Gbasamɔ 13:18 - Takarata pɛ Sɔ Mbombe Mbon

¹⁸ Ɛngɛ nê ngimɔ hazu osi mbaramɔ. Wi ka dung nɛ ingɔmɔ, lɛma tɔl nɔmɔrɔ pɛ bosi ngɔnzu, hazu nɔmɔrɔ ɛngɛ lɛma nɛ ling ma wi. Nɔmɔrɔ ɛngɛ, yo nê gɔmmay mɔrkɔ zanga ndang zu bhukɔa mɔrkɔ zu bhukɔa ndang zanga mɔrkɔ gbala ndang (666).

Gbasamɔ 13:18 ပူးပေါင်းရင်းမြစ်များ

Marc 13:14

(Mɛ, ka mɛ tɔl wen ɛngɛ, mɛ ze gotoa nɛ kinɔng!) «Ma swe, ‹gdanga mɔ nyɛl›, bedung ha bhandi ka yo lɛm dung ang na. Ka ɛnɛ bezɔk mɔ mɛgi, dea nde, wi ndɔng ka bedung ha kandɔnu Judée, mbwa ayumɔ si ha zu ngari.

Rome 3:5

Hio ma wi ha tɔa nde, ka deamɔ pɛ mbwa bo nzeng na, yo nê ma dedemɔ, hazu ɛngi osi long nde, deamɔ pɛ Sɔ nɛ nzeng. Mɛgi, mbwa bhɔna ha tɔa nde, ka Sɔ bendulsi mbwa ha li kita pɛa, wɛnɛ bo fin nɛ nzeng na.

Gbasamɔ 1:3

Totɛ ha wi ka tɔl takarata ɛngɛ, ka ze hio kuliwen ha zanga, nɛ ka de mɔ lɛm nɛ ngɛrakamɔ ɛngɛ. Hazu ngimɔ ka wena belɛmsiri nɛ tɛ koka kari.

Gbasamɔ 15:2

Mi zɔka ma mɔ tuka nana-litɔng ka lia sɔkara may nɛ we. Yo nɛ saa tuka mɔ-zɔk li. Mi zɔka fin hio wi ndɔng ka gana zu ngɔnzu, zu zizi tɛ wa, nɛ zu nɔmɔrɔ mɔ ling wa. Mbwa yola ha zu nana-litɔng ɛngɛ, ka dung nɛ saa tuka mɔ-zɔk li. Hio kunde pɛ Sɔ ha kɔ mbwa.

Gbasamɔ 17:9

«Ɛngɛ nê ngimɔ hazu osi mbaramɔ nɛ ingɔmɔ. Hio zu wa mɔrkɔ zanga bwa, yo nê hio ngari mɔrkɔ zanga bwa ka bhoko ɛngɛ dungɔnu ha zua. Nɛ yo fin nê hio kongapora mɔrkɔ zanga bwa.

Gbasamɔ 21:17

Nɛ wɛnɛ weka fin kuso kina. Yo lɛma hio dɔ mɔwekimɔ gɔmmay ndang zubhukɔa nar gbala nar. Wɛnɛ weka yo nɛ ndangtɛ mɔwekimɔ tuka pɛ hio wi.