Gbasamɔ 2:13 - Takarata pɛ Sɔ Mbombe Mbon

¹³ Mi ingɔ bhandi ka ɛnɛ de le ang, yo nê bhandi ka solowan pɛ *Satan dung ang. Ɛnɛ dolsa tɛ ɛnɛ ha mi, nɛ ɛnɛ tɛ kafi mɛkara mi na, ngase ha ngimɔ ka ɛ gbɛa nɛ Antipas, mboazu wan-kɛwen pɔm ha pɛ ɛnɛ, ha bhandi ka Satan de le ang.

Gbasamɔ 2:13 ပူးပေါင်းရင်းမြစ်များ

Matthieu 10:23

Ka ɛ benamili ɛnɛ ha ma le, ɛnɛ ayu mɔ pen si ha mbinga. Kpasawen, mi tɔ ha ɛnɛ nde, mi, *Bewei pɛ Wi bekifiri sɔngsi nde, ɛnɛ akarsi tom pɛ ɛnɛ ha zang hio le mɔ *Israel fɛt.

Matthieu 24:9

«Ha ngimɔ ɛngi, ɛ beba ɛnɛ mɛ yukiti nɛ mɛ gbɛ ɛnɛ. Hio kandɔ fɛt besɛn ɛnɛ hazu ɛnɛ mɛkara mi.

Matthieu 4:10

Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Dede Wen hazu Jésus-Christ ka Luc ngɛraka 21:17

Wi fɛt besɛn ɛnɛ hazu ɛnɛ nê wi pɔm.

Deamɔ 22:20

Nɛ ha ngimɔ gbɛa Etienne, wan-kɛwen pɛ mɛ, mi fin dungɔ ang. Mi mɛkara yo, nɛ mi pama la pɛ wi ndɔng, ka gbɛa wɛnɛ.›

Deamɔ 9:14

Hio gasa wan-hasadaka haa wɛnɛ ziomɔ nde, wɛnɛ atɛ hakɛ, tɛ kay wi fɛt ka mɛkiri ling mɛ a ha twa zɔbhɔ.»

1 Tesalonike 5:21

Ma, ɛnɛ ambari soko hio kuliwen fɛt, nɛ ɛnɛ apam ɛ ndɔng ka dung nɛ dedea.

1 Timothée 5:8

Ka ma wi pam hio nam pɛa nɛdedea na, pen fɛt, ka wɛnɛ pam hio wi mɔ twa pɛa nɛdedea na, wɛnɛ kafa mɛkara Christ kari. Nɛ wɛnɛ tɛ bo nɛ gdangaa pen wi ɛngɛ ka tɛ mɛkiri Christ swe ndang na.

2 Timothée 1:13

Dea nde, mɛ ade mɔ lɛm nɛ hio kpasa wen ka mɛ zea ha nu mi. Ha dea mɛgi, mɛ abhɔn ha zang mɛkaramɔ nɛ ngoy ka tɛ nɛ wal dea sɔy hinɛ Jésus-Christ.

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Hebro 10:23

Mɔ ka ɔ gde tazu ɔ ang, nɛ ka ɔ kɛ wena ha li wi fɛt, ɔ apam yo nɛ nɔa. Ey, Sɔ nɛ mboazu, a bede mɔ ka wɛnɛ gɔna nua mɛ de.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Jacques 2:7

Nɛ yo bo nê mbwa ka fɛngsi dede ling Jésus-Christ ka ɛ saa ha zu ɛnɛ, na nde?

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Gbasamɔ 11:3

Hio wan-kɛwen pɔm bwa beyol la zim mɔ. Nɛ mi beha mbwa ngatɛ mɛ tɔ hio kuliwen pɔm lɛm hio yala ndɔng tomay nɛ gɔmmay bwa zu bhukɔa mɔrkɔ zu bhukɔa ndang (1260).»

Gbasamɔ 12:11

Hio ya ɔ gana zu wa nɛ wal tɔktɛ Besami, nɛ fin nɛ wal tɛwen ka mbwa kɛa wena. Mbwa tɛ zɔk tunɔ pɛ mbwa tuka ma mɔ na, nɛ mbwa mɛkara mɛ fe.

Gbasamɔ 13:2

Ngɔnzu ɛngɛ ka mi zɔka, baa may hinɛ gɔ. Nanga wa tuka pɛ ma gasa ngɔnzu ka ɛ sa nde, urse, nɛ nu wa tuka pɛ dila. Ndibha haa ngatɛ pɛa, solowan pɛa, nɛ gasa ziomɔ ha wɛnɛ.

Gbasamɔ 14:12

Yo nê ɛngi, lɛma nde, hio wi pɛ Sɔ adung nɛ yikosila, mbwa fɛt ka pam hio wen *mbonga pɛa, nɛ ka mɛkiri Jésus nɛ mboazu.

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Gbasamɔ 17:6

Nɛ mi zɔka nde, bhoko ɛngɛ fea dɔkɔ nɛ wal nɔa tɔktɛ hio wi pɛ Sɔ nɛ tɔktɛ hio wan-kɛwen tɛ Jésus. Nɛ ka mi gɛra wɛnɛ, mi yaksa pentɛ.

Gbasamɔ 2:2

Mi ingɔ deamɔ pɛ ɛnɛ fɛt. Ɛnɛ ha dea ngatom. Ɛnɛ nɛ yikosila ha ngimɔ yeksamɔ, nɛ mi ingɔ fin nde, ɛnɛ yɛkili gdanga wi ha soko ɛnɛ na. Ɛnɛ wea sila hio wi ndɔng ka ba tɛ mbwa tuka *wan-nɛtom, ngase mbwa bo nê yo na. Nɛ ɛnɛ kpaa nde, mbwa nê hio wan-dalo.

Gbasamɔ 3:11

Mi bepe nɛhasa. Ɛnɛ ba mɔ ka dung ha kɔ ɛnɛ nɛ nɔa yu nde, ma wi betɛ ku kɛamɔ pɛ ɛnɛ yunɛ.

Gbasamɔ 3:3

Tazu ɛnɛ agba nɛ osamɔ ka ɛnɛ bakpa nɛ ka ɛnɛ baze. Ɛnɛ pam osamɔ ɛngɛ nɛdedea, nɛ ɛnɛ kifiri sila ɛnɛ. Ka ɛnɛ dung nɛ zɔma na, mi bewang ɛnɛ tuka wanzu, nɛ ɛnɛ lɛm ing ngimɔ ka mi betɛ ndang na.