Gbasamɔ 19:10 - Takarata pɛ Sɔ Mbombe Mbon

¹⁰ Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Gbasamɔ 19:10 ပူးပေါင်းရင်းမြစ်များ

Matthieu 4:10

Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Marc 5:22

Ma wan-zu *twa gɔ Sɔ, ling wa nde Yairus, tɛa. Nɛ ka wɛnɛ zɔka Jésus, a hilo ha si wa.

Marc 7:25

Ma bhoko ka zea kasi tɛ Jésus, tɛa tɛ hil ha si wa, hazu gdanga sɔtɛ dungɔ ha yeksa bem pɛa mɔ bebhoko.

Dede Wen hazu Jésus-Christ ka Luc ngɛraka 1:19

Nɛ telenge tɔa ha wɛnɛ: «Yo nê mi telenge Gabriel. Mi ha yola ha li Sɔ. A tomsa mi hazu wolmɔ hinɛ mɛ nɛ tɔ dede kasi ɛngɛ ha mɛ.

Dede Wen hazu Jésus-Christ ka Luc ngɛraka 24:44

Hapata Jésus tɔa ha mbwa: «Ha ngimɔ ka mi bhɔna ka hinɛ ɛnɛ, mi tɔa ha ɛnɛ nde, lɛma nde, hio dɔka ngɛrakamɔ ha zu mi ha zang *mbonga pɛ Moïse, ha zang takarata pɛ hio *wan-tɔkuliwen, nɛ ha zang *takarata gima pɛ David fɛt alɛmsiri tɛ.»

Jean 5:39

Ɛnɛ yambi takarata pɛ Sɔ hazu ɛnɛ takiri nde, ɛnɛ ha kpaa *tunɔ kpoo ha zanga. Ma, bo nê takarata pɛ Sɔ ha kɛ wen tɛ mi, na nde?

Deamɔ 10:43

Hio *wan-tɔkuliwen fɛt bulo wen tɛ Jésus nde, wi ndang ndang fɛt ka mɛkiri wɛnɛ, Sɔ bebisi *sɛmbɔ pɛ mbwa nɛ wal ziomɔ pɛ ling Jésus.»

Deamɔ 13:27

Hio wi mɛ Jérusalem, nɛ hio wan-le pɛ mbwa fɛt tɛ ing nde, Jésus tɛa hazu kpasisi ɔ, na. Ngase ka mbwa ha tɔla wen pɛ hio wan-tɔkuliwen ha swe ɔmtɛ ndang ndang fɛt, mbwa ing gotoa ndang na. Ma, mbwa lɛmsara hio wen ndɔng nɛ wal gɔna kita fio ha zu Jésus.

2 Korente 8:7

Ha pɛ ɛnɛ, mɔ fɛt ang nɛdɔka: Mɛkaramɔ, ngatɛ mɛ tɔ wen nɛdedea, hɛl mɛ gbɛngsi tɛ, ingɔmɔ, ngoy ka ɛnɛ ngoy nɛ ɔ. Mɛgi, ɔ ngoya nde, ɛnɛ ade fin dede tom ɛngɛ tuka hio wi ka mɔ fɛt ang nɛdɔka.

Efeze 5:15

Hazu ɛngi, ɛnɛ pangay nɛ deamɔ pɛ ɛnɛ. Ka ɛnɛ ade mɔ tuka hio yerawi na, ma, ɛnɛ de mɔ tuka hio zɔma wi.

Efeze 5:33

Ma, yo fin gbesi nɛ ɛnɛ. Dea nde, wei ndang ndang fɛt angoy ko pɛa tuka tɛ wa. Nɛ dea nde, bhoko ndang ndang fɛt aba wei pɛa nɛ zioa.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

1 Tesalonike 5:15

Ɛnɛ pangay nde, ka ɛnɛ akifiri gdangamɔ ha wi ka dea gdangamɔ ha tɛ ɛnɛ, na. Ma, swe fɛt, ɛnɛ aki wal mɛ de dedemɔ ha soko may nɛ ha tɛ wi fɛt.

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.

1 Jean 5:10

Mɛgi, wi ka mɛkiri Bewei pɛ Sɔ, a ingɔ ha zang sila wa nde, wen ka Sɔ kɛa nê tɛwen. Ma, wi ka mɛkiri Sɔ na, a baa Sɔ tuka wan-tɔ dalo. Hazu a tɛ mɛkiri wen ka Sɔ kɛa hazu Bewei pɛa na.

1 Jean 5:21

Hio bem pɔm, ka ɛnɛ andari hio gbele sɔ na!

Gbasamɔ 1:1

Takarata ɛngɛ tɔ nɛ wen mɔ ka Jésus-Christ gbasa. Sɔ haa gbasamɔ ɛngɛ ha wɛnɛ tuka nde, wɛnɛ aosi ha hio wan-tom pɛa mɔ ka betɛ nɛhasa. Wɛnɛ tomsa ma *telenge pɛa ndang hazu osi mɔ ndɔng ha Jean, wan-tom pɛa.

Gbasamɔ 1:9

Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.

Gbasamɔ 12:11

Hio ya ɔ gana zu wa nɛ wal tɔktɛ Besami, nɛ fin nɛ wal tɛwen ka mbwa kɛa wena. Mbwa tɛ zɔk tunɔ pɛ mbwa tuka ma mɔ na, nɛ mbwa mɛkara mɛ fe.

Gbasamɔ 12:17

Mɛgi, sila ndibha yimɔ sungiri nɛ bhoko, nɛ a pena ha bio bulo sungiri nɛ hio olo bem pɛ bhoko, ɛ ndɔng ka pam hio wen *mbonga pɛ Sɔ, nɛ ka pama tɛwen ka Jésus kɛ wena.

Gbasamɔ 14:7

A tɔa nɛ ngagɛl: «Ɛnɛ yu ke Sɔ, nɛ ɛnɛ lukisi wɛnɛ! Hazu ngimɔ ka wɛnɛ begɔn nɛ kita ha zu hio wi hɔa kari. Ɛnɛ lukisi wɛnɛ ka dea ngɔn nɛ nu, nana-litɔng nɛ hio zu ndong li fɛt.»

Gbasamɔ 15:4

Nge wi ka bekafi yuo ke mɛ, Kongawan, ge? Nge wi ka bekafi lukoso mɛ ge? Hazu yo nê mɛ ndang sɔna ka dung nɛ nzɔya. Hio kandɔ fɛt betɛ tɛ lukisi mɛ tuka Sɔ, hazu hio nzeng deamɔ pɛ mɛ gboa long ha li wi fɛt.»

Gbasamɔ 19:9

Nɛ *telenge tɔa ha mi: «Mɛ ngɛriki mɔ nde: Totɛ ha wi ka Sɔ saa wɛnɛ ha yenga sibhoko pɛ Besami.» Nɛ a tɔa fin: «Hio wen ndɔng, yo nê tɛ kpasa wen nu Sɔ.»

Gbasamɔ 4:10

Nɛ ha ngimɔ fɛt ka mbwa de mɛgi, hio kotowi ndɔng bhuze bwa gbala nar ngbi zigolo ha si wi kɛ ka dungnu ha solowan, nɛ mbwa lukisi wɛnɛ, wɛnɛ ka dung nɛ zutunɔ kpoo nɛ kpoo. Mbwa gu ndutu ha zu mbwa gde ha si solowan, nɛ mbwa tɔ: