Gbasamɔ 16:9 - Takarata pɛ Sɔ Mbombe Mbon

⁹ Mɛgi, swe dɔa hio wi nɛ gasa gbɛngamɔ, nɛ mbwa fɛngsa ling Sɔ ka dung nɛ ziomɔ mɛ tomsi hio kemɔ mɛgi. Ma, mbwa tɛ kifiri sila mbwa na, nɛ mbwa kafa lukoso Sɔ.

Gbasamɔ 16:9 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 13:3

Way! Ma, mi tɔ ha ɛnɛ nde, ka ɛnɛ kpali deamɔ pɛ ɛnɛ na, ki ɛnɛ fɛt befe fin tuka wi ndɔng.

Dede Wen hazu Jésus-Christ ka Luc ngɛraka 13:5

Way! Ma, mi tɔ ha ɛnɛ nde, ka ɛnɛ kpali deamɔ pɛ ɛnɛ na, ki ɛnɛ fɛt mburr befe tuka wi ndɔng.»

2 Korente 12:21

Mi yu fin nde, ha ngimɔ ka mi behɔ ha pɛ ɛnɛ, Sɔ pɔm betɛ pi foy ha li mi hazu ɛnɛ. Yo nde, mi yu mɛ kpa ngɔtɛ hazu hio dɔka wi ka bade gdangamɔ sɔngsi, nɛ ka tɛ kifiri sila mbwa lak dea mɔ nzing, dea wanza, nɛ dea mɔ tum gde na.

Gbasamɔ 11:13

Ha ndangtɛ ngimɔ ɛngi, nu yaka nɛngaya. Yo gbaa soko gasa le ɛngɛ bhukɔ, nɛ yo gbinɔ ma bhalkɔa ndang ha sokoa. Nɛ hio wi tomay mɔrkɔ zanga bwa fea ha yo. Gasa ke dona sila hio olo wi, nɛ mbwa lukoso Sɔ ka dung ha zang ngɔn.

Gbasamɔ 14:7

A tɔa nɛ ngagɛl: «Ɛnɛ yu ke Sɔ, nɛ ɛnɛ lukisi wɛnɛ! Hazu ngimɔ ka wɛnɛ begɔn nɛ kita ha zu hio wi hɔa kari. Ɛnɛ lukisi wɛnɛ ka dea ngɔn nɛ nu, nana-litɔng nɛ hio zu ndong li fɛt.»

Gbasamɔ 16:21

Nɛ gasa kolo bhɔkala ɔla ha zu hio wi. Zio kili bhɔkala ndang ndang lɛma nɛ kilo bhukɔa nar. Nɛ hio wi fɛngsa Sɔ hazu kemɔ mɔ bhɔkala, ka dung nê gdanga kemɔ nɛkpasa.

Gbasamɔ 2:21

Mi gdea ngimɔ ha wɛnɛ tuka nde, wɛnɛ akifiri sila wa. Ma, a tɛ ngoy kiforo sila nɛ laka dea wanza pɛa gde na.

Gbasamɔ 9:20

Hio olo wi fɛt ka tɛ fe nɛ wal hio kemɔ ndɔng na, mbwa bhɔna ka ha lukoso hio gdanga sɔ nɛ hio gbele sɔ ka mbwa dea nɛ kɔ mbwa nɛ gbɛbolo, nɛ bubolo, nɛ bolo, nɛ ta, mana nɛ te. Mbwa tɛ to gdong ha yo na, mbwa bhɔna ka ha lukoso hio sɔ ndɔng ka zɔk mɔ na, ka ze mɔ na, nɛ ka nɛ nɔ na.