Gbasamɔ 2:10 - Takarata pɛ Sɔ Mbombe Mbon

¹⁰ Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

Gbasamɔ 2:10 ပူးပေါင်းရင်းမြစ်များ

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Matthieu 24:13

Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.

Marc 13:13

Hio wi fɛt besɛn ɛnɛ hazu ɛnɛ mɛkara mi. Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.»

Marc 8:35

Hazu wi, ka ngoy kpasisi tunɔ pɛa, a beyɔsisi yo. Ma, wi ka yɔsisi tunɔ pɛa hazu wɛnɛ mɛkara mi nɛ *Dede Wen pɛ Sɔ, a bekpasisi yo.

Dede Wen hazu Jésus-Christ ka Luc ngɛraka 21:12

«Ma, sɔngsi ka mɔ ndɔng behɔ, ɛ beba ɛnɛ, nɛ ɛ benamili ɛnɛ ndɛr-ndɛr. Ɛ begde ɛnɛ ha li kita ha zang *twa gɔ Sɔ. Ɛ bepi ɛnɛ ha zɔbhɔ. Ɛ beku ɛnɛ nɛnɛ ha li hio *kongapora nɛ ha li hio gɔfɔrma hazu ɛnɛ nê wi pɔm.

Jean 12:25

Wi kɛ ka ngoy tunɔ pɛa, a beyɔsisi yo. Ma, wi ka zɔk tunɔ pɛa ha nzan ɛngɛ tuka gbelemɔ, a bepam yo ha *tunɔ kpoo.

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jean 13:27

Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Deamɔ 21:13

Ngase ɛngi, a tɔa: «Hazu ge ɛnɛ ha hea kwa nɛ ɛnɛ ha aa ngɔtɛ ha sila mi, ge nde? Mi bhɔngara sila mi bo sɔna nde, mbwa asang mi, na, ma nde, mbwa agbɛ fin mi ha Jérusalem nɛ ling *Kongawan Jésus.»

1 Korente 9:25

Hio wi fɛt ka de kpakpay, mbwa de mɔ fɛt hazu bhɔngiri tɛ mbwa nɛdedea tuka nde, mbwa agan ha dea kpakpay. Mbwa de yo hazu kpa kɛamɔ ka begdang nɛhasa. Ma, pɛ ɔ, ɔ de yo hazu kpa kɛamɔ ka bebhɔn kpoo.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Efeze 6:12

Hazu bulo ka ɔ bi, ɔ bi yo sungiri nɛ hio wi mɔ zu nu na. Ma, ɔ bi yo sungiri nɛ hio sɔtɛ gan zu mɔ nɛ hio nga sɔtɛ, sungiri nɛ hio gasa wan mɔ tutum ɛngɛ sising nɛ hio gdanga sɔtɛ.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 13:2

Ngɔnzu ɛngɛ ka mi zɔka, baa may hinɛ gɔ. Nanga wa tuka pɛ ma gasa ngɔnzu ka ɛ sa nde, urse, nɛ nu wa tuka pɛ dila. Ndibha haa ngatɛ pɛa, solowan pɛa, nɛ gasa ziomɔ ha wɛnɛ.

Gbasamɔ 13:7

Ngɔnzu ɛngɛ kpaa ziomɔ mɛ bi bulo sungiri nɛ hio wi pɛ Sɔ, nɛ mɛ gan zu mbwa. A kpaa ziomɔ ha zu hio nugala fɛt, kandɔ fɛt, nu le fɛt, nɛ kandɔnu fɛt.

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Gbasamɔ 2:13

Mi ingɔ bhandi ka ɛnɛ de le ang, yo nê bhandi ka solowan pɛ *Satan dung ang. Ɛnɛ dolsa tɛ ɛnɛ ha mi, nɛ ɛnɛ tɛ kafi mɛkara mi na, ngase ha ngimɔ ka ɛ gbɛa nɛ Antipas, mboazu wan-kɛwen pɔm ha pɛ ɛnɛ, ha bhandi ka Satan de le ang.

Gbasamɔ 2:9

Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.