Gbasamɔ 14:6 - Takarata pɛ Sɔ Mbombe Mbon

⁶ Hapata, mi zɔka ma mbing telenge ha buyoa nɛyɛa ha liswe. A tɛa ha tɔa dede wen ka bebhɔn kpoo, ha hio wi mɔ zu nu fɛt, ha kandɔnu fɛt, ha nugala fɛt, ha nu le fɛt, nɛ ha kandɔ fɛt.

Gbasamɔ 14:6 ပူးပေါင်းရင်းမြစ်များ

Matthieu 10:27

Mɔ ka mi tɔ ha ɛnɛ ha zang tutum, ɛnɛ atɔ yo nɛ nga swe. Nɛ mɔ ka ɛnɛ ze nɛ yimɔlɔa, ɛnɛ ahe mbelaa.

Marc 16:15

Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

2 Tesalonike 2:16

Sɔ, Bafa ɔ ngoya ɔ, mɛgi nɛ wal *dede sila pɛa, wɛnɛ ha yɔkala ɔ kpoo, nɛ a haa dede *mɔgdetazu ha ɔ. Wɛnɛ hinɛ Kongawan pɛ ɔ, Jésus-Christ,

Hebro 13:20

Sɔ, wan-ha gaamɔ, guo *Kongawan pɛ ɔ, Jésus, ha soko hio fio wi yunɛ. Wɛnɛ nê gasa zaoro sami, ka tɔktɛ wa bhɔngara *mbon ɛngɛ ka bebhɔn kpoo.

1 Pierre 1:25

Ma, wen pɛ *Kongawan bhɔn pɛa kpoo nɛ kpoo.» Nɛ wen ɛngɛ, yo nê Dede Wen ka ɛ bulo ha ɛnɛ.

Gbasamɔ 10:11

Hapata, ɛ tɔa ha mi fin: «Lɛma nde, mɛ atɔ kuliwen fin. Kuliwena bezɔk dɔka hio kandɔ, hio kandɔnu, hio nu le, nɛ hio *kongapora.»

Gbasamɔ 10:7

Ha ngimɔ dɔma mbia pɛ zemɔrkɔ zanga bwa telenge, Sɔ belɛmsiri mɔ ka wɛnɛ babheki nɛ wuso. A bede mɔ tuka wɛnɛ batɔ wena ha hio wan-tom pɛa, hio *wan-tɔkuliwen.»

Gbasamɔ 13:7

Ngɔnzu ɛngɛ kpaa ziomɔ mɛ bi bulo sungiri nɛ hio wi pɛ Sɔ, nɛ mɛ gan zu mbwa. A kpaa ziomɔ ha zu hio nugala fɛt, kandɔ fɛt, nu le fɛt, nɛ kandɔnu fɛt.

Gbasamɔ 3:10

Ɛnɛ pama wen nu mi nde, ɛnɛ adung nɛ yikosila. Hazu ɛngi, mi fin, mi bepam ɛnɛ ha ngimɔ *sɛbhalamɔ ka betek ha nzan fɛt hazu we sila wi mɔ zu nu fɛt.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Gbasamɔ 8:13

Mi zɔka mɔ fin, nɛ mi zea gɛl nzio ka buy nɛyɛa ha liswe. A tɔa nɛ ngagɛl: «Ngɔtɛ, ngɔtɛ, ngɔtɛ ha hio wi mɔ zu nu, ha ngimɔ ka hio olo telenge tar bedɔm mbia.»