Gbasamɔ 19:15 - Takarata pɛ Sɔ Mbombe Mbon

¹⁵ Sɔa gbapa gboa ha nu wa. A bemɛl hio kandɔ nɛ yo, nɛ a bengbɔsi mbwa nɛ tongolo wan mɔ bolo. A bebhal mbwa tuka hio wayate vigne hazu lɛmsiri gdanga ngambi pɛ Sɔ, wan-zu mɔ fɛt.

Gbasamɔ 19:15 ပူးပေါင်းရင်းမြစ်များ

2 Tesalonike 2:8

Ha ngimɔ ɛngi Wan-kafi mbonga begbasi tɛ. Nɛ Kongawan Jésus begbɛ wɛnɛ nɛ bubu nu wa, nɛ a beyangili wɛnɛ nɛ yolo lɛkɛ-lɛkɛ gbasa tɛ pɛa.

Gbasamɔ 1:16

Wɛnɛ baa sɔla mɔrkɔ zanga bwa ha wekɔ wa. Nɛ ma sɔa gbapa nɛ nua bwa ha gboa ha nu wa. Zang li wa nɛ baa tuka swe ha sila zu.

Gbasamɔ 12:5

Bhoko ɛngɛ bhɛa nɛ bewei ka bengbɔsi hio kandɔ fɛt nɛ tongolo wan mɔ bolo. Nɛ ɛ kuo bema nɛhasa nɛnɛ ha pɛ Sɔ, nɛ hapɛtɛ solowan pɛa.

Gbasamɔ 14:10

mbwa benɔ ba li vigne pɛ Sɔ. Yo nê li vigne mɔ ngambi pɛ Sɔ, ka wɛnɛ tɛ sɔkiri na, nɛ ka wɛnɛ gɔsa ha zang kɔpɔ mɔ ngambi pɛa. Nɛ mbwa bekpa yukotomɔ ha zang we nɛ piti we ha li hio nzɔy telenge nɛ ha li Besami.

Gbasamɔ 19:21

Nɛ gbapa ka gboa ha nu wan-dang bu yanga, gbɛa hio olo wi. Nɛ hio nɔy fɛt yɔnga multɛ olo wi ndɔng zang mbwa don.

Gbasamɔ 2:12

«Mɛ ngɛriki ha *telenge pɛ giliwi mɔ eglize ha Pergame wen mɛgɛ: Ɛngɛ nê wen nu wi kɛ ka dung nɛ sɔa gbapa ka ɛ bɛnga nua bwa bwa fɛt.

Gbasamɔ 2:16

Mɛgi, ɛnɛ kifiri sila ɛnɛ. Ka bo mɛgi na, mi betɛ ha pɛ ɛnɛ nɛhasa hazu bi bulo sungiri mbwa nɛ gbapa ka gbo ha nu mi.

Gbasamɔ 2:27

Mbwa bekpa tongolo wan mɔ bolo hazu ngbɔsi nɛ hio kandɔ, nɛ mbwa beyangili mbwa tuka hio kpana ge bhutu-bhutu.