Gbasamɔ 2:3 - Takarata pɛ Sɔ Mbombe Mbon

³ Ɛnɛ nɛ yikosila. Ngase ɛnɛ kpaa yeksamɔ hazu mi, sila ɛnɛ tɛ mɔk ang na.

Gbasamɔ 2:3 ပူးပေါင်းရင်းမြစ်များ

Marc 15:21

Ha wal, hio wan-bibulo kpaa ma wi ha pea ha fɔ. Yo nê Simon wi mɔ le Sirene, bafa mɛ Alexandre hinɛ Rufus. Nɛ mbwa nɔsasa wɛnɛ mɛ gu getakate pɛ Jésus.

Dede Wen hazu Jésus-Christ ka Luc ngɛraka 14:27

Wi ka ngoy dung wan-yambimɔ pɔm, dea nde, wɛnɛ agu getakate pɛa nɛ wɛnɛ andari mi.

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Dede Wen hazu Jésus-Christ ka Luc ngɛraka 21:19

Ka ɛnɛ ba nɛ nɔa nging ha mɔ ndɔng fɛt, ɛnɛ bekpasisi tunɔ pɛ ɛnɛ.»

Dede Wen hazu Jésus-Christ ka Luc ngɛraka 5:5

Simon kiforo wen ha wɛnɛ: «Wan-osimɔ, ɔ gbɛngsa tɛ nɛ zɛ fɛt, kanɛ mɔsa, nɛ ɔ gbɛ kɔyɔ ndang na. Ma, tuka mɛ tɔa mɛgi, mi bepi yo.»

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Jean 15:21

Ma, mbwa bede mɔ ndɔng fɛt ha tɛ ɛnɛ, hazu ɛnɛ mɛkara mi, nɛ hazu mbwa ing wan-tomsi mi tɛnɛ na.

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Rome 16:12

Ɛnɛ fan Trifene hinɛ Trifoze, ka gbɛngsi tɛ mbwa ha tom pɛ Kongawan. Ɛnɛ fan ndɔngsila mi, Perside, ya ɔ bebhoko, ka dea tom ha Kongawan nɛdɔka.

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

Rome 8:25

Ma, mɔ ka ɔ tɛ kpa ka yo na, nɛ ka ɔ gde tazu ɔ ang, ɔ bekeri yo nɛ yikosila.

1 Korente 13:7

Ha zang mɔ fɛt, wɛnɛ ha baa sila nɛ kɔ, wɛnɛ ha mɛkara Sɔ, wɛnɛ ha gdea tazu wa ha tɛ Sɔ, nɛ wɛnɛ ha yɔnga yini.

1 Korente 16:16

ɛnɛ aze nu hio wi tuka mbwa, nɛ nu wi fɛt ka gbɛngsi tɛ ha dea tom hinɛ mbwa.

2 Korente 10:15

Ɔ tɛ sutɛ pentɛ na. Yo nde, tom ka hio mbing wi dea, ɔ sutɛ hazua na. Ma, ɔ gdea tazu ɔ ha tɛ Sɔ nde, mɛkaramɔ pɛ ɛnɛ akpɔtɛ nɛ ha sɔngsi. Ɛngi beha ɔ wal mɛ de ma gasa tom pen mɔ sɔngsi ha soko ɛnɛ, tuka Sɔ weka ha ɔ mɛ de.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

2 Korente 4:1

Sila ɔ kati na, hazu Sɔ dea kobhe tɛ ɔ, nɛ a gdea ɔ ha tom ɛngɛ.

2 Korente 4:16

Yo nê ɛngi, ka sila ɔ lɛm kati na. Nɛ ngase ka tɛ ɔ ha yɛmala tikiring-tikiring, tunɔ pɛ ɔ ka dung ha sila ɔ, ha kpaa ngatɛ swe nɛ swe.

2 Korente 5:9

Ma, ngase ka ɔ bhɔna ka nɛ tɛ ɛngɛ, ngase ka ɔ laka yo gde, ɔ ngoya sɔna nde, ɔ ade nɛ mɔ ka ha totɛ ha wɛnɛ.

2 Korente 6:5

Hio wi ha mɛla ɔ, mbwa ha pio ɔ ha twa zɔbhɔ, nɛ mbwa ha dea woto-wotomɔ ha tɛ ɔ. Ɔ ha dea hio ngatom, ɔ kpa wal mɛ ɔ la na, nɛ yɔngamɔ ha kɔpa ɔ.

Galasi 6:2

Ɛnɛ agbakiri may ha zang hio ngamɔ. Ka ɛnɛ de mɛgi, ɛnɛ belɛmsiri *mbonga pɛ Christ.

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

Filipe 2:16

Nɛ ɛnɛ abul wen ka ha tunɔ ha mbwa. Ka ɛnɛ de mɛgi, mi besutɛ bin hazu ɛnɛ, ha swe ka Jésus-Christ bepe. Yo beosi nde, ngatom ka mi gbɛngsa tɛ ha dea, yo tɛ gɔy nɛ gbelea na.

Filipe 4:3

Pɛ mɛ, kpasa sɔy-tom pɔm, mi ani mɛ nde, mɛ agbakiri hio bhoko ndɔng bwa mɛ ze nu may. Hazu ɔ hinɛ mbwa, ɔ dea tom bulo *Dede Wen nɛdɔka pentɛ, tɛ ba nɛ Klement nɛ hio olo sɔy-tom pɔm, ka Sɔ ngɛraka ling mbwa fɛt ha zang Takarata Tunɔ.

Kolose 1:11

Sɔ beha ɛnɛ ngatɛ pentɛ nɛ wal lɛkɛ-lɛkɛ ziomɔ pɛa tuka nde, ɛnɛ ayɔng yini nɛ yikosila ha zang mɔ fɛt.

1 Tesalonike 1:3

Ha li Sɔ, Bafa ɔ, tazu ɔ ha gbaa nɛ tom ka ɛnɛ de nɛ wal mɛkara Christ. Nɛ tazu ɔ ha gbaa nde, ɛnɛ ha gbɛngsa tɛ hazu ngoy may, nɛ nde, ɛnɛ ha gdea tazu ɛnɛ nɛ yikosila ha tɛ *Kongawan pɛ ɔ, Jésus-Christ.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Tesalonike 5:12

Hio ya ɔ, ɔ ani ha ɛnɛ nde, ɛnɛ aba nɛ zioa hio wi ndɔng ka de ngatom ha soko ɛnɛ, ka *Kongawan gdea ha zu ɛnɛ, nɛ ka ha mbɔla ha ɛnɛ.

2 Tesalonike 3:13

Ka bo nê pɛ ɛnɛ, hio ya ɔ, ka tɛ ɛnɛ akati ha dea dedemɔ na.

2 Tesalonike 3:5

Kongawan angbɔsi sila ɛnɛ ha ngoy ka tɛ nɛ Sɔ, nɛ ha yikosila ka tɛ nɛ Christ.

2 Tesalonike 3:8

Ɔ tɛ kpa yɔngamɔ ha kɔ ma wi nɛ gangtɛ na, ma, ɔ bade tom nɛ gbɛngamɔ nɛ katatɛ swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Timothée 4:10

Ey, ɔ ha gbɛngsa tɛ nɛ ɔ ha bio bulo, hazu ɔ gdea tazu ɔ ha tɛ tunɔ Sɔ, ka dung nê *wan-kpasisi hio wi fɛt, pen mɔ fɛt, wan-kpasisi hio wi ndɔng ka mɛkara wɛnɛ.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

Hebro 10:36

Lɛma nde, ɛnɛ aba sila ɛnɛ nɛ kɔ hazu de nɛ mɔ ka Sɔ ngoya. Ka ɛnɛ de mɛgi, ɛnɛ bekpa mɔ ka wɛnɛ gɔna nua.

Hebro 12:1

Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.

Hebro 13:13

Mɛgi, ɔ agbo nɛ ha gdong kin nde, ka hio wi abhɛsiri ɔ hinɛ wɛnɛ gbesi.

Hebro 6:10

Sɔ bo nê wan-de kalbho-kalbho mɔ na. Mɛgi, tazu wa lɛm bisi nɛ tom nɛ ngoy pɛ ɛnɛ na. Ɛnɛ gbakara hio nzɔy wi pɛ Sɔ, nɛ ɛnɛ bhɔna ka ang. Ɛngi osi nde, ɛnɛ ha ngoya Sɔ.

Hebro 6:12

Ka ɛnɛ atɛ pɔsa wi na. Ma, ɛnɛ ade mɔ gbesi tuka hio wi ndɔng ka mɛkara Sɔ, nɛ ka dung nɛ yikosila, hazu mbwa bekpa mɔ ndɔng ka Sɔ gɔna nua.

Hebro 6:15

Abraham kera mɔ nɛ yikosila, nɛ a kpaa hio mɔ ka Sɔ bagɔn nua ha wɛnɛ.

2 Pierre 1:6

Mbaramɔ bede nde, ɛnɛ agan zu tɛ ɛnɛ. Gana zu tɛ ɛnɛ bede nde, ɛnɛ adung nɛ yikosila ha zang yeksamɔ. Dungɔa nɛ yikosila bede nde, ɛnɛ adung nɛ mboazu ha li Sɔ.

Gbasamɔ 1:9

Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.

Gbasamɔ 3:10

Ɛnɛ pama wen nu mi nde, ɛnɛ adung nɛ yikosila. Hazu ɛngi, mi fin, mi bepam ɛnɛ ha ngimɔ *sɛbhalamɔ ka betek ha nzan fɛt hazu we sila wi mɔ zu nu fɛt.