamɔ 1:9

Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.

Gbasamɔ 2:13

Mi ingɔ bhandi ka ɛnɛ de le ang, yo nê bhandi ka solowan pɛ *Satan dung ang. Ɛnɛ dolsa tɛ ɛnɛ ha mi, nɛ ɛnɛ tɛ kafi mɛkara mi na, ngase ha ngimɔ ka ɛ gbɛa nɛ Antipas, mboazu wan-kɛwen pɔm ha pɛ ɛnɛ, ha bhandi ka Satan de le ang.

Gbasamɔ 2:2

Mi ingɔ deamɔ pɛ ɛnɛ fɛt. Ɛnɛ ha dea ngatom. Ɛnɛ nɛ yikosila ha ngimɔ yeksamɔ, nɛ mi ingɔ fin nde, ɛnɛ yɛkili gdanga wi ha soko ɛnɛ na. Ɛnɛ wea sila hio wi ndɔng ka ba tɛ mbwa tuka *wan-nɛtom, ngase mbwa bo nê yo na. Nɛ ɛnɛ kpaa nde, mbwa nê hio wan-dalo.

Gbasamɔ 2:24

«Ma, ka bo nê pɛ ɛnɛ, hio olo wi mɔ eglize ha Tiatire, ka tɛ ndari gdanga osamɔ ɛngɛ na, ɛnɛ tɛ yambi mɔ ka ɛ sa nde, osamɔ wuso pɛ *Satan, na. Mɛgi, mi lɛm gde ma mbing zio toy ha zu ɛnɛ na.

Gbasamɔ 3:9

Ɛnɛ zɔk, hio ma wi ha tɔa dalo nde, mbwa nê *zuife. Ma, mbwa bo nê zuife na, mbwa nê giliwi pɛ *Satan. Mi benɔsisi mbwa nde, mbwa atɛ tɛ ngbi zigolo ha si ɛnɛ. Mɛgi, mbwa being nde, mi ngoya ɛnɛ.

Gbasamɔ 7:14

Mi kiforo wen ha wɛnɛ: «Gasa wi pɔm, yo nê mɛ ha ing mbwa.» Nɛ wɛnɛ tɔa ha mi: «Yo nê hio wi ndɔng ka gboa ha zang gasa yeksamɔ. Mbwa fala la tɛ mbwa ha zang tɔktɛ Besami gde nɛ bua.