Gbasamɔ 16:11 - Takarata pɛ Sɔ Mbombe Mbon

¹¹ Mbwa fɛngsa Sɔ ka dung ha zang ngɔn, hazu hio yimtɛ nɛ dalɛ pɛ mbwa. Ma, mbwa tɛ to gdong ha hio gdanga deamɔ pɛ mbwa na.

Gbasamɔ 16:11 ပူးပေါင်းရင်းမြစ်များ

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

Gbasamɔ 11:13

Ha ndangtɛ ngimɔ ɛngi, nu yaka nɛngaya. Yo gbaa soko gasa le ɛngɛ bhukɔ, nɛ yo gbinɔ ma bhalkɔa ndang ha sokoa. Nɛ hio wi tomay mɔrkɔ zanga bwa fea ha yo. Gasa ke dona sila hio olo wi, nɛ mbwa lukoso Sɔ ka dung ha zang ngɔn.

Gbasamɔ 16:2

Nɛ bosi telenge nɛa nɛ gɔsi kɔpɔ pɛa ha zu nu. Mɛgi, hio gdanga dalɛ ka yim pentɛ, gboa ha tɛ hio wi ndɔng ka dung nɛ dafu ngɔnzu, nɛ ka lukisi zizi tɛ wa tuka ma sɔ.

Gbasamɔ 16:21

Nɛ gasa kolo bhɔkala ɔla ha zu hio wi. Zio kili bhɔkala ndang ndang lɛma nɛ kilo bhukɔa nar. Nɛ hio wi fɛngsa Sɔ hazu kemɔ mɔ bhɔkala, ka dung nê gdanga kemɔ nɛkpasa.

Gbasamɔ 16:9

Mɛgi, swe dɔa hio wi nɛ gasa gbɛngamɔ, nɛ mbwa fɛngsa ling Sɔ ka dung nɛ ziomɔ mɛ tomsi hio kemɔ mɛgi. Ma, mbwa tɛ kifiri sila mbwa na, nɛ mbwa kafa lukoso Sɔ.

Gbasamɔ 2:21

Mi gdea ngimɔ ha wɛnɛ tuka nde, wɛnɛ akifiri sila wa. Ma, a tɛ ngoy kiforo sila nɛ laka dea wanza pɛa gde na.